سحاب نجد راعي شقراء
23/08/2014, 07:35 AM
السلام عليكم ورحمه الله وبركاته
يالله تحيي الطيبين كلن بسمه
اقول يالغالين تصدقون منول رغم الجهل والصح الزايد والحياه البدائيه الا ان عندنا ناس نوابغ يعني اذكياء بشكل لا يخطر على بال قولو وشلون اعلمكم
اذكر فيه على بدايه جيه الروادو واحد اسمه طامي جعله للفردوس توفا من كم سنه وهو من سكان الرياض تصدقون انه مخترع محطه بث رادومسميها محطه طامي يعني الا تكلم يسمعه كل القريبين الي عندهم روادو
وكثير من الناس يذكرونه
وكل اخباره منول مدري عاد يمزح ولا من جده والظاهر انه من جده كل اخباره منول يقول فيه عنز ظايعه في حله ابن نصار وهي صمعا يعني اذانها صغيرات هذا معنا صمعا ومعها تيس وعناق عيالها ومن يجدها يعطيها فلان الفلاني تراها حقته وياويلكم من الله ان حلبتوها وشربتو حليبها:D
شات ضايعه من غنم نجد يعني سودا وراسها ابيض هذولا غنم نجد وضلوفها طوال يالله تقوا تمشي ومعها طلي من يجدها يسلمها لفلان الفلاني تراها حقته :D
ومثل كذا وكان مشهور في الرياض عند الزكرت الي عندهم روادو والزكرت هذولا الشباب الي مهومب يخالفون على شي ويشربون ميرندا وتتن هذولا الزكرت يعني دشير الطيبين:D
والنابغه او الذكي او العبقري الثاني من اهل القراين جعله للفردوس اخترع له محطه بث رادو والي اذكره ان حدها من غرب لوحه لا تسرع او كبري ابو درج عرفتوه كبري ابو درج ياشباب :p
يعني ياصل بثه تقريبن خمسه كيلو
بس تبون الصدق انهم عباقره في زمن الصح الزايد والنيه السايحه يعني ماعندك احد باقي الناس والله اني كنت اعرف وش يقاله راعي القراين مخترع محطه الرادو مدري هو من العمار ولا من السلوم ولا من الشيحه والله اني نسيت والنعم ومليون نعم بالي ذكرتهم كلهم والي ماذكرتهم ياحبي لهل القراين غسله والوقف كلهم ان بغيتا طيبه ابشر ون بغيتا نخوه ابشر ون بغيتا سواليف توسع الصدرابشر ياجعلهم كلهم ووالديهم وذرياتهم للفردوس الاعلى من الجنه امين
من يذكر التغاريز والرمل الواجد الي عند شعيب العنبري في القراين على طريق السيارات قبل الناس مغرزين فيذاك بين الوقف وغسله ونت رايح للمسمى مافيه الا احفر ودفن يبي يذكرونه ناس واجد عرفتوذيك التغاريز خل اعلمكم قالي ابوي ياملا الفردوس قوه ونا ابوك للمسمى وهي منطقه اسمها المسمى كان ابوي زارع فيها سنه من السنين المهم قلت ان شاء الله يابابا :D
وكنا نبي نروح على رجلينا لان المسمى عن شقراء حذفه عصا مهوب شي ابد عشرين كيلو بس المهم يوم اصبحنا قلت يبه قال هاه قلت تعال اردف معي يعني اركب معي على الدباب نبي نروح عليه للمسمى سزوكي ابو كفرين اول مره اسوقه ولاهوب لي متسلفه من زيدي المهم ويفحش على مرتبه ورا وهو متمسك في جنوبي والحمد لله طلعنا من شقراء بسلام ورحمه من الله ويوم صرت عندالقراين وجيك امشي اقصا سرعه علشان مااغرز في الرمل الي يغرزن فيه السيارات الي عندشعيب العنبري وجيك امشي الف ومادريت الا يوم قعد الدباب يحوص يمين شمال:eek: يمين شمال:eek: الرمل واجد وش اسوي وجيك انا وبوي نسح على بطونا عشرين متر طحنا والدباب قعد