اللغز من راس على الغطو كايف..الحل.. الدوالي..حله.. د/ناصر العلي.كفو

[ابو ماجد 2]

بسم الله الرحمن الرحبم

السلام عليكم ورحمة الله وبركاته

لغز اتمنى ان ينال رضاكم


اللغز من راس على الغطو كايف=لغزٍ ومن راسك عشمنا حلولك
وانت الذي للغطو حمل الصلايف=في خيمة الغطوات طلقا ذلولك
رجلٍ سمي رجال ان كنت حايف=بيتين والحل ماتباعد وصولك
ذا طايبٍ لاصرت للرجل جايف=والثاني مكلف لو تشيله رجولك
ان راح راسه متكي للكلايف= ون راح وسطه شهرةٍ له تهولك


مع تحيات ابو ماجد

منتديات مكشات . خيمة الالغاز

[أم نورة]

صح لسانك أخوي أبوماجد

واللغز بالفعل كايف

ويحتاج تفكير

حضرت للاشادة ولي عودة ان شاءالله

[عبدالمؤمن]

وعليكم السلام ورحمة الله وبركاته
صح لسانك ويسعد صباحك
ماشاء الله الخيمه اليوم عطاء متدفق من الجميع
الله يعطيكم العافيه
عساه دوم
ماحضرت الرمعه

[عبدالمؤمن]

محاولة فتح باب
صندل او صنادل
نوع من الاحذيه اكرمكم الله وايضا نبات
ندل اونادل الذي يقوم على الخدمه
صل ثعبان شهير

[ابو ماجد 2]

صح لسانك أخوي أبوماجد

واللغز بالفعل كايف

ويحتاج تفكير

حضرت للاشادة ولي عودة ان شاءالله

صح بدنك شاعرتنا واختنا الكريمه
صح بدنك
شرفنا مرورك
وفي انتظار مرماعك

[ابو ماجد 2]

وعليكم السلام ورحمة الله وبركاته
صح لسانك ويسعد صباحك
ماشاء الله الخيمه اليوم عطاء متدفق من الجميع
الله يعطيكم العافيه
عساه دوم
ماحضرت الرمعه

هلا بمرعب الغطوات
صح بدنك وصباحك عسل ياعسل
الخيمه في الاجازات عادة مايكون فيها ذبول ولكن كأني بها بدات تعاودنشاطها
ولا ننس دور اختنا ام نوره في مواصلة طرحها الله يعطيها العافيه وكذلك حضورك وترميعك على الالغاز خص التي فيها صعوبة شوي

[ابو ماجد 2]

محاولة فتح باب
صندل او صنادل
نوع من الاحذيه اكرمكم الله وايضا نبات
ندل اونادل الذي يقوم على الخدمه
صل ثعبان شهير

هلا بالغالي
مالك لوى
ولا صرت له جايف اقصد دخل جوفك اكلته

[يمكن شاعر]

عليكم السلام وصح لسااانك ملايين ي الغالي
محاوله ماهي ثقه
عسل السدر العسل طيب اذا اكلته
والسدر فيه شوك اذا صار بالارجل

[ناصر العلي]

وعليكم السلام ورحمة الله وبركاته

سلمت يالغالي

وصح لسانك

ويش قولك بـ

الدوالي

الدوالي....العنب

الدوالي....يصيب الساقين

د........والي

دولي......النعجة المشهورة

[ابو ماجد 2]

عليكم السلام وصح لسااانك ملايين ي الغالي
محاوله ماهي ثقه
عسل السدر العسل طيب اذا اكلته
والسدر فيه شوك اذا صار بالارجل

هلا بك يالغالي
هلا بشاعرنا المتمكن
صح بدنك
مالك لوى يالغالي

[ابو ماجد 2]

وعليكم السلام ورحمة الله وبركاته

سلمت يالغالي

وصح لسانك

ويش قولك بـ

الدوالي

الدوالي....العنب

الدوالي....يصيب الساقين

د........والي

دولي......النعجة المشهورة


ههههههههههههههههههههههههههه
مرت قبل يوم او يومين رمعة على لغزك واخيك ماعاد مثل اول مايقدر يؤجل عرض اللغز
اكتبه ثم اقول ارجع له اذا نسوا الرمعه السابقه ثم انسى ماارجع له
ثم يخطم علي بالصدفه بعد فترة وانا اتصفح واحيانا لااجد حله
هههههههههههههههههههههههههه
شايب لاتشره يادكتورنا
كفوووووووووووووووووووووو كفوووووووو كفووووووووو
نعم
دوالي
عنب احمر بالطائف
دوالي مرض يصيب الارجل
من دون راسه والي وهو حمل التكاليف
من دون وسط دولي وانا قصدت فيها اي عالمي والشاة ماجت ببالي والا كان اوفق
لله درك يادكتورنا

[يمكن شاعر]

صح لسااااااانك ي الغالي على اللغز
وكفووو للاخ ناصر صح لسانه وفكره