مشكلة بطبلون الجي اكس 2004

[معلم ماستر]

السلام عليكم


يااخوان من عنده حل لمشكلة عدادت الطبلون

احيانا مافيها شيء .. واحيانا مايشتغل عداد الزيت ومعاه عداد ضغط المكينة

واحيانا لما اشغل السيارة تتأخر العدادات جميعها بما فيها البنزين والبطاية لمدة خمس ثواني ماتشتغل وبعدها تشتغل وترجع لوضعها الطبيعي

تتكرر معاي الحالة يوميا

عرضتها على كهربائيين ( واحد يقول غير الطبلون ــ واحد يقول التماس ـ واحد يقول من الافياش اللي تركب بالطبلون )

علما اني توي مشتري السيارة ولا اعلم ماهي المشكلة ؟؟

ارجووو من عنده حل يفيدني

وجزاكم الله خير

[معلم ماستر]

ولا ردد

للررررفع

[راعي الرود]

تصير معي احياناً اذا فكيت الطبلون و رجعته فيه فيشين خلف الطبلون على اليمين و اليسار مكانها غثيث شوي و الاسلاك قصيره وقت التركيب احياناً ماتشبك صح و يبدأ يشكل الطبلون تأكد من ان الاسلاك راكبه صح

فيه ديكور زي الرف تحت العداد وفوق الدركسون ( احياناً تحط عليه نظارتك مثلاً :) ) اسحبه بيدك و تظهر لك الافياش يمين ويسار بها مسمار ذهبي كبير شد على المسمار حق الافياش و جرب

[يالبى الهلا]

افحص الدينموا عندك كتاوت الدينموا عطلان والكهرباء غير منتظمة

[X_b98]

اذا لمبة تشييك المكينه والعه فالمشكه تكون من حساس عداد السرعه. يركب في القير. قيمته يا ٢٠ او ٣٠ ريال وقيمة تغييره كذالك.

ان شاء الله تكون مشكلتك بسيطه وتنحل بعون الله

[الوافي.]

فعلا انا اعاني من نفس المشكلة

[ابو الريان]

انا عندي نفس المشكلة ،، امبير الحرارة مايشتغل نهائيا وحطيت ساعة حرارة امريكية على جنب ، رحت للوكالة قالوا لازم تغير الشاشة كاملة وقيمتها في الوكالة 2700 ريال وشغل يد 900 ريال ، حطيت ساعة جانبية ب 150 ريال ، والحين خرب امبير الزيت !! والله شغلة ..

[ابوراكان تبوك]

اذا لمبة تشييك المكينه والعه فالمشكه تكون من حساس عداد السرعه. يركب في القير. قيمته يا 20 او 30 ريال وقيمة تغييره كذالك.

ان شاء الله تكون مشكلتك بسيطه وتنحل بعون الله

حساس عداد السرعه للمديلات من 2002 وفوق اكتروني وقيمته 350 ولايخرب بسرعه

[ابوراكان تبوك]

تصير معي احياناً اذا فكيت الطبلون و رجعته فيه فيشين خلف الطبلون على اليمين و اليسار مكانها غثيث شوي و الاسلاك قصيره وقت التركيب احياناً ماتشبك صح و يبدأ يشكل الطبلون تأكد من ان الاسلاك راكبه صح

فيه ديكور زي الرف تحت العداد وفوق الدركسون ( احياناً تحط عليه نظارتك مثلاً :) ) اسحبه بيدك و تظهر لك الافياش يمين ويسار بها مسمار ذهبي كبير شد على المسمار حق الافياش و جرب
فعلا حاول تفكه بنفسك او عند كهربائي وشد على مسمار الفيش