يطامرتقول مهبول وطق بعصا جاك الموت ياسحاب ياويلك من ابوك ويلاه رحتا وطي هذا اقوله انا لنفسي وبوي جعله للجنه يتفل رمل وهو يقول لا بارك الله فيك ولا في دبابن انت تسوقه ولا في من يطاوعك ويركب معك :Dيالحمار المتين انا الحمار المتين:Dيالله مهوب يخالف يالهيس الاربدي مشي الحياه صعبه:D كنه انا الي قايل للرمل تعال تجمع فيذا وجدعنا الى مريت انا وبوي كلش قظاء وقدر ونا عاد سيقاني كلها تزلغن من زين عاد ذا السيقان ومن فوق الركبه الين العراكيب كل رجلي الثنتين يصبن دم تدرون وشو الاسعافات الاوليه والتاليه بعد نكب تراب على المكان الي يصب دم وشوي ولاه واقف كلش عندنا من الطبيعه المهم ويقوم ابوي وهو زعل علي وقالي لاعاد اشوفك مقبل علي في المسمى لياني احش رجليك اذلف لا بارك الله فيك يالمهبول انت وطقطقانك لانهم يسمونه منول الطقطقان على صوته ونا يايبه تعوذ من ابليس خلني اروح معك ويدلي يحلتني بالحصا عاد بعد هذا التصرف لو اعاند زود كان ياطا في بطني وخذت العلم ونا الي اجيك ادف دبابي ماطاع يشتغل لان الحادث شنيع جدا وجرجره وقطع قلبي بعد الين وصلت راعيه ابو يمن وقلت له وشذا الدباب الي انت معطيني مايعرف يمشي فشلتني عند ابوي شفه راح للمسمى وهو زعل علي ومن يوم نتشه يعني شغله ابو يمن وهو مشتغل الدباب بس انطلق ببو يمن اقصا سرعه ومارده الا الجبل وشوا طاح منه ابو يمن ولاكان حصل كارثه صار فيه خلل عقب الطيحه الاوله معلق البنزيم ههههههههههههه:D وبس قظت السالفه وعساها تعجبكم
وفي النهايه اقول
لااله الا انت سبحانك اني كنت من الظالمين
يالله تحيي الطيبين كلن بسمه
اقول يالغالين تصدقون منول رغم الجهل والصح الزايد والحياه البدائيه الا ان عندنا ناس نوابغ يعني اذكياء بشكل لا يخطر على بال قولو وشلون اعلمكم
اذكر فيه على بدايه جيه الروادو واحد اسمه طامي جعله للفردوس توفا من كم سنه وهو من سكان الرياض تصدقون انه مخترع محطه بث رادومسميها محطه طامي يعني الا تكلم يسمعه كل القريبين الي عندهم روادو
وكثير من الناس يذكرونه
وكل اخباره منول مدري عاد يمزح ولا من جده والظاهر انه من جده كل اخباره منول يقول فيه عنز ظايعه في حله ابن نصار وهي صمعا يعني اذانها صغيرات هذا معنا صمعا ومعها تيس وعناق عيالها ومن يجدها يعطيها فلان الفلاني تراها حقته وياويلكم من الله ان حلبتوها وشربتو حليبها:D
شات ضايعه من غنم نجد يعني سودا وراسها ابيض هذولا غنم نجد وضلوفها طوال يالله تقوا تمشي ومعها طلي من يجدها يسلمها لفلان الفلاني تراها حقته :D
ومثل كذا وكان مشهور في الرياض عند الزكرت الي عندهم روادو والزكرت هذولا الشباب الي مهومب يخالفون على شي ويشربون ميرندا وتتن هذولا الزكرت يعني دشير الطيبين:D
والنابغه او الذكي او العبقري الثاني من اهل القراين جعله للفردوس اخترع له محطه بث رادو والي اذكره ان حدها من غرب لوحه لا تسرع او كبري ابو درج عرفتوه كبري ابو درج ياشباب :p
يعني ياصل بثه تقريبن خمسه كيلو
