اش المطلوب توفيره احتياطا قبل السفر

[tareq111]

اخواني اعضاء المنتدى

اسعد الله جميع اوقاتكم

قبل السفر بسيارتك لابد من توفير عده كامله

وبالمقابل لابد من توفير بعض قطع الغيار المهمه :good2:
مثل السير

اذا كان لاحد تجربه سابقه يقدمها ونكون له من الشاكرين

[ابوراكان تبوك]

على حسب المشوار

اذا كان بعيد اكثر 700 او 1000 كيلو

ودي السياره الميزان وتفحص بطن السياره كامل
وعقبها ع البنشري تغيير الزيوت وفحص الكفرات وفحص السبير
تبقى العده

لابد من وجودها في السياره ومهمه جدا ومعها اسلاك منوعه ممكن تحتاجها + اشتراك وانا افضل سلك الكهرباء 6 ملي اقوى من اي اشتراك
العفريته
مفكات بمقاسات مختلفه وهاذي بالنسبه لي ماتنزل من السياره
واير سحب له حاجه ما يجهلها الا اللي ماجربها
سيور احتياط

اشياء اخرى
اولها العزبه مهمه بالنسبه لي
شاحن الجوال + سلاح شخصي :good2:

عموما السفر بالسيااره مو لازم كل شيء 100% من ناحية العده لكن طلعات البر هي اللي تحتاج الاحتياط وهذا رأيي

[محرين باالخير]

ماهي مشكله توفيرالعده وكذلك القطع الظروريه .!،،،،،
ولاكن انك تكون عارف تتعامل معها وتركبها .
واﻷشياء الظروريه تعتمد علي حسب مشوارك ونوع سفرك .
هل هوداخلي اودولي وكذلك نوع سيارتك .
بعض السيارات الجديده سيورها تمشيك 80الف واكثر يعني توديك وتجيلك ماطلبت شي .

[tareq111]

ابو راكان كلامك سليم 100%
انا من وجهة نظري لابد من توفير بعض القطع الاسبير
مثل الدينمو ولا هو ضروري يكون جديد
لو يكون تشليح
يفي بالغرض لو تعطل الاساسي
حتى وصولك لاقرب ورشه وقطع غيار

[hail_ksa]

السؤال يتكرر كثيراً وهنا أحد المواضيع الجديدة :

http://www.mekshat.com/vb/showthread.php?t=645728

ستجد ماتسأل عنه بإذن الله

[هويدي]

الماء ثم الماء ثم الماء وتمر

ماطور هوا رقعه تيوبلس تشيك الاستبنه وملحقاتها من عفريته ومفك عجل

واير واشتراك قرائه الورد ودعاء السفر