تدهيل الوحش عطونا رايكم

[أبو محمد 201]

السلام عليكم ورحمة الله وبركاته
يالربع كيف حالكم
عندي طير توي شاريه
الطير فرخ وحش
وبديت في تدهيله
وهذا اليوم الثالث
ااول يوم انقل الطير وهو مبرقع وعلفته وهو مبرقع علف بسيط
واليوم الثاني انقله مبرقع وفرعته وشوي ويكفخ وارجع ابرقعه و3مرات على هالطريقه والربعه برقعته قبل لايكفخ
وعلفته مفرع امس وكان عندي صوت والطير خايف
وكفخ وبرقعته وعلف على طول بالبرقع
واليوم فرعته الحالي وما شاء الله ماكفخ لكن شوي خايف
ولا صوت له بسمه ومسحت عليه بخفيف على صدره
بعض المرات يرفع رجله يبي يمسك كفي ويبي ينقر

الطير كذا اموره تمام ولا وش رايكم


وزن الطير كم يكون بالتقريبي
الطير وكريه 15*15
وش الشي اي استدل به على الوزن الطيرالمناسب له
وعلفه صدر حمامه قمريه مناسب له

[أبو العنود1]

تمام امورك بس استمر بنقله واذا كفخ برقعه وخله لين يهدى وفك البرقع بس لاتنزله على الاخر خله يشوف شي بسيط وبرقعه وخل التلفزيون شغال عنده على طول طالما منت حوله واذا علفته على يدك هالكم يوم لايصير عندك حركه حتى يستانس وبليل انقله معك وين ماتروح وفرع له شوي وان كفخ برقعه بس انتبته تبرقعه بالغصب غافله مغافل بالبرقع عشان ماتصير به صيحه ولاتشبعه خله اكله تنسير الطير ان شبع لو انه مدهل وجاهز يفسق على راعيه ولاتقصر عليه كثير لكن الايام الاوله اقصر عليه شوي حتى ينقز على كفك لمى يصير ينقز وياكل ويهدى دايم خله مفرع بس وهو على كفك لاتفك برقعه وهو على المركابه ابد نصيحه الا اذا تبي تنقزه على الاكل وليا بغيت تنقزه اذا صار يعلف معك وهو على كفك وهو هادي فوت عليه يوم وثاني يوم فرع له ونقزه على كفك وهذا ماعندي

[أبو محمد 201]

بيض الله وجهك
على معلوماتك الطيبه
والله يجزاك الجنه

ويعني ان شاء الله على ثنديه قميريه للحاله
كل يوم بيكون وزن الطير مضبوط للهدد
وقت الهدد نطوف العلف يوم

[عاشق السبق]

أنا ماازيد على كلام ابو العنود1 اللا انك لاتفرعه اذا فيه ناس واجد و زحمه او اطفال يلعبون لانه يخاف والوحش الوكري و الحرار اذا تطبع على شيئ مايخليه علشان كذا انتبه تخوفه باي حركه مفاجئه بالبيت

[Naif1]

السلام عليكم ورحمة الله وبركاته
استمر على هذا المنوال
الله يوفقك

[أبو محمد 201]

الله يبيض وجيهكم
ماقصرتو على رفع المعنويه
والإفاده
لكن مشكلتي مع البرقع الطير اشوفه يحك البرقع بكفه والبرقع بعد مافكه ماشوف فيه رطوبه من عين الطير
واذا جيت افكه من راسه شوي قوي
والحين اشوفه بداء يكره البرقع شوي
عكس اول عادي

وان شاء الله هاليومين بطلع للسوق الديره ابي برقع مضبوط وسهل فكه ومريح للطير
وس تنصحوني فيه

[THE SNIPER H]

اولا الله يبرارك لك فيه وان شاء الله يسعدك وتاكل من صيده
اهم شيئ لاختيار البرقع المناسب انك تأخذ الطير معاك المحل وتجرب البراقع هناك لان ارقام البراقع تختلف من نوع لاخر فأحيانا اجد برقع مقاس واحد صغير علي الطير ونوع اخر نفس المقاس كبير علي الطير واحيانا اجده مناسب

