لخبراء الطيور طير هديته و تعبان ؟؟

[الحر 00]

صبحكم الله بالخير اخواني عندي وكري امس العصر هديناه على خفيف قلنا نمرنه على الملواح ابو 5 لفات لكن اخذله شوي على الملواح لفتين تقريبا وراح بعيد لحقته الا هو ماا يبي علف فاتح فمه وحران وهو صنيع شوي المهم عطيناه ماء شوي وشغلتله المكيف رشيناه بشويت ماء بالبدايه وضعه طبيعي لكن ما يبي يعلف بعدين خذاله يمكن 4 ساعات هالحين منسدح وتنفسه مو طبيعي واني مودعه الله مدري بي حياء ولا يموت اذ له علاج افيدونا.. اكون شاكر لكم .

[راس شعيطان]

صباحك الله بالخير
هل ايام ماهي ايام دعوا
اذا مره ملزم مع الصبح بدري
ومن ناحيه صحه الطير انا أقول افحص الطير
بأقرب مكان مخصص له محد يقدر يقولك وش فيه من دون فحص

تقبل مروري

[أبو العنود1]

حسب علمي الطير لو تعب وحران كثير لاتعجل عليه بالماء اكبر خطأ برد على كفوفه شوي وبس ولين توصل البيت ويهدا وتضبط اموره اعرض عليه الماء
لاتكثر رش ماء عليه الان و وحطله فرخ حمام عنده وسكر عليه غدي تزين اموره واعرضه على مشفى اذا حولك او اي شخص راعي مرابط يفيدك لانهم اهل خبره اكثر من اي شخص عاشرو الطيور

[راعي القراميش]

حد يدعى العصر بها الوقت
لو متوله دعو و مستعيل عندك الفجر مع بيان البهرة خفيف خفيف


(تسمع تنخريش و هو يلهث؟)
لو نعم.. الله العالم ان الماي دخل ريا الطير.. تسقي الطير ما و هو يلهث خطير في الاغلب الما ينزل في رئة الطير

و يمكن رداد و يمكن بكتيريا في الرية
لو الطير لهيفه مب طبيعي و يرغب في الاكل .. العالم الله رداد في بداية المرض
لو الطير لهيفه مب طبيعي و ما يرغب في الاكل .. الله العالم بكتيريا في الرية و علاجها بسيط الدوا ماربوسيل عشر ايام

[راعي القراميش]

و الحق عيادة الطيور
الله اييسر الامور

[صاحب بوعبود]

السلام عليكم ورحمة الله وبركاته
وده لقرب مستتشفى للطيور وخلهم يكشفون عليه
لن الاحتمالات كثيره يمكن :
ديدان بأنواعها ، بكتيريا في الرئه او رداد
وانشاءالله تكون الامور سليمه وفقط الطير تعرض لجو حار والامور بسيطه انشاءالله

[Naif1]

السلام عليكم ورحمة الله وبركاته
أمر الله بهون

[حجاب ودهيس]

الله يهديك بس الصقاره ماهي كذا
خلك مع صقاقيرتعلم منهم
لاتعذب الطيور