فزعتكم ياراعين الفتك

[ابوزيد333]

السلام عليكم ورحمة الله وبركاته
حصل عندي ان لي مبرد القير الي يدخل بارديتر انقطع وهرب الزيت وانا بالطريق وعندما حسيت بتغير في ممشى الموتر وقفته وشلته بسطحه وصلحت الي وعبيته اول مره اربع لتر زيت نيسان اصلي ولا ضبط وقال مكانيكي زود لتر واصبح خمس لتر والحين ممشى الموتر وتبديله ممتاز بس اذا مسكت بريك عند اشاره وتحركة احس فيه حنه ماهي فيه ياليت الى عنده خبره لايبخل علينا
علما بان الموتر فتك 2006قير اتوماتيك و
وياليت احد يدلن على ورشه بالقصيم متخصصه بقيور الفتك

وسلامتكم

[العطاوي a511]

حط لي كبس صغير مقاس اللي الاصلي افضل من لي الوكالات ثاني شي شفلك عيار زيت للقير الفتك مالك الا الوكاله في ناس تقول موجود عن العثيم ببريده

انصحك ماتفك القير لانه مكلف اصلاحه زد الزيت وامش عليه لين يخرب

واذا فكيته لاتفكه الا عند ترايستار ببريده مقابل بنك الراجحي على طريق عنيزه عن تجربه لي ثلاث سنين ونص

موظب عندهم مشيت عليه تقريبا الان فوق 145 الف كيلو ومافيه الا العافيه وكلف التوضيب 11500 ريال

علما انه توضيب كامل للقير مع اصلاح الطرنجه ويسوولك تربيط كامل للسياره مجانا اذا وضبت عندهم

[ابوزيد333]

الف شكر على الرد والمعلومات القيمه

[ابوسند9]

وعليكم السلام
انصحك ما تمشي با السياره
فيه ورشة العثمان اعتقد في تشاليح بريده روح لهم وانت واقف يسوو غسيل للقير كامل ويركبون لك زيت جديد
لان الفتك ياخذ تقريبا 8 لتر اذا افرغت الزيت كامل
بعدين يا بو يزيد تقول صلحت اللي! ما ادري وش تقصد باللي؟
اللي اعرفه ما فيه شي اسمه اصلاحه ,يجب عليك استبدال طبلة الاديتر السفلى اللي فيها المبرد وسعرها 300 ريال وانتبه تكون مركب صيني