مكيف الـ اكسبدشن ٢٠٠٩ مشكلة يا اخوان

[قلم حر و مفكر]

السلام عليكم ورحمة الله وبركاته

يسعدني ان اكون احد اعضاء هذا المنتدى

حبيت اطرح مشكلتي واتمنى من اهل الخبرة الافادة قبل شهر ونص تقريبا توقفت المروحة الصغيرة عن العمل وصلحتها ورجع المكيف زي ما كان ,, و يحتاج تنظيف الثلاجة لكن سافرت ولا نضفتها ويوم رجعت المكيف زي ماهو ممتاز

طاحت بطارية السيارة وغيرتها وبعد ما غيرتها ,,,

المكيف صار حار و المروحه ما تدور ,,
جربت افصل البطارية و أشبكها وجربت امشي عليها عشان اعادة البرمجة ل


بس مافيه حل


السؤال كالتالي , وش مشكلة المكيف الان ؟

ليه المروحة توقفت عن العمل ؟ - المروحة الصغيرة - , وما الحل ؟

للمعلومية الفورد فيه مروحتين مروحة كبيرة الي تشتغل مع اشتغال السيارة و مروحة كهربائية فيها عدة سرعات للحرارة و اثناء عمل المكيف ؟




ياليت اهل الخبرة مايبخلون علينا


وشاكر لكم مقدما

[قلم حر و مفكر]

بالنسبة للمشكلة يا اخوان ابشركم حليتها

طلعت المشكلة كتاوت المكيف الموجود في فيوزات المكيف القطعة ٤٠ ريال فقط



على شان الي يبي يستفيد من الموضوع لاقدر الله وصار له نفس المشكلة هذا الحل

[الوكر2888]

يعطيك العافيه وماقصرت

وان شالله اخر الاعطال

[قلم حر و مفكر]

يعطيك العافيه وماقصرت

وان شالله اخر الاعطال


اتمنى باذن الله يكون اخر الاعطال هذي فورد ما اتوقع



شاكر لك مرورك اخوي الكريم

[almo3jl]

سؤال عالسريع واتوقع ان السبب والحل منه

وقت ماخربت البطاريه غيرتها والموتر كان طافي اذا ايه اصبح المشكله منها

واذا تقول لا غيرتها وهي شغاله

متى طفيت الموتر بعد تغيير البطاريه. لانه لازم تمشي عليها خط مستقيم مافيه لاطلعات ولاانحدارات قويه عالاقل ١٨ كيلو

حتى الكمبيوتر يعيد تهيئه نفسه ويتم بموجبها التعريف على القطعه الجديده

وأما اذا تم تغيير البطاريه والموتر طافي فهنا يتم تغيير بسيط في البرمجه وعليه يقل ضخ هواء التكييف والبروده وعزم المحرك

ولاتنسى انت سالت في اول موضوعك عن مراوح الكهرب ماتشتغل ومروحه المكيف

لان الحل مهو بالكتاوت لان كتاوت المروحه غير لحاله وكتاوت المكيف لحاله وكتاوت طرنبه البانزين لحاله

وانت تقول غيرت كتاوت واحد وضبط الموتر.

علمني وفهمني شلون تجي هذي

[قلم حر و مفكر]

بالنسبة اخوي انا غيرت البطارية والموتر كان طافي وفعلا البرمجة تغيرت لكن اعدت برمجتها

فصلت البطارية وشبكتها من جديد وجلست دقيقة على وضع P ثم شغلت المكيف دقيقة
وبعدين حطيت السيارة على وضع D وفكيت الجلنط ,,, وجلست دقييقة بعدين مشيت بتسارع ثابت لمسافة اكثر من ١٨ كيلو ورجعت البرمجة ,, لكن المكيف بقى خربان


رحت للصناعة وبعد الفحص تبين الكمبروسر موب شغال والمروحة ايضا ماتشتغل مع المكيف , بالنسبة لحرارة الموتر كانت عادية عشان كذا ما اشتغلت المروحة مع الحرارة ,,



الي سويناه فتحنا علبة الفيوزات وغيرنا الكتاوت وضبط كل شيء ,,


ويوم شفت ان المهندس فاهم قلت له تسمع صوت الطقطقة الي ورا الطبلون ,,

قلت ابيك تفصل القسام من الفيش وتدف الباب حق القسام بدون ما تفك الطبلون وسواها الذيب واختفت الطقطقة ورجع المكيف زي ما كان ,,

هذا باختصار الي سويته :$




شاكر لك مرورك يا اخي الكريم ,,,


وان شاء الله باقي انظف ثلاجة المكيف بس المشكلة ما اقدر استغني عن الموتر هاليومين ,,