المساعد الشخصي الرقمي

مشاهدة النسخة كاملة : نهاية صداقه..القناص2008



القنـاص2008
17/08/2014, 01:26 PM
السلام عليكم
مساء الخير جميعا
علومكم يالمطاليق!!!
عسى اني ماثقلت عليكم
حبيت اني اشاركم قصة حصلت قبل 8سنوات لشخصين تربطهم علاقه أخوه وصداقه طويله من ايام الدراسه
راح اسمي كل واحد منهم اسم علشان تفهمون القصه بشكل اوضح
الاول فارس
الثاني خالد
فارس وخالد تربطهم علاقه طويله من ايام الدراسه قبل 8سنوات ..
فارس وخالد هاويين البر وطلعاته والمقانيص وهذي اللي تجمعهم مع بعض بحماس وشغف لاان كل واحد منهم يشتغل بوظيفه بعييد عن الثاني ويتلاقون بعد كل اسبوعين
المهم ظلو على هذا الحال ألين جاء موقف أخل بتوازن صداقتهم وفرق بينهم ..

خالد مدير مدرسه ماشاءالله
طلب من فارس اللي على قد حاله مبلغ معيين كسلفه ،، وافق خالد بحكم الصداقه والمعزه واعطاه المبلغ ،،حتى تزين ظروفه ويرد له المبلغ ..

جاء وقت كان فارس محتاج المبلغ , واتصل على خالد وقال له ارجو ان ظروفك زانت لاني محتاج المبلغ ،،رد عليه خالد وقال له :

اي مبلغ!!! ذكره فارس بالمبلغ والدين !!

فتذكر خالد وقال:

اذكر ان المبلغ كان هدية منك يافارس!!!

قال فارس :مااذكر انها كانت هدية مني لك , المهم مع الجدال خالد تهرب من دفع المبلغ له, وفارس سكت حتراماً للعشره والصداقه بينهم ..
بعد مده جاء الربيع ووقت الكشتات والطلعات الزينه..

قائد الرحله كان خالد اتفق مع الشباب ان القطه تكون معه, و جمع خالد الفلوس وصار يحدد المؤونه على مزاجه والباقي ماندري عنه , اعترض فارس و قال :

اللي يتولى المقاضي واحد ثاني ولا اعفوني من الرحله هذي, من ضمن الرحله ابو خالد قال ياعيال خلو المقاضي على وفالكم طيب ..

اتفقو والحمدالله ابوه ماقصر شرى مقاضي كنها للبيت ماشاءالله وجاء وقت الذهاب الى فيضة معينه , وصلو الفيضه وحطو المقاضي والخيام ورتبو كل شئ في محله, جاء الليل وتحلى السمره حول الضويه والدلال والعلوم الطيبه والزينه..

معهم شايب ينقال له ابواحمد له خبره في البر والمقانيص شايب هادي ذو حكمه ورجاحة عقل, سالفه ورى سالفه , طمر خالد بسالفة سلوم العرب والهياط وعن العادات والتقاليد, وفارس يسمع من غير تعليق , ألين خالد قضى من سالفته ..

فارس رغم مرور الوقت على نكران خالد للدين وكان رامي حموله على رب العالمين عجز يسكت وحس بشي في داخله مثل حرقة نار!! القول غير الفعل كيف وماتجي؟؟

وقام وقال لخالد قدام الشيبان:
انت متوكد ان علوم الرجاجيل فيك ياخالد!!!
انت متوكد ان سلوم العرب فيك!!!
ماقادر خالد يجاوب على اي سؤال ،،قام فارس ووقف وقال:

للشيبان ياجماعة الخير استرو ماواجهتو واعتبرو ان هذي اخر طلعه لي معكم, ردو الشيبان عليه , وليه ؟؟؟!!!!
فرد فارس عليهم :
قال هذا الرجال اطالبه بحق من زمان ونكر علي مالي اللي دينته , ويجي هنا يتكلم عن المراجل وسلوم العرب, انا ماشفت منه سلوم !! انا شفت جحود ونكران ونفاق منه, على العموم ان ماشي لحالي وفي امان الله ..
ركب فارس سيارته الجيب وجهز الاحداثيات أستعداد للسير وقبل يمشي هطلت امطار قوية عليهم وعج وكلهم قامو يضفون اغراضهم علشان الرحييل
ونزل فارس من سيارته وشال معهم بعض اغراضهم بغرض المساعده ،،ويوم وصل للديره وصلها إلى باب بيتهم وهو متخذ قرار انه ماعاد يبي صداقتهم وصداقت خالد بالذات..

