وش الحل اذا تعطلت طرمبة البنزين في الطريق وانت مسافر

[النديم111]

السلام عليكم ورحمة الله وبركاته
لكل من ينوي السفر خاصه لاهل الامريكي من تاهو او يوكن من موديل 2006 ونازل يسافر ويده على قلبه خوفا من تعطل طرمبة البزين في الطريق ويعقد الموضوع اكثراذا كانت ورش الصيانه وقطع الغيار بعيده .
شاهدت قبل فتره مقطع فيديو لصاحب سياره يوكن او تاهو من موديل 99 واقل يسير في الطريق بعد ان قام بترهيم طريقه اوصل بها البنزين لماصوره البخاخات عن طريق لي اوصله بجركل ثبته بجانب السياره وسيارتة تسير بسرعة 140 طبعا لجئ لهذا الحل بعد خراب الطرمبه عليه .
للاسف ان مقطع الفيديو ليس لدي الان ارجو من الاخوان اللي اطلع على الفيديو ينزله علشان الكل يستفيد ونأخذ راي اهل الخبره في كيفية عمل مثل هذه الطريقه لانها بصراحه ليست مكلفه وفي الوقت نفسه تمشيك لين تحصل ورش وقطع مضمونه وتصلح سيارتك انا اشوف انها للمتعطل بسبب الطرمبه حل خرافي . ياليت اللي عنده خبره يشاركنا للاستفاده برأيه وخبرته

[النديم111]

تحديث هذا مقطع الفيديو اللي يخص الموضوع http://www.youtube.com/watch?v=IKEbjEiDLTY

[تميم2222]

والله انا شوف قشر بصل ^_^ بعض الاعطال مافيها دبره مثل السير والامور ااخرئ

[النديم111]

عزيزي السيور وبعض الأمور تقدر تشوفها بعينك او تغيرها قبل السفر والموضوع خاص بعطال طرمبة البنزين كونها منتشره بموديلات السيارات اللي بالموضوع والكلام هنا في كيفية الوصول للترهيم اللي سواه صاحب المقطع ومشى نفسه بدل الانتظار

[فتكا]

بيض الله وجهك على المقطع فعلً في ناس تحتاج شلون تتصرف

[ريان2002]

حي الله راعي الموضوع والاعضاء اللي علقوا على الموضوع
من وجهة نظري لو عندنا إهتمام بالصيانه الدوريه ماكان أنحطينا في مواقف بايخه ومن فضل الله عندي يوكن ٢٠٠٢ له معي تسع سنوات وسمعت وشفت يوكنات كثير متعطله بسبب طرمبة البنزين ولا سبق وان تعرضت لعطل وأضطريت للبحث عن سطحه بسببها أو بسبب غيرها
من يوم شريت اليوكن كل ماوصل الأمبير على النص أو أقل أعبيه فل وكل ٢٠ ألف كيلو أغير الفلتر والحمد لله من أبدع مايكون
الخلاصه لو عندنا جدول للصيانه الدوريه لسياراتنا وكل ما أنتهى العمر الإفتراضي لشيء غيرناه كان عاشت معنا سياراتنا وأرتحنا من الورش والأعطال
وسلامتكم جميع

[بدوي ممطور]

الموتر كابرس المهم تعطل وقالو طرمبة البنزين الي في التانكي لازم تفك التانكي وتغير الطرمبه وشغله طويله قلت خير ان شاء الله ويريد الله ولا عماره تحت الانشاء ماهي بعيده ولا فيه مرابيع خشب حقت الصبه حواليها واخذ مربوع خشبه واهبد التانكي حق البنزين من تحت بالخشبه وبسم الله الرحمن الرحيم والحمد لله تشتغل السياره وتصير السياره افضل من اول

[kssa]

حي الله راعي الموضوع والاعضاء اللي علقوا على الموضوع


من وجهة نظري لو عندنا إهتمام بالصيانه الدوريه ماكان أنحطينا في مواقف بايخه ومن فضل الله عندي يوكن ٢٠٠٢ له معي تسع سنوات وسمعت وشفت يوكنات كثير متعطله بسبب طرمبة البنزين ولا سبق وان تعرضت لعطل وأضطريت للبحث عن سطحه بسببها أو بسبب غيرها
من يوم شريت اليوكن كل ماوصل الأمبير على النص أو أقل أعبيه فل وكل ٢٠ ألف كيلو أغير الفلتر والحمد لله من أبدع مايكون
الخلاصه لو عندنا جدول للصيانه الدوريه لسياراتنا وكل ما أنتهى العمر الإفتراضي لشيء غيرناه كان عاشت معنا سياراتنا وأرتحنا من الورش والأعطال

وسلامتكم جميع



الوالد عنده يوكن 2002 وتعطلت عنده الطرمبة أكثر من مرة....
وهو حريص على السيارة وصيانتها ....