[أبو محمد 201]

الله يعطيك العافية
لكن الافضل من النوعيات وش
ابي شي مريح للطير وسهل تلبيسه وفكه من الطير
فيه نوعيه ممتازه تنصحوني فيها
لاني ان شاء الله بكره بطلع اشريه

[أبو العنود1]

الفاخر كويس وفيه الباكستانيات طري وحلو

[أبو محمد 201]

بيض الله وجهك دنيا وآخره
يابو العنود1
ولا ننسى بقيت الاخوان

ماقصرت على الاجابه عن الاستفسارت
ويجزاك الجنه على تعاونكم معي

[وكّار مكّار]

مابنزيد على ماقالو الربع وبيض الله وجيههم .. بالنسبه لي فالتدهيل ما افرع عن الطير اول ايامه الا اذا كان مخرس بالماء عشان مايكفخ .. لمدة اسبوع ولا اخليه مفرع ع الوكر وما احد معاه .. و اللي يبي يبرقع الطير اول ايامه لازم يكون حذر وخفيف يد ويحاول مايضايق الطير ويتعامل معاه بخشونه وعنف .. وحاول مايطيح البرقع اذا برقعته زره على طول لاتعطيه مجال يشيله وسلامتك .. والله يباركلك في طيرك و تاكل من صيده

[وكّار مكّار]

الله يبيض وجيهكم
ماقصرتو على رفع المعنويه
والإفاده
لكن مشكلتي مع البرقع الطير اشوفه يحك البرقع بكفه والبرقع بعد مافكه ماشوف فيه رطوبه من عين الطير
واذا جيت افكه من راسه شوي قوي
والحين اشوفه بداء يكره البرقع شوي
عكس اول عادي

وان شاء الله هاليومين بطلع للسوق الديره ابي برقع مضبوط وسهل فكه ومريح للطير
وس تنصحوني فيه




البرقع نص التدهيل .. لاتستهين به .. وانصح اخواني مايطلعون من سوق الطيور اذا شرا له طير لين يلقى له برقع يريح الطير ونفس الوقت يريحك كصقار

[وكّار مكّار]

بيض الله وجهك
على معلوماتك الطيبه
والله يجزاك الجنه

ويعني ان شاء الله على ثنديه قميريه للحاله
كل يوم بيكون وزن الطير مضبوط للهدد
وقت الهدد نطوف العلف يوم



مرحبا يا بومحمد ... مب شرط تطوف الطير علشان هدد هذي ترجع لنفسية الطير ومعرفتك بطبوع طيرك ..... مرت عليه طيور تتريق الصبح ثنادي حمامه والعصر تهد على حباره ماعندها مشكله وبعض الطيور تتطوف على شان تصيد .. وعليك بالطير اللي نفسه طيبه ويعلف بحراره... معشا الطير لازم يكون بقياس .. ويختلف من طير لطير

[أبو محمد 201]

يعطيك العافية يا وكار مكار
ولاهنت على كل حال


الطير الحين يعلف وهو مفرع له تقريباً
4ايام
ولكن شديد الخوف فيه
واذا فرعته بدون العلف ورابط السبق في الدس
يجلس شوي ثم يكفخ وويرجع على ايدي وبرقعه وبعض المرات ابرقعه قبل لايكفخ
ولا الحين ماركد
طبيعي ولا لا
مع العلم نقلي له بسيط
وقت الظهر واول العصر والمغرب او العشاء ساعه
يعني تقريباً 4ساعات في اليوم انقله فيها والباقي يكون على وكره للحاله
وش الي بيخليه يكون سريع في تدهيله
والمسح على الصدر بخفيف كثرته يظر الطير ولا ينفعه
ورفع الكف اذا الطير عليها
وتصويت له تفع ولا المسح افضل له

[خالد العطااوي]

