الفزعة ياشباب تاهو 2014 يدق سلف بس مايشتغل

[من السليل]

السلام عليكم ورحمة الله وبركاته
اخواني الكرام وقفت السيارة في المساء وفي اليوم الثاني بعد صلاة العصر شغلت السيارة يدق السلف بس ماتشتغل وجبت كهربائي وحط بنزين مع مكان تدخل فيه فتحة القربة (تنشيق ) واشتغلت ثواني وطفت قال من طرمبة البنزين عطلانه او مايجيها كهرباء نصيحتكم يااخوان !!
انا سمعت ان الفورد فيه ازرار في الشنطة احيانا يطفي اذا جاء مع مطب وبشغل من الشنطة عن طريق هذا الزرار فهل التاهو مثله !!

[craino]

عليكم السلام ورحمة الله
حسب معلوماتي التاهو مافيه زر
الزر يجي في الفورد والهونداي
عشان تعرف الطرمبه خربانه او لا
اولا: شغل السوتش العالي وخليك جنب التانكي يفترض تسمع صوت ازيز بسيط لمدة خمس ثواني وهذا دلاله على ان الطرمبة شغاله , اذا ماسمعت هذا يعني انه الطرمبة غالبا فيها مشكله
ثانيا: ساعة قياس ضغط البنزين يتم ايصالها الى صمام على مكينة السياره خاص يقياس ضغط البنزين , سعر الساعة تجاري 10 ريال والي الموصل 10 ريال يعني كلها 20 ريال , بس تأكد من مقاس الصمام حق سيارتك , اذا كان القياس فوق 40 psi , فهذا يعني ان الطرمبة شغاله وتضخ بنزين اما اذا كانت القراءه صفر فهذا يعني ان الطرمبة لا تعمل , يجب قياس ضغط الطرمبة والسوتش العالي حق السياره شغال .
ثالثا:
اذا كان لا يوجد ضغط بنزين ومعناه ان الطرمبة لا تعمل فهذا يعود لسببين اولها الطرمبة عطلانه وثانيهما انه لا تصلها كهرباء والطريقه الصحيحه هي التوجه الى كابلات الكهرب الواصله الى الطرمبه وقياس الكهرباء الواصله , فاذا كان هناك كهرباء واصله فغير الطرمبة اما اذا لم تكن فقد يكون الكتاوت حق طرمبة البنزين عطلانه , وقد تبدأ بكتاوت طرمبة البنزين فهي قد تكون سبب
على فكرة سيارتك جديده هل هي على الضمان الى الان , يلوموني ما اشتري الا ياباني

[من السليل]

الله يوفقك ياشيخ ويسعدك ويرزقك من حيث لاتحتسب
اخي الغالي من يوم الاربعاء والسيارة مكانها
كلمت خدمة الاعطال وقال بنجيك نشحن السيارة ونوديها للوكيل ولاتهتم
بس سألته التكلفه علي ولا عليكم قال كل شي علينا
والمكالمة من الاردن !!
قال انت من السعوديه قلت نعم قال بحولك ع السواق الكلام هذا يوم الخميس الظهر
كلمني السواق وسأل عن موقعي قلت جنوب الرياض 500 كلم قال من الصعوبه اجيك اليوم اذاجيتك وحملت السياره الوكاله مسكره وغدا جمعه خليها بعد فتح الدوام ,
السؤال هل هم ثقه وهل الاصلاح والنقل مجاني !!

[من السليل]

طبعا رقم الاتصال المجاني
8008973779

[م.سعيد]

دام السيارة على الضمان هم مسؤولين عن اصلاحها..
عندهم خدمة المساعدة على الطريق..هذه الخدمة من شركة GM وليست من الوكيل..
انتظر ولا تخلي احد يتعبث بسيارتك الجديدة

[ابوراكان تبوك]

موترك ع الضمان واعرف انه الشركه متعاونه جدا فتره الضمان لاني تعاملت مع الجميح غيرت فلتر هواء مكيف وحساس ارباق ع الضمان لسياره ماليبو ما دفعت ولا ريال وبعده بيوم او يومين يتصلون عليك الاداره يسألوك عن العطل هل تم اصلاحه او لا

لاتجيب للوكاله طاري انك جبت كهربائي وفحص السياره تراهم مايصدقو حتى يلغو الضمان يتحججو باي شي

[من السليل]

شكرا فلوبي وكذلك ابوراكان
كلمت اليوم وروحوا علي سطحة وحملته وبوديه غدا الاحد للرياض لقسم الصيانه في خريص