[النديم111]

هلا وغلا بالإخوان حياكم الله زبده الموضوع وشلون نركب لي البنزين من جركل البنزين ونوصله لماصوره البخاخ علشان نمشي الموتر لاقرب مركز صيانه طبعا مثل ماتفضلتو ان الصيانه مطلوبه ولكن طرمبة البنزين بالذات مالها امان كما ان صفاية البنزين في موديل 2005 وطالع داخل التانكي وصعب تغييرها انا برأي المتواضع
انه يكون وضع الجركل مرتفع شوي ليسهل تدفق البنزين ويركب اللي في ماصورة البخاخ بعد فصل اللي القادم من التانكي وازلة كتاوت طرمبة البنزين للاحتياط لكي لاتعمل الطرمبة بشكل مؤقت او متقطع وينتشر البنزين على أجزاء المكينه.
بالفعل المتعطل على طريق سفر ومعه عائلته يحاول صنع المستحيل ولاتنسو ان أصحاب السطحات يستغلون ويبالغون بالأسعار

[سيف وقلم]

وداعاً للعناء والتعب وتوفير المال لأصحاب الجموس في تغير طرمبة البنزين بالصوووووور - منتديات مكشات - http://www.mekshat.com/vb/showthread.php?t=515428

ويكأن الموضوع كتب لك.



وخلاصته هذي الصورة

http://up.arabseyes.com/uploads/07_07_1213416508867.jpg

[مسير عليكم]

اذا خايف منها رهم طرمبتين وخل الثانيه احتياط ومركبه وجاهزه بس افصل فيش وركب فيش

[لزااام]

لاهنت وجزاك الله خير وجتهاد طيب

[الحازمي com]

الحل تفتح فتحه الطرمبه تنفك بدون فك تانكي ترا تغيير طرمبه اصعب شئ فيها فك تانكي
شوف مقطع هذا المعلوميه هذا الموديل 99 اتوقع في اختلاف في مكان تانكي في بعض الموديلات
http://www.youtube.com/watch?v=chN4tRmBG5g

[النديم111]

مشكورين على مداخلاتكم
والمواضيع والاجتهادات كثيره عن طرمبة البنزين وبالأخص موضوع مشرفنا القدير كبسوله
وليس كل تعطل بسبب الطرمبه بتكون قطع الغيار والعده معك الهدف من الموضوع طريقة صاحب المقطع جزاه الله خير في المشي بالسياره بدون طرمبة البنزين في اصعب الظروف حفظكم الله

[تميم2222]

الموتر كابرس المهم تعطل وقالو طرمبة البنزين الي في التانكي لازم تفك التانكي وتغير الطرمبه وشغله طويله قلت خير ان شاء الله ويريد الله ولا عماره تحت الانشاء ماهي بعيده ولا فيه مرابيع خشب حقت الصبه حواليها واخذ مربوع خشبه واهبد التانكي حق البنزين من تحت بالخشبه وبسم الله الرحمن الرحيم والحمد لله تشتغل السياره وتصير السياره افضل من اول


ههههههههههههههههههههههههههههههه كم انت شرس

[الدبا]

الموتر كابرس المهم تعطل وقالو طرمبة البنزين الي في التانكي لازم تفك التانكي وتغير الطرمبه وشغله طويله قلت خير ان شاء الله ويريد الله ولا عماره تحت الانشاء ماهي بعيده ولا فيه مرابيع خشب حقت الصبه حواليها واخذ مربوع خشبه واهبد التانكي حق البنزين من تحت بالخشبه وبسم الله الرحمن الرحيم والحمد لله تشتغل السياره وتصير السياره افضل من اول
:D:D:D
هههههههههههههههه هذا الحل المضبوط

[بدوي ممطور]

ههههههههههههههههههههههههههههههه كم انت شرس

الله يجزاك خير
قال خذ خير قال متشيله عباتي
هالحين اعلمك بعد ارادة الله بطريقه مرت علي وبفكره ماتخطر على بالك ولا با الاحلام وتقول شرس

[بواردي الرس]

هلا اخوي
انا عندي جمس موديل 99 تعبت من طرمبة البنزين وكل فتره اغيرها بعض المرات ماتكمل سنه وكنت اشتريها من الوكاله بعد
والحمد لله لي الحين تقريبا 6 سنوات غيرت الطرمبه بطرمبه جيب لاندكروز من موديل 2001 وفوق
تخيل خلال 6 سنوات غيرت الطرمبه مرتين فقط قيمتها ( 250 ) ريال بعكس طرمبة الجمس تقريبا ( 1000 ) ريال
وبالتوفيق

[ابو فهد ألعزي]

ممكن تاحذ طرمبة بنزين خارجيه قويه
حق المديلات القديمه

وتركبه في داخل الكبوت مكان اللي الجاي من التانكي تفكه وتركبه في الطرمبه الجديده
ثم تاحذ وصلت لي مماثل في الحجم بطول بسيط وتركبه في المكينه
ثم توصل التيار الكهربائي من الطرمبه بالبطارية



وفي حال تطفيت السياره تقوم بفصل التيارالكهربائي من البطاريه


هذا حل مؤقت وغير مكلف ولا يحتاج طول انتظار

[تميم2222]

الله يجزاك خير
قال خذ خير قال متشيله عباتي
هالحين اعلمك بعد ارادة الله بطريقه مرت علي وبفكره ماتخطر على بالك ولا با الاحلام وتقول شرس

ياخوي لاتزعل :heart::heart:

[بدوي ممطور]

ياخوي لاتزعل :heart::heart:

وقلبي الي لوه من الصواديف لا وي
ماني زعلان ابد