مشكله في البيكال

[وكري الشمال]

السلام عليكم ورحمة الله وبركاته
عندي مشكلة في البيكال ترمي الفشق الاول والثاني تلقمه في بيت النار
بس ما ترمي توقف كنها ماهي معشقه

[أببوعبدالعزيز]

أتوقع يبيلها تنظيف ،
ويفيدونك الشباب

[وكري الشمال]

منظفها كامله ومزيتها بس مدري ايش المشكله
ونوع الفشق 32

[صياد الليل]

طالما أنها تلقم الفشق
فالمشكله اكيد تكون في الابره ،
ياليت تنظف مثل ماذكر ابوعبدالعزيز ، اكيد أن في شي عالق بالابره او انها مونظيفه

تأكد وخبرنا وأن شاء راح تظبط معك

[فتى آلصفرآت]

كلام اخوي صياد الليل ١٠٠٪:good2:المشكله شكلها في الابره يمكن مع الارتداد مع الطلقه الاول علقت الابره شكله ما تنضفها ولا تشيك عليه و تقبل مروري اخوك فتى آلصفرآت

[ابو سلطانه]

الفشقه الثانيه تدخل في بيت النار تماما ولا يبقي منها شوي خارج

والفشقه الاولي ترميها بعيد ( الفارغ ) ولا قريب

[الجدي2010]

وكري الشمال
أضيف على الكلام اللي سبق وقولك تأكد من تنظيفك لشوزن جيداً
ثاني شيء فهمت من كلامك إن الفشقة الأولى ترميها تمام والثانية لا صح طيب يمكن الترباس أو أجزاء الأبرة ما رجع صح يعني ما قفل على الطلقة صح شف يمكن يحتاج تدف الترباس قدام إذا كان كلامي صح فهي تحتاج تنظيف وإذا لا ماهو صح نسألك هل تستخدم مخزن إضافي ليش سألت لأن بعض المخازن الإضافيه يكون السبرنق اللي معها ردي ضعيف ويخرب عليك أجزاء المكينة لأن السبرنق الضعيف حركته ما تتوافق مع سرعة المكينة مع الإرتداد

تقبل تحياتي وإحترامي

[سلطان س1]

اخوي شف السبرنج الداخلي يمكنه ضعيف ومايسحب الاجزاء للامام انصحك غيره او امغطه شوي بيدك

[كايد]

غير الفشق ل36

وامورك في السليم حصلت معي في فشق 32 فكتوري الاخضر

[شاهين الشراري]

الزناد يكونً غيرً ماسك يعني تضغطه مايطلع صوت تعشيق يعني ماهو معشق الديكً ضراب الابره هذي تكون المشكله بالديكً نفسه ملحوس او مايمسك بالقابض حقه اذا فكيت المجموعه يبانً معك بس شف خبير

[قناص خليص]

تحتاج تغيير قطعة الاتوماتيك قيمتها 50 ريال وتضبط أمورك

[أبـو مـدمـر]

نظف مجرى الغاز وامسح السوادات زين خلها تقول مرايه
وفالك الصيد

[وكري الشمال]

بالنسبه للتنظيف انظفها بعد كل طلعه
والمشكله طلعت ورده صغيرة ماهي موجودة واخذتها من بندق خوي وفصلت عليها في المخرطه ةالان هي 100% 100
وما ادري هي منكسره وطايحه او مع التنظيف طايحه
والورده موجوده في مجموعه الزناد تجي في العصا اللي يمسك الزناد

[ابوعوض 1]

السلام عليكم ورحمة الله وبركاتة

عندي نفس المشكلة ياليت اخوي وكري الشمال
تنزل الصور لنستفيد منها