ساعة الزيت حقت التاهو

[دائم الوفاء]

اخوانيالسلام عليكم ورحمة اللهعندي مشكلة بالتاهو 2007 انه الساعة اللي بالطبلون حقت الزيت فجئة للفل ثم نزلت للصفر استمرت على هذا هل هذا يدل على خراب طرمبة الزيت افيدونيوتقبلوا تحياتي

[سوبرمان]

أخي الكريم دايم الوفاء
السلام عليكم ورحمة الله وبركاته
في الغالب والله أعلم أن الحساس عندك هنا خربان ولكن هذا مايمنع أنك تشييك على طرمبة الزيت ، حصلت عندي قبل فترة وبعد الكشف إتضح أن الحساس خربان ، وغيرنا الحساس والأمور بفضل الله ممتازة .
ولك تحياتنا ،،

[الحربي 591]

اخوي الي يخرب دايما حساس الزيت..
غيرتها مرتين..
الطرمبه خرابها جدا نادر من تجربه لي في 3جمسات
واذا تحس الطرمبه ما تدفع زين الحل بسيط غير وجه كرتير الزيت

[ك و ح]

السلام عليكم ورحمة الله وبركاته هذي المشكلة الله يسلمك بسيطة لاتشيل همها كلها حساس الزيت اللي على المكينة وأنا وأعوذ بالله من قولة أنا غيرته بنفسي تقريباً أكثر من ثلاث مرات مره طاح الضغط صار ثابت على الصفر والمكينه مافيها طقطقه فعرفت انه حساس ومرة طاق على آخر شيء ومرة يلعب يرتفع لآخر شيء ومرةٍ يصير على الصفر يلعب وعرضة المشكلة على فني في الصناعية القديمة وقال لي بيكلفك القطعة مع شغل اليد 300 ريال وبعد المكاسر بـ 270 ريال وماش ما إرتحت لكلامه ورحت لباقادر وخذت منه الحساس وبحثت عن رأس حبة طويل ونفس مقاس الحساس وهو 27 وباعني باقادر الحساس بـ 140 والحبة من حقين العدد اليدوية في شارع الريل بـ 15 ريال وصارت خسارتي 150 او 170 الخطأ مني لأني ناسي بالضبط كم خذت الحساس وماتم شهرين وطق ثانية ورحت للجميح وخذت منهم الحساس و كان سعره 200 ريال وماخذ شهر ونصف إلى شهرين وخرب ثانية ومريت موزع يقال له الدوسري وخذته منه بـ 140 ريال ولله الحمد وكان تمام لأنه الأن تم 4 شهور والأمور تمام وعسى الله يتمم به إلى أن أبيع السياره وعذراً على الإطالة