بنات الحمايل..الحل.. الطلاق..حلته..قوافي..كفو

[أم نورة]

السلام عليكم ورحمة الله



سلام ياأهل الطيب وأهل الجمايل

سلام للوافين بأيات ديره

اللغز جرحٍ مايبي له دلايل

وكثير من بأسباب لغزي كسيره

والله يخفف عن بنات الحمايل

شافن وشافن والبلاوي عسيره

رجّال كم شتّت بيوت وعوايل

رجّال كم فرّق جموعٍ كثيره

يلفي ليا زادت صغار الفتايل

تبدأ صغيره ثم تصبح كبيره

معكوس قالط والموايد هوايل

يقلط على الشر والذخيره ذخيره

والآدمي يسعى بكل الوسايل

إنه يحسّن مستواه ومصيره

لكن سوى رزقه فلا هو بطايل

مهما فعل .. يافاعل الأمر خيره

وسلامتكم

أختكم : أم نوره

خيمة الألغاز منتديات مكشات

[صقر السديرات]

صح لسانك شاعرتنا
جزلة وجيتي بجزل
يمكن
خيانة
ابتزاز
دمت بخير

[قوافي ( أم نهار )]

عليكم السلام ورحمة الله وبركاته
ماشاء الله عطاء لا ينضب.
لغز كايف وطرح متميز
الشكر وحده لايكفي اختي الكريمه بارك الله بك وحفظك
تحياتي وتقديري واحترامي لشخصك الكريم

[قوافي ( أم نهار )]

تراي وانا اختس مب رماعه ولكن محاولات ودايم تصير شمين لاتصلح يمين ولا يسار وهذي طرت علی البال..
رمعه:
الطلاق
تحياتي

[أم نورة]

صح لسانك شاعرتنا
جزلة وجيتي بجزل
يمكن
خيانة
ابتزاز
دمت بخير



صح بدنك أخوي الصقر

والجزالة أنتم أهلها

مالك لوى ياأخوي

[أم نورة]

عليكم السلام ورحمة الله وبركاته
ماشاء الله عطاء لا ينضب.
لغز كايف وطرح متميز
الشكر وحده لايكفي اختي الكريمه بارك الله بك وحفظك
تحياتي وتقديري واحترامي لشخصك الكريم


حياك الله أختي قوافي

والعفو يالغالية

ومشكورة على هذي الاشادة الكريمة

[أم نورة]

تراي وانا اختس مب رماعه ولكن محاولات ودايم تصير شمين لاتصلح يمين ولا يسار وهذي طرت علي البال..
رمعه:
الطلاق
تحياتي



ماشاءالله عليك

كفوووووو أختي قوافي

صحيح صحيح

بالفعل الطلاق والله يكفينا شر الطلاق

ذبحتيه وأنا أختك

هذي إنتي المرعبة ماشاءالله عليك

اللهم بارك

[abdulaziz.net]

طلاق معكوس قالط




جابتها اختنا قوافي


وصح لسانك يام نوره

[أم نورة]

طلاق معكوس قالط




جابتها اختنا قوافي


وصح لسانك يام نوره



صحيح ياأخوي عبدالعزيز

معكوس قالط طلاق

وهو اللي مذكور بالأبيات

وماقصرت أختنا قوافي كفت ووفت

[قوافي ( أم نهار )]

كفوك الطيب يالغاليه
الله يحفظك ويرفع قدرك،
اللهم آمين الله يكفي بنات المسلمين شره ..
تحياتي وتقديري واحترامي