تكفون اب رائيكم . لاحرمكم الله الاجر!!!

[aboans]

الحمدالله تم شراء لاندكروزر 2005 gxr ولكن اتضح لي بأن السيارة يوجدبهاالاتي:-
1- تهريب صوفة عمودكرنك امامي
2- تهريب حساس الريوس
هل هي مكلفة ! هل تحتاج تغيير وكم اسعارهامع شغل اليد؟

[ابوراكان تبوك]

مبروك الموتر والله يعطيك خيره ويكفيك شره

التهريب كثير يصب او تنديه فقط ( التنديه شائعه كثير وقد لاتحتاج اصلاح اذا لم تسبب نقص )

حساس الريوس اغلب الورش بيقول لك غيره وانا اقول لك لا ( خلهم يفكوه تجي عليه جده دائريه من الخارج اذا وجدتها انقز محلات اللوزازم وخذ مقاسها وقيمتها 1 ريال فقط وان شاء الله بعدها مابتشوف التهريب )
لانه صار بموتري تهريب من حساس السرعه وقالو لازم تغير يالاخو مع انه الحسااس شغال وقيمته 350 وغيرت الجلده الخارجيه بـ ريال واحد والحمد لله وبفضله راح التهريب نهائي وحساس الريوس نفس النظام عليه جلده

صوفة عمود الكرنك في الصدر ماعمري غيرتها للاند كروز لكن غيرتها في سياره أخرى وكان شغل اليد 100 او 150

الصوفه رخيصه بالعاده من 50 الى 70 ريال

الزبده
1- صوفه عمود الكرنك اذا كانت تندي والزيت اللي خارج قديم وعليه غبار بإمكانك تركها حاليا ومراقبه زيت المكينة كل فتره بعد تغسيل مكان التهريب حتى تتضح الامور وان رجع الزيت يهرب لاتشاور صلحها على طول حتى ترتاح منها
2- حساس الريوس المهم انك تصلحه لانه فيه كهرباء وكثير الالتماس وان بغيت تفكه بنفسك تلقاه اجانب القير من الجهه اليمنى مجموعه دائريه ( غير الجلده فقط بدون تغيير الحساس )


اتمنى انك استفدت من ردي



مووووفق اخي