صوت ونه بالفتك بعد ما رفعته

[Abusliman]

السلام عليكم ورحمة الله وبركاته

انا قبل امس قررت اني اطق يايات استرالية 4 سانتي لموتري ربع فتك :)
الزبدهـ ركبت اليايات وطلع عندي صوت ونه واجي انزل القير 2 سانتي والصوت موجود للحين
مع العلم ان الصوت تقريباً يجي اذا تركت الدعسه ويروح اذا ضغطت كلتش
طبعاً الشغل كله بورشة مرات والرجال قالي اصبر الين يمشي الموتر 20 الف كذا وبيروح الصوت
ومدرري الصراحه خايفن على الدفرنس والقير .. ونبي تفيدونا بخبرتكم بالموضوع
مع العلم ان الموتر ماشي 9 الاف

فامان الله :)

[االملتاع]

صارت معي
ونزلت القير بصواميل وزبط الحمد لله
بس انت يمكن رافع الموتر بالحيل جرب تنزل القير اكثر من كذا
وصوت الونه يطلع اذا تركت الدعسه مع نزول بزياده
وهاذي ماتصير الا بالربع بس لان عموده قصير بعكس الصالون

[كن متفائلا]

حاول تغيرها وتركب ٢ سم وريح بالك والقير بدون تعديل لأن ٤ سم للصالون

أنا عندي صالون وناوي أركب يايات ٤سم

طبعا لازم آخذ معي متر أقوس قبل وبعد وأتأكد شخصيا أنها ماتتعدى ٤ سم

أما سالفة أنتظر ٢٠ الف كم ماتدخل الراس الا أذا فيه حديد بيتآكل ويروح الصوت

[Abusliman]

صارت معي
ونزلت القير بصواميل وزبط الحمد لله
بس انت يمكن رافع الموتر بالحيل جرب تنزل القير اكثر من كذا
وصوت الونه يطلع اذا تركت الدعسه مع نزول بزياده
وهاذي ماتصير الا بالربع بس لان عموده قصير بعكس الصالون

طيب كم رفعت سانتي ؟!
انا كنت قبل رافعوهـ 2 سانتي بكعكات وفيه صوت خفيف مرهـ
والحين رفعتوهـ 4 سانتي ونزلت القير 2 سانتي المفروض يصير نفس الصوت الي قبل لاني نزلت القير ولاكن الصوت مستمر وقوي


حاول تغيرها وتركب ٢ سم وريح بالك والقير بدون تعديل لأن ٤ سم للصالون

أنا عندي صالون وناوي أركب يايات ٤سم

طبعا لازم آخذ معي متر أقوس قبل وبعد وأتأكد شخصيا أنها ماتتعدى ٤ سم

أما سالفة أنتظر ٢٠ الف كم ماتدخل الراس الا أذا فيه حديد بيتآكل ويروح الصوت

صدقت والله مشكلة اصبر واخرته طاق الدفرنس عاد مهب فايدن العامل وقته

[ateeq7]

ياطويل العمر النيسان وخصوصا الباب واحد في الترفيع يسبب ونه عشان تعرف مصدر الونه ارفع السياره على جيك في اي كراج و شغل السيارة وتخلي واحد يدعس بترول بالتدريج بيبين عندك الصوت من اي جهه قدام ولا من الخلف
ملاحضة الجيب رنجلر له قطع اصليه في الترفيع تيجي من امريكا وله مفصلات تركب مع الشفت و الدبل تعطي مرونه للحركة الدوران دون الشد على اي من المحاور او الطرفين و الشد الزايد في الارتفاع يسبب الونه اذا تعرف احد عنده جيب رونجلر مركب القطع هذه تقدر تروح عند مخرطة و تفصل قطعه تشبه قطعة الجيب مع تعديلها لتركب على النيسان هذا احسن حل عشان ما ياثر على البيرنج الموجود في الدفرنشن و الدبل

http://88.208.238.38/galileosm/accountsfiles/22/classifieds_21934A17-88CA-45A0-89E5-70992D6CA02E_th.jpg

[الوكر2888]

عند لك طريقه حلوه وغير مكلفه ومنها تختبر الونه

ابيك ياطويل العمر والسلامه تمر حقين المباسط الي يبعون بلك

وتاخذ لك. كيسين او ثلاث اكياس رمل عشان ينزل الموتر من وراء

وجرب السياره اذا اختفى الصوت معناها من الشقله

تحياتي