هايلكس تلعلع زيادة بعدين تشتغل وش المشكله يامجربين

[حمود الغربي]

هايلكس2012تلعلع ماتشتغل على طول واذا اشتغلت اشم ريح بنزين
هل لها حل عندكم او مرة هذه المشكله على احد من ملاك الهايلكسات يفيدنا افاده الله
صراحه تطفش واذا كانت السياره حاميه وطفية وشغلة على طول تشتغل زي الوكاله المشلكه لمن وقفتها بالليل وجيت اشغلها مع الصباح تلعلع ثم تشتغل وسلامتكم

[العطاوي a511]

فلتر البنزين

[ابوراكان تبوك]

وش البنزين اللي تعبيه وكم مشت السياره ع البواجي

[حمود الغربي]

الفلتر مابعد غيرته بتاتا من وكالة السياره الى الان

والبنزين اعبي اخضر وبعد المشكله هذي احيان اعبي بنزين احمر واحيان اخضر ولاكن الاخضر هو اكثر استخدامي.

البواجي غيرتها قبل شهرين تقريباّ

[ابوراكان تبوك]

اذا صوتها لما تشتغل صافي اوكيه لكن اذا كان صوتها غير صافي تحتاج فحص شغلات أخرى
بأعطيك الاحتمالات بالترتيب وبالاسهل ( مو تخمين من راسي أشياء انا جربتها في الهايلوكس لعل وعسى تجد الخلل ان شاء الله )
المشكله هاذي المتهم الاول فيها
1- البواجي ( انت تقول غيرتها اخذت نفس رقم البوجي الاصلي او لا لأن اصحاب المحلات عندهم حق الكرلاء والكامري والهايلكس والجيب واحد لكن الصحيح ان كل سياره لها رقم )
2- نظف اصابع البطارية زين
3- فلتر البنزين ( احتمال انك في احد المرات عبيت من محطه غير نظيفه )
4- فلتر الهواء نظفه او غيره افضل
5- اسلاك البواجي افحصها عن التهريبات
6- تنظيف الثروتل
7- البخاخات

لكن صدقني لاصارت البواجي واسلاكها وفلتر البنزين وفلتر الهواء تمام السياره بتسابق المفتاح في التشغيل

غير كذا يافيه كويل ماهو مظبوط او ضعف حساس الكرنك لكني استبعد ذلك لين تتأكد

[حمود الغربي]

ابو راكان الله يعطيك العافيه ولاهنت يابيض الوجه
حفظك المولى.

[I2.7]

لاتوسوس الهايلكس حقي كذا 2007 لكن بدون ريحة بنزين
اتوقع المشكله عندي في السلف يبي له تنظيف ..
وملاحظة اخرى يوم اعبي بنزين ٩٥ احس الموتر يشتغل اسرع من ٩١
والله اعلم ..