بس تبون الصدق انهم عباقره في زمن الصح الزايد والنيه السايحه يعني ماعندك احد باقي الناس والله اني كنت اعرف وش يقاله راعي القراين مخترع محطه الرادو مدري هو من العمار ولا من السلوم ولا من الشيحه والله اني نسيت والنعم ومليون نعم بالي ذكرتهم كلهم والي ماذكرتهم ياحبي لهل القراين غسله والوقف كلهم ان بغيتا طيبه ابشر ون بغيتا نخوه ابشر ون بغيتا سواليف توسع الصدرابشر ياجعلهم كلهم ووالديهم وذرياتهم للفردوس الاعلى من الجنه امين
من يذكر التغاريز والرمل الواجد الي عند شعيب العنبري في القراين على طريق السيارات قبل الناس مغرزين فيذاك بين الوقف وغسله ونت رايح للمسمى مافيه الا احفر ودفن يبي يذكرونه ناس واجد عرفتوذيك التغاريز خل اعلمكم قالي ابوي ياملا الفردوس قوه ونا ابوك للمسمى وهي منطقه اسمها المسمى كان ابوي زارع فيها سنه من السنين المهم قلت ان شاء الله يابابا :D
وكنا نبي نروح على رجلينا لان المسمى عن شقراء حذفه عصا مهوب شي ابد عشرين كيلو بس المهم يوم اصبحنا قلت يبه قال هاه قلت تعال اردف معي يعني اركب معي على الدباب نبي نروح عليه للمسمى سزوكي ابو كفرين اول مره اسوقه ولاهوب لي متسلفه من زيدي المهم ويفحش على مرتبه ورا وهو متمسك في جنوبي والحمد لله طلعنا من شقراء بسلام ورحمه من الله ويوم صرت عندالقراين وجيك امشي اقصا سرعه علشان مااغرز في الرمل الي يغرزن فيه السيارات الي عندشعيب العنبري وجيك امشي الف ومادريت الا يوم قعد الدباب يحوص يمين شمال:eek: يمين شمال:eek: الرمل واجد وش اسوي وجيك انا وبوي نسح على بطونا عشرين متر طحنا والدباب قعد يطامرتقول مهبول وطق بعصا جاك الموت ياسحاب ياويلك من ابوك ويلاه رحتا وطي هذا اقوله انا لنفسي وبوي جعله للجنه يتفل رمل وهو يقول لا بارك الله فيك ولا في دبابن انت تسوقه ولا في من يطاوعك ويركب معك :Dيالحمار المتين انا الحمار المتين:Dيالله مهوب يخالف يالهيس الاربدي مشي الحياه صعبه:D كنه انا الي قايل للرمل تعال تجمع فيذا وجدعنا الى مريت انا وبوي كلش قظاء وقدر ونا عاد سيقاني كلها تزلغن من زين عاد ذا السيقان ومن فوق الركبه الين العراكيب كل رجلي الثنتين يصبن دم تدرون وشو الاسعافات الاوليه والتاليه بعد نكب تراب على المكان الي يصب دم وشوي ولاه واقف كلش عندنا من الطبيعه المهم ويقوم ابوي وهو زعل علي وقالي لاعاد اشوفك مقبل علي في المسمى لياني احش رجليك اذلف لا بارك الله فيك يالمهبول انت وطقطقانك لانهم يسمونه منول الطقطقان على صوته ونا يايبه تعوذ من ابليس خلني اروح معك ويدلي يحلتني بالحصا عاد بعد هذا التصرف لو اعاند زود كان ياطا في بطني وخذت العلم ونا الي اجيك ادف دبابي ماطاع يشتغل لان الحادث شنيع جدا وجرجره وقطع قلبي بعد الين وصلت راعيه ابو يمن وقلت له وشذا الدباب الي انت معطيني مايعرف يمشي فشلتني عند ابوي شفه راح للمسمى وهو زعل علي ومن يوم نتشه يعني شغله ابو يمن وهو مشتغل الدباب بس انطلق ببو يمن اقصا سرعه ومارده الا الجبل وشوا طاح منه ابو يمن ولاكان حصل كارثه صار فيه خلل عقب الطيحه الاوله معلق البنزيم ههههههههههههه:D وبس قظت السالفه وعساها تعجبكم
وفي النهايه اقول
لااله الا انت سبحانك اني كنت من الظالمين