تكفون ابي حل لكبليتر جي اكس 95

[سوالف شوق]

السلام عليكم ورحمة الله وبركاته

انا معي جي اكس 95 سعودي

وازعجني الكبليتر وصرفية البنزين

اذا ضبطت صرفية البنزين اتورط بدخان الموتر يدخن اسود وريح بنزين

وديته لاكثر من ورشة بحايل وسووله تنظيف وغيرولي اصلاح وكالة ب350 ريال ومع ذلك مافيه فايدة

على سرعة 140 تانكيين مايكفوني الا 300 كيلو تقريبا

مع العلم اني اعبيه التانكيين اكثر من 100 لتر وتطير بلحظة بالعربي مليت تكفون شوفولي حل او اذكورلي احد ميكانيكي بالقصيم او بحايل وياليت يكون سعودي لاني مليت من نصب هالعمال

ولا شوفولي شراي للموتر اذا مالقيتوا حل لي

[درايفر ربع]

سوالف شوق الله يمسيك بالخير
مريت بنفس مشكلتك زمان مضى ونظفت الكربريتر عند ابرز الميكانيكيين اللي تخصصهم كربريتر وشهرتهم واسعه ونظفوه تنظيف وانا موجود متكي على الكرسي قدامه الين صار يلق ياشيخ ولا تنظيف حجره الطلقه للبندقيه في الدورات العسكريه 😄
يلق يلق وعشان يقنعوني مسحوه بفاين ومافيه اي اثر للوسخ
واحد فقط الي طلب طقم اصلاح والبقيه يقولون مايحتاج
وكنك يابو زيد ماغزيت ..نفس وضعه تكتيم
ودخان عند التسخين والوقوف مع اصوات رمي مع الشكمان لما ادوس وهو واقف
وردهم كلهم كان المشكله كهرباء شوف لك كهربائي شاطر
والكربريتر على مسؤليتنا زي الورده ويكذب عليك اللي يقول المشكله منه
ومابقيت غير النسافات ماغيرتها عشان يصفي الموتر😂
واخر شي غيرت كربريتر وكاله وربع ساعه تركيب ورجع الموتر زي الحلاوه

[سوالف شوق]

الله يعطييك العافية على ردك

انا والله عكثر من واحد قالي نفس كلامك
اذا بدا الكبليتر يخرب خلاص مافيه طب لازم يتغير

وانا اقولهم مو معقول كبليتر وكالة اقطه واخذ بداله جديد لابد فيه حل
وتعب والله ثم والله لو ادري من البداية كان غيرته

لكن تركت اخر العلاج الكي ( مكشات ) لعل وعسى واحد من الشباب هنا عنده حل

الكبليتر ماهو رخيص ب1400 ريال ولا كان غيرته

يسلموا على مرورك يابعدي

[أبوصالح9]

اذا علته من الكاربريتر غيره وارتاح - خسارة مره ولا خسارة مرات - بس انت تأكد من علته قبل لاتغيره -

[نايف الشمال]

السلام عليكم
سالفة الكاربيليترصارة مع اخوي السنه الماضيه تعب وهو يصلحه ونهاية الموضوع طقله جديد من الوكاله
وريح راسه