هرن جيب جي اكس ار 2011 ما يدق الا اذا لفيت الدركسون يمين والا يسار

[وسيع البنايد]

هرن جيب جي اكس ار 2011 ما يدق الا اذا لفيت الدركسون يمين والا يسار وحصل العطل معي مباشره بعد تغيير الزيت والسيفون وتنفيخ فلتر الهوا والمحرك بالهواء
ولا ادري وش حلها
محتاج فزعتكم وراي سفر ولا ادري ياثر على الموتر والا لا
ياليت من عنده خلفيه يشور علي ويذكر لي ورشه فاهمه في هذي الشغله موقعي في الرياض

[شنطة عده]

صارت لي نفس مشكلتك سيارتي لاندكروزر 2004
بدون مقدمات صار البوري ما يضرب واحياناً يضرب مع لف الدركسون وبعدها هجد
ما قدرت اتحمل اسوق السياره بدون بوري ...ما كنت اعتقد ان البوري فقيده الا بعد ما خرب :D

سميت بالرحمن وتقربت العده والفواحص وفكيت الطاره (مهم جداً فصل اصبع الموجب قبل تبداء ما تظمن ينفجر الايرباق في وجهك هههههه)
واكتشفت ان تصميمة صعب ومعقد عباره عن علبة مدوره وبداخلها شريط يشبه المتر ينسحب للخارج ويرجع في نفس العلبة مع حركة الطاره ونفس العلبة تتحكم في مثبت السرعه
وازرار التحكم في الصوت وملحقاتها
كنت اعتقد انه يعمل بنظام الفحمة الثابتة على جانب عمود القيادة
المهم هونت عن التعمق اكثر ... وقلت دامي فكيت وتعبت ابنظف المحور الداخلي لانه كان مليان غبار وزيت
نظفته بعناية باستخدام بخاخ منظف ومزيت في نفس الوقت
ونشفته بقماش نظيف وفاين ورجعته وطبقت كل شي مثل ما كان
على اساس بعرضه على مختص سبق له حل نفس المشكله (احذرو من الي يقول نفك ونشوف)

وبعد ما شغلت ومشيت بمسافه كان في سياره متوسطه الطريق
وبحركه عفوية ظربت بوري لتنبيهه والا هو شغال :good2:

يعني المشكله تقريباً من تراكم الغبار مع مرور الوقت في المنطقة الحساسة بين عمود المقود والعلبة البلاستيكية

قد تكون هي السبب والله اعلم

[مظلووم]

اعتقد المشكله عندك في الشريحه الدائريه المسؤوله عن الهرن والارباق وتبديلها نص ساعه عند اقرب كهربائي فنان
والله اعلم

[ateeq7]

احسن شي تفحص كومبيوتر اذا بين عندك مشكلة في القطعة الدائريه تحت الاستيرنج فلازم تتبدل في وحدة جديدة او مستعملة من التشليح اما اذا كان لايوجد مشكلة ممكن تكون اسلاك او فيوز راخي

[محمد1415]

فيه قطعه دائريه خلف غطا الدركسون الظاهر حقت الارباق


هي اللي تتعطل دائما

[عبار درب]

الدعوة سهالات صارت معي و رح بها الولد لأم الحمام عند كهربائي نصف ساعة غير الشريط الدائري وسط الدريكسيون شغل يده اعتقد 60 ريال و الشريط حدود 150 على ما اظن الولد مسافر كان استفسر منه اكثر

[قمة افرست]

المشكلة عندك من القطعه الي بالدركسيون اسمها بوري ملف او شريط البوري
لاتحاول تفك الدركسيون الا عند مختص عشان الارباق
القطعه تركيبها سهل قيمتها حدود 400 ريال والتركيب من 50 الى 100 حسب الفني

[بن شمروخ]

مشكلة بوري اللندكروزر
مشكلة بوري الفورشينر


قبل فترة خرب عندي بوري لاندكروزر موديل ظ¢ظ×ظ،ظ¢
ومايدق البوري الا اذا لفيت الدركسون يمين ويسار،
سألت الشباب في قروب لاندكروزر عن المشكلة هذي
واكتشفت انه اغلب اللي في القروب مرت عليهم هذي المشكلة اما عندهم او عند احد من معارفهم


وجزاهم الله خير ذكروا لي اسم وسعر القطعة وتكلفة الاصلاح وكذلك الورشة المتخصصة بالكهرباء


معلومات عن القطعة
اسم القطعة شريحة بوري او دائرة ملف
سعر القطعة من ظ¤ظ¥ظ× الى ظ¥ظ§ظ× ريال حسب الموزع
تكلفة الاصلاح من ظ،ظ¥ظ× الى ظ¢ظ×ظ× ولابد ان يكون عند كهربائي جيد


ودائما تخرب هذي القطعة اكثر شئ بالترتيب عند
ظ،- الفورتشنر
ظ¢- اللند كروزر
ظ£- البرادو
ظ¤- الهايلكس نادرا

وغالبا تظهر معها لمبة الايرباق



وظيفة القطعة
مسؤولة عن الايرباق والبوري ومثبت السرعة


المشكلة
بسبب تراكم الغبار او دخول الماء للفيش




المهم رحت لصناعية النسيم واسعر القطع عند محلان قطع الغيار طريق المية
وحصلت يماني ونصحني الله يجزاه خير قال رح لمحل الجماعة (الجميعة) لزينة السيارات عندهم كهربائي يصلحها لك ب ظ¢ظ×ظ× ريال


المحل يبعد عنه عمارتين


وفعلا رحت للمحل عندهم هندي ممتاز متخصص ومعين رزق ماشاء الله من هالشريحة من كثر ماتخرب


ظ¢ظ× دقيقة والبوري ضبط ماشاء الله
طبعا التصليح ماهو سهل يحتاج خبير يطلع شريط لف من القطعة مثل المتر ولازم واحد فاهم عشان يرجعه .


طريقة التصليح
طبعا قطعة اللف فيها ظ¦ افياش او ظ¨
والاسلاك المستخدمة في الاندكروزر ظ¤ اسلاك مشبوكة في ظ¤ افياش
يعني عندك ظ¤ افياش فاضيات احتياط

يفك الايرباق
بعدها يفك الدكسون كامل
ويطلع القطعة دائرية فيها اسلاك وداخلها شريط زي شريط المتر


يشيل سلك البوري من الفيش الخربان ويحطه بالفيش الاحتياطي
بعدها يطلع شريط اللف ويعدل فيه ويثبه على الفيش الجديد وخلصنا




اسم الكهربائي
شبير
محل الجماعة طريق المية (صناعية النسيم) قبل اشارة حراج بن قاسم عاليمين وانت باتجاه الشرق