فزعتكم ياشباب

[شيخ بني تميم]

السلام عليكم كيف حالكم ياشباب ان شاء الله بخير
ياشباب انا محتار في موترين وكله من نوع نيسان باترول الشكل الجديد والشكل القديم
وانا استخدامي ديره ومشاوير في الصيف وفي الربعي مكاشيت وابي شي يتحمل
ويصبر علئ قولتهم حمار مكده وانتو بكرامه

[المميـز]

:

كل السيارتين حقت مكده وكشتات ومشاوير وكل السيارتين يتمتعون بمحركات عالية الجوده والقوه
كل ماعليك تختار الشكل المناسب لك والمبلغ اللي معك يساعدك بالاختيار بشكل اسهل
وتستخير والله يكتب لك اللي فيه الخير

:

[---ابو يوسف-]

الشكل القديم افضل مكده وبر والشكل الجديد افضل فخامه وراحه ووسع

[ابوريناد1979]

الشكل القديم غالي ولايستاهل تحط فيه قيمه يجي 2007 مايفرق عن موترك
وصحيح القديم اقوى من الجديد لكن غالبا الناس تدور الجديد خصوصا انه اوسع وافخم
واذا مصمم الشكل القديم خذ لك مستعمل 2013 او 2012
بالتوفيق

[اليامي قطر]

اخذ الفتك القصه القديمه

وتوكل على اللي ماتنام عينه

[التعـ King ـديل]

والله ياولد العم انا من اللي جربو الفتك القديم والباترول الجديد

نصيحتي لك خذ الشكل الجديد مركب شيوخ بر وديره واقولها لك من تجربه

موتري الحالي بطل الدروب قير عادي 2013

[ابوعزام2001]

دامك تبي تشتري / خذ الجديد .. وش تبي بالشكل القديم ..نظرته ومركب ورسميات في بطل الدروب ....

[شيخ بني تميم]

الصراحه الي داخل مزاجي باترول سفاري ربع قير تماتيك

[شيخ بني تميم]

والله محتار

[فارس العمور]

الجديد وبقووووووه

[التعـ King ـديل]

الصراحه الي داخل مزاجي باترول سفاري ربع قير تماتيك


الربع ممل مع انه مريح وقوي وكل اللي تبي فيه ولكن مع الوقت تمل منه

خذلك بطل الدروب ودلع نفسك

[شيخ بني تميم]

طيب ضنكم الدبل الكهرب يعيش وتشغيل البصمه ماينكب في البر والله ذبحتني الحيرة

[المميـز]

طيب ضنكم الدبل الكهرب يعيش وتشغيل البصمه ماينكب في البر والله ذبحتني الحيرة


اغلب السيارات الان دبل كهرب ودخول ذكي
كان انت تقدر على قيمة بطل الدروب توكل على الله
عليك بالاستخاره والله يكتب لك اللي فيه الخير

:

[شيخ بني تميم]

بيض الله وجيهكم وماقصرتو