لأن الصداقه مب قول وبس أو لسد احتياج ،،الصداقه يعني أخوك اللي ما تفارق لحظه إلا وأنت تتمنى له كل خير وتذكره بالطيب وتعينه وتعاونه على أمور الدنيا وبالنهايه الصداقه اكبر من الكلام مهما انكتب عنها..
تحياتي لكم

القناص2008

قوافي ( أم نهار )
19/08/2014, 12:27 AM
عليكم السلام ورحمة الله وبركاته
نعم نعم الصداقه اكبر من الكلام والله يصلح احوال المسلمين..
الصداقه كنز وعقد لا يفرط به ولكن فارس يوم قرر يذهب معهم برحله ليه ما فكر ان المكان مايناسب طالما خالد فيه؟؟
الرحلات البريه والكشتات خاصه إن ما كانت مع أنفس متصافيه ماتصلح ابد ..
القرار ربما صعب على الاثنان ولعلها وقفه وبِإذن الله عشرتهم السابقه وصداقتهم هي الحكم ..
اشكرك اخي القناص وننتظر منك قصه ثانيه من او عن أحبابنا (ابائنا وأجدادنا) رحم الله الحي والميت منهم..
تحياتي وتقديري واحترامي
..قوافي..

القنـاص2008
19/08/2014, 08:02 AM
عليكم السلام ورحمة الله وبركاته
نعم نعم الصداقه اكبر من الكلام والله يصلح احوال المسلمين..
الصداقه كنز وعقد لا يفرط به ولكن فارس يوم قرر يذهب معهم برحله ليه ما فكر ان المكان مايناسب طالما خالد فيه؟؟
الرحلات البريه والكشتات خاصه إن ما كانت مع أنفس متصافيه ماتصلح ابد ..
القرار ربما صعب على الاثنان ولعلها وقفه وبِإذن الله عشرتهم السابقه وصداقتهم هي الحكم ..
اشكرك اخي القناص وننتظر منك قصه ثانيه من او عن أحبابنا (ابائنا وأجدادنا) رحم الله الحي والميت منهم..
تحياتي وتقديري واحترامي
..قوافي..



حياتس الله يامشرفتنا
واشكرك على مساعدتك
الله يحفظتس من كل شر

تحياتي لكي

عاشق دياري
21/08/2014, 01:13 PM
وعليكم السلام

قصة جميلة ولو ان النهاية ليست مفرحة ..

الصداقة أن حصلت لك رفيق وافي وعلومه طيبة
لابد تحصل فيه عذروب او يوم يحصل منه خطاً
نحن اوادم نخطئ ولا بد من ذلك لا يوجد احد كامل الى الله سبحانه



و إذا الصديق أسى عليك بجهله
فاصفح لأجل الود ليس لأجله ،

خاصة وان سبب المشكلة مال
اذا هو عشرة سنين وأرعب عليه من اجل مال

الصديق الوافي ينشرى بالفلوووس

والسلام عليكم

خالد الشمري20
23/08/2014, 02:44 PM
عليكم السلام ورحمة الله وبركاته
نعم نعم الصداقه اكبر من الكلام والله يصلح احوال المسلمين..
الصداقه كنز وعقد لا يفرط به ولكن فارس يوم قرر يذهب معهم برحله ليه ما فكر ان المكان مايناسب طالما خالد فيه؟؟
الرحلات البريه والكشتات خاصه إن ما كانت مع أنفس متصافيه ماتصلح ابد ..
القرار ربما صعب على الاثنان ولعلها وقفه وبِإذن الله عشرتهم السابقه وصداقتهم هي الحكم ..
اشكرك اخي القناص وننتظر منك قصه ثانيه من او عن أحبابنا (ابائنا وأجدادنا) رحم الله الحي والميت منهم..
تحياتي وتقديري واحترامي
..قوافي..


اوافقك .....

(هزاع)
27/08/2014, 02:14 AM
نسئل الله السلامه
الصداقه اتت بمسماها من الصدق
وقد اتصف بالصدق رسولنا محمد صل الله عليه وسلم وباقي الرسل والانبياء عليهم السلام
وايظا الصحابه رضي الله عنهم
والصداقه تنتهي بنهايه الصدق والدخول للكذب وقلت الامانه
قصه معبره بارك الله بك

ابـو ولـيـد الـحـربـي
30/08/2014, 10:57 AM
مشاء الله ماشاء الله قصة جداً جميلة
استمتع وانا قاعد أقراء ماشاء الله
وانا افتخر بأنك في مشكات
وإنشاء الله يفتخر مشكات فيك
وأبلغك تحياتي

القنـاص2008
02/09/2014, 11:17 AM
مشاء الله ماشاء الله قصة جداً جميلة
استمتع وانا قاعد أقراء ماشاء الله
وانا افتخر بأنك في مشكات
وإنشاء الله يفتخر مشكات فيك
وأبلغك تحياتي


حياك الله تعال كل يووم

تصيح

مكشات
وليس مشكات