لقيت جي اكس ار يبيله شغل

[احمد الصالحي]

السلام عليكم ورحمة الله وبركاته. .

لقيت جي اكس ار 8 سرندل 2010 اليحيي فل ماشي 220 الف متماسك ذهبي قير دبل مكينه علي الشرط

عيوبه ان فيه طقه بالرفرف لايمن وجايه علي الصدام شوي وتاركها مصالحها ومغير الباب اللي خلف الرديف وصداماته مخوش يبيلها رش وفحمت الونش خربانه
له الموتر معه 3سنوات ما اشتكي من شي

كم تتوقون تقريبا تكلفة رش صدامين و تصليح فحمت الونش؟

وهل الممشي 220 الف تاثر علي 8 سرندل؟ وحدود بيعه 100 تقريبا

[ابوراكان تبوك]

ممشاه شكله استخدام يومي شهريا يمكن يمشي 4000 لو تقسم 220 على اربع سنوات يطلع 55 سنوي وقسمها ع الاشهر والمهم ان زيته في العيار نظيف وراعيه مواظب على التغيير
وأسأله عن زيت القير متى آخر مره غيره حتى تتابعه انت
وسير التيمن كذلك متى آخر مره تغير

من ناحيه ممشاه كثير افحص المكينة كمبيوتر المهم نسبتها ماتنزل للثمانينات
ومن ناحيه سعره بـ 100 لين مع انه فل كامل واليحيى

رش الصدامات عندنا ماتتعدى 600 وكل منطقه لها اسعارها سعر فحمة الونش ما ادري عنه


والسياره اللي تشتريها من واحد استخدمها من ثلاث سنوات افضل من السوق بكثير

في النهاية سعره معقول بحكم سعر المنطقة اللي انا فيها لكن افحص المكينة مثل ماذكرت لك

موووووووووووفق

[احمد الصالحي]

مشكور وماقصرت ابو راكان سالفة القير وسير التيمن

[ابوراكان تبوك]

مشكور وماقصرت ابو راكان سالفة القير وسير التيمن

اقصد بعد الشراء حتى تتابع سيارتك

زيت القير يتغير كل 80 الف
سير التيمن يتغير كل 100ألف

[احمد الصالحي]

سالت الرجال قال ماغير شي غير مساعد وفحمات والباقي بانزين وزيت

[احمد الصالحي]

شريته والله يكتب اللي به الخير والمكينة نسبتها 92 بالمية

[اليامي قطر]

ماشاءلله تبارك الله

الله يعطيك خيره ويكفيك شره

موفق خير عندك له صوره وحده :)

[ابوراكان تبوك]

ع البركه اخوي احمد الصالحي ما شاء الله نسبة المكينة طيبه

الله يعطيك خيره ويكفيك شره

[الوحش2]

الله يعطيك خيره ويكفيك شره