ابي افاده لاهنتم وكمان ابي م/ عبدالله يفيدني من دون قصور فيكم

[RELAXS]

السلام عليكم ورحمة الله وبركاته

اخواني ابي استفسر عن صوت الرمان بمكينه 40 حصان ؟
هل عند تغيير الرمان يتم توظيب المكينه ؟
لاني سألت عنها مهندس يقول مثل التوظيب
وهل يقلل التوظيب لتغيير الرمان العمر الافتراضي للمكينه ؟؟
وكم اسعار تغيير الرمان لاهنتم لاني اسمع صوت طقطقه بالمكينه
وهل يؤثر لو ما غيرت الرمان وسبتها كذا وازيد الزيت بالتانكي ؟

ارجو من اصحاب الخبره افادتي من خبراتهم بكل ما يخص شغلة الرمان للمكينه والجربكس

[RELAXS]

افيدووووني لاهنتم يارجال

[الذاهب]

ياخوي
كيف حددت ان الصوت صوت رمان ومن المكينه
يمكن يكون الصوت من الجربكس
التشخيص لازم يكون من ذو خبره
هل المكينه على يدك
او اشتريتها وطلع الصوت
هل قد سقطت في البحر

[RELAXS]

الصوت مسموع من المكينه ولا اعرف اذا صوت من الجربكس لان الصوت من اعلى
والمكينه ما سقطة بالبحر

ياليت تفيدوني على اصلاح رمان المكينه ؟ وهل يضر المكينه ويقلل عمرها الافتراضي لو صلحته لانه مثل التوضيب ؟ وكمان صوت الجربكس

افيدوني عن الرمان للمكينه والجربكس بصوره شامله وانتم اهل خبره الله يعطيكم العافيه

[محبوب جده]

عليكم السلام

اخواني ابي استفسر عن صوت الرمان بمكينه 40 حصان ؟
اخوي الصوت لوحده ما يكفي لمعرفه هل هو رمان في عامود الكرنك ام كسر في تروس الجربكس ام رمان داخل الجربكس لا بد من الفحص ووقوف الفني عليها وسماع الجربكس وتحريك حذاف المكينه باليد لمعرفه مدى ثبات الرمانات داخل المكينه
هل عند تغيير الرمان يتم توظيب المكينه ؟
نعم تحتاج فرط كامل يطلع البور هد وتفرط المكينه كامله والرمانات موجوده على عامود الكرنك ومتصله باأذرعة البساتم وأيضا توجد تحت البساتم في منطقة اتصال الذراع بالمكبس اذا فكيتها وطلع جدار البستم مافيه خلوص ويمسك ركب شنابر جديدة وغير جميع الرمانات الموجوده على عامود الكرنك وترجع المكينه اخت الجديدة

وهل يقلل التوظيب لتغيير الرمان العمر الافتراضي للمكينه ؟؟
على حسب نوع التوضيب وعلى حسب اليد العامله هل نوع التوظيب هو استاندر وهذا الافضل ام خرطه 25 وهذي تمشيه حال او 50 وهذي لا تسويها لان المكينه ما تطول فيها .
اذا جدران البستم نظيفه ركب شنابر جديدة وغير الرمانات ونظف الكربريترات وبإذن الله تقعد عمر فوق عمرها
وكم اسعار تغيير الرمان لاهنتم لاني اسمع صوت طقطقه بالمكينه ؟
مثل ما كتبت لك فوق ممكن الصوت مو من المكينة ممكن من الجربكس واسهل طريقة عشان تتأكد انه من الجربكس ولا من المكينه فك صرة الزيت للجربكس وشوف كميه الرايش اذا كثير فك الجربكس ونسبه المشكله ان تكون منه عاليه جدا صوت الرمان في المكينه صوت خشووونه مستمر والاسعار تقريبيه المكينه اذا بتوضبها وشغل نظيف من 1200 الى 2500 للشغل النظيف واذا ناوي تسترخص الشغله واذا من الجربكس ما يكلفك كثير حدود ال 1000ريال وخذ القطع من الخريف وابعد عن كيلوو لانه ياخذ من الخريف ويبيع بأغلى منه
وهل يؤثر لو ما غيرت الرمان وسبتها كذا وازيد الزيت بالتانكي ؟
اذا الصوت خفيف ما يأثر بس زيد الزيت واخاف انك تدخل بمشاكل الكربريتر خلي زيادتك طفيفه جدا يعني كل 45 لتر بنزين مقابل علبه زيت ابو لتر ياماها ولا تستخدم أي زيت اخر اذا الصوت قوي ممكن يعدم لك عامود الكرنك وراح تزيد عليك تكلفه قطع الغيار في حالة ان الرمان الي صوته ظاهر في المكينة