يعطيك العافية يا وكار مكار
ولاهنت على كل حال


الطير الحين يعلف وهو مفرع له تقريباً
4ايام
ولكن شديد الخوف فيه
واذا فرعته بدون العلف ورابط السبق في الدس
يجلس شوي ثم يكفخ وويرجع على ايدي وبرقعه وبعض المرات ابرقعه قبل لايكفخ
ولا الحين ماركد
طبيعي ولا لا
مع العلم نقلي له بسيط
وقت الظهر واول العصر والمغرب او العشاء ساعه
يعني تقريباً 4ساعات في اليوم انقله فيها والباقي يكون على وكره للحاله
وش الي بيخليه يكون سريع في تدهيله
والمسح على الصدر بخفيف كثرته يظر الطير ولا ينفعه
ورفع الكف اذا الطير عليها
وتصويت له تفع ولا المسح افضل له

عادي يكفخ الوحش كذا بتكون به وحاشيه وتروح مع الايام ان شاءالله
وطبيعيي والنقل لابد دايم تنقله كل وقت كل مافضيت ولاعندك شيء انقله
واذا خليته ورحت حطه عند التلفزيون او محل به اصواات
ولاتستعجل ومسح على .. صدره ولاتكثرر واذا يعض لاتسحب يدك حاول انك تمسك بوزه بس مو بالحيل وتمسحه والتصويت له بأسمه والصياح وقت العلف << مهم
وبالتوفيق وتاكل من صيده ان شاءالله ..

[ابوناشي511]

في نقطه مهمه لاتحط عينك في عين الطير بس ماذكرت لنا هل شنذرته وحليته بسكر نبات او لا
وذا لك اربع ايام تنقزه جب له سمانه حيه وخله يذبحها ويتطعم دمها وعطه القلب بيدك وعليك بالنقل وذا انك ترشه بما لاتقربه للمكيف والله يوفقك برقا الجناحين

[وكّار مكّار]

يعطيك العافية يا وكار مكار
ولاهنت على كل حال


الطير الحين يعلف وهو مفرع له تقريباً
4ايام
ولكن شديد الخوف فيه
واذا فرعته بدون العلف ورابط السبق في الدس
يجلس شوي ثم يكفخ وويرجع على ايدي وبرقعه وبعض المرات ابرقعه قبل لايكفخ
ولا الحين ماركد
طبيعي ولا لا
مع العلم نقلي له بسيط
وقت الظهر واول العصر والمغرب او العشاء ساعه
يعني تقريباً 4ساعات في اليوم انقله فيها والباقي يكون على وكره للحاله
وش الي بيخليه يكون سريع في تدهيله
والمسح على الصدر بخفيف كثرته يظر الطير ولا ينفعه
ورفع الكف اذا الطير عليها
وتصويت له تفع ولا المسح افضل له




مرحبا يا خوي بومحمد .. اصبر عليه وحاول تكون تهدا .. وانصحك لاتستعجل اعطي الطير الامان وخذ عيونه ... غامر ... هد الطير بسبب .. طرف مربوط بالطير وطرف بحمامه ام ثلاث .. حاول تبعد عنه ولاتقرب منه الا اذا ذبح ... بعذض الطيور تربيبها يكون اسهل فالمدعا ... حاول اتعيد الحركه مرتين او ثلاث كل يوم حمامه ولاياكل منها ريش ولا عظم ... وبعدها جوعه شوي وهد الحمامه مخيط والطير مري ...غامر ...يمكن تصيب ويمكن تتعب معاه ,, عليك بالصبر والله يوفقك

[العبقري 1]

موفق ان شاء الله

[راعي المقنا ص]

استمر على هالناحية ممتاز

[شاهين الغزال]

ما شاء الله موضوع ممتاز وردود وافية مقنعة واستفدنا منها الكثير والكثير الله يرزقكم كل خير إن شاء الله مشكورييييييين :-)

[الرامي الماهر]

موضوع يستحق التقييم واتمنى من الصقارين اللي لهم خبره المشاركه نبغى الاساسيات في التدهيل فقط لاغير