ارجو من اصحاب الخبره افادتي من خبراتهم بكل ما يخص شغلة الرمان للمكينه والجربكس
ياليت توضح كيف عرفت انه رمان وكيف كان الصوت ومتى طلع عليك وكم موديل المكينه في المكينه الرمان يوضح معاك بتحريك الحذاف لاعلى واسفل اذا في ارتخاء في الصحن ويطلع وينزل بصدور صوت صرقعه تعرف ان الرمانات فيها مشكله وفي الجربكس مع المشي يطلع الصوت صوت قربعه تسمعه من الجربكس

ملاحظه اخيرة :- اخوي اغلب الفنين الي في جدة المنطقة الغربية الا من رحم ربي شغل تلفيق وضحك على الزبون يدفع الزبون قيمه وقدرها من المال مثلا يدفعك 2500 حق توضيب و تلقاه فرط المكينة وغير الرمان فقط و الشغلة كلها ما كلفته 200 ريال قطع والباقي شغل تلفيق يا بقطع مستعمله او ركب القديمه اذا يمشي حالها عشان كذا اكثر الي يوضبون مكاينهم ما تستمر اذا بتوضب او بتسوي أي شي اوقف على شغلتك بنفسك لا تخليه يركب مسمار الا وانت فوق راسه ولا تخليه ياخذ البلوك ويوديه مخرطه انت خذه ووديه واوقف على شغلتك بنفسك وننتظر مهندسنا المهندس عبدالله وجهة نظره في الموضوع

[RELAXS]

الله يعطيك العافيه نوع المكينه يمها 2011 تقريبا وانا ما عرفت انه رمان جاني واحد قالي رمان الصوت اللي فيها لانه صوت طقطقه ورى بعض حتى مع دعسة البنزين تزيد وتنقص واذا عشقت تخف شوي او مو مسموعه لكن بالفاضي مسموعه علما بان المكينه مشاء الله شغاله ما فيها شي واطلع عليها البحر

[خالد الشمري20]

السلام عليكم ورحمة الله وبركاتة

افحصة عند فني ممتاز افضلك ,,,

[RELAXS]

لا هنت يالذيب ومشكووور على المرور نبي ناخذ من خبرات الشباب قبل لا اوديه الورشه

[م/عبدالله]

الله يعطيك العافيه نوع المكينه يمها 2011 تقريبا وانا ما عرفت انه رمان جاني واحد قالي رمان الصوت اللي فيها لانه صوت طقطقه ورى بعض حتى مع دعسة البنزين تزيد وتنقص واذا عشقت تخف شوي او مو مسموعه لكن بالفاضي مسموعه علما بان المكينه مشاء الله شغاله ما فيها شي واطلع عليها البحر


وعليكم السلام ورحمة الله وبركاته

اخوي حسب وصفك الموضح اعلاه
عندك خلوص في الرمان العلوي

والمهم بعد الفك يتوفر الشروط التاليه:-
1- قطع اصلي
2- تطبيق نظيف
3- ضبط الموازنة ( تغيير الاجزاء كامله )

القطع الاصليه .... مطلب ضروري طالما هي اجزاء
حركة داخليه للمحرك وهي تحت ظروف تشغيل صعبه
من دق وحرارة وتسارع عالي .

التطبيق النظيف ... نحدده في مهارة اليد العامله والخبرة

ضبط الموازنة ... وهذا جدا مهم بحيث نقوم بعملية التجديد
بدون استثناء ويطال التغيير جميع الرمانات حتى لو كانت سليمه
انت لو وضعت رمان جديد بجانب اخر قديم العمر الافتراضي
بينهما بفارق كبير لذلك الشد عند التركيب يتفاوت لان معدل التأكل
مختلف وربما هذا يساعد على اخراج صوت جديد بعد فترة هذا من ناحية
والناحية الاخرى التوازن للقوة فوق عمود الكرنك مختلفه في حالة خرط
اسطوانة وترك اخرى بحجة انها سليمه . وخصوصا في محركات 2 استروك
حيث يزداد عدم انضباط المحرك في الدوران ( اهتزاز) وايضا حرارة متقدمه

ملاحظه اخرى ... وهي عدم السكوت عن اي صوت في المحرك
او الجيربكس .... والسبب هو تفاقم الخلل حتى يطال الاجزاء الاخرى
قد تكون مكلفه مثل عمود الكرنك داخل المحرك . لانه موضوع تأكل

ان شاء الله نشرح هذا في درس مفصل حتى ينتبه الاخوان لمثل
هذه الامور .وايضا تفصل مابين صوت المحرك والجيربكس

[RELAXS]

يعطيك العافيه يارب والله اني متخوف لانه يقولون انه اذا انفكت الميكنه للرمان ما عاد تنفع وخرابها سهل جدا وراح تفكها اكثر من مره بسبب فكها لاول مره لتغيير الرمان هذا اللي مخوفني م/ عبدالله

ياليت تفيدني اكثر وانا طماع كثير بشرحك لاهنت

[RELAXS]

وواحد قلي بيها ما عاد تنفع ؟

[م/عبدالله]

حياك اخوي ... من جديد

طبعا هذا اللي استشرته مع احترامي لشخصه كلامه غير صحيح
بعض المحركات توظب وتجلس من 4 سنين الى 5 سنين بدون مشاكل
والبعض الاخر بعد شهر من التوظيب تسمع فيها اصوات الرمان
الفارق هنا ... كما وضحت سابقا .. القطع الاصلي واليد العامله الخبيره

موضوع الرمانات ... ما يخوف اخوي ابدا مجرد تزليقها في محلها
وضبط مقابلة النصفين والتأكد يتم الشد بتوازن بواسطة مفتاح العزم
على الرقم المطلوب وتعمل ادارة للعمود للتأكيد على سلامة الدوران
وهذه معلومات لدى الخبير معروفه .... اما من ناحية اخرى مثلا لو كان العمود
فيه مشاكل وتأكل ويركب فوقه الرمانات طبعا هذا مايطول معك وهنا السبب
في فشل الكثير من عمليات التوظيب خصوصا 2 استروك ... ايضا الخرط
المبالغ فيه في الاسطوانات .او خرط اسطوانه وترك اخرى . وفي النهاية
مايصح غير الصحيح .

[خذاني الشوق]

السلام عليكم يعطيكم العافية وهذا الموضوع من زمان كنت ابي استشيركم فيه ياأخوان الرمانات أنا عندي مكينتي 115 ياماها موديل قديم والحمدلله الى الان ماتبطلت اللي حصل أول ماشريت الطراد من سنتين وأشوي وديته لافني كان عندي بعض المشاكل المهم الفني الاول طلع عذاريب واجد منها سلمكم الله يقول الرمانات عندك تعبانه واسمعها صوتها واضح وانا بصراحه ماافهم في صوتها وديتها عند فني ثاني قالي خفيف الصوت ولكن زود الزيت وديتها عند ثالث قال مافيها شي ورابع نفس الشي المهم المكينة لها سنتين وشوي الشي الوحيد اللي اسمعه وواضح اذا الضغط على اربعه بالبحر اسمع صوت ونه واذا زودت الاسبيد أوقللت راح الصوت من كم شهر تقريبا للاسف بعض الفنيين يتفلسف ويجيب العيد جاء يبي يوزن الاهواء حق الكربريترات واعدمه بعد تعب عدله ولكن فيه صوت زي صوت الهواء تسمعه من جهة الكربريترات طبعا اذا كان الغطاء مبطل بس اذا قفلته يخف الصوت بشكل كبير حبيت رائيكم بمشكلتي اذا عندكم تعليق لاتبخلون علينا تحياتي لك يابومحمد وللاخواه الاعضاء وجزاكم الله خير

[RELAXS]

يعطيك العافيه يامهندس/ عبدالله

[م/عبدالله]

حياك الله اخونا خذاني الشوق

من اجل تقرر على محرك فيه صوت لازم تكون بجنب المحرك
لكن بعض الاصوات اللي تسمعها تكون طبيعيه كون المحرك قديم
بخصوص صوت الهواء السحب العالي غالبا يكون من خانق الكربريتر
الاسفل يكون مفتوح زياده ويسحب هواء زياده و انت تقول فيه واحد لعب في الوزنيات
وهذه مشكله . لازم يعمل الخانقين بالتساوي وكذلك كمية الحقن الموزعه على الاسطوانات

[خذاني الشوق]

السلام عليكم
حياك الله يابومحمد وجزاك الله خير مشي الطراد طبيعي حتى صرفية البنزين طبيعية
قلتلك ان بعض المهندسين تجيب له الشي تبيه يعدله يخرب لك شغلة ثانية لكن الحمدلله وفي مره مريت على احد المهندسين وسمعني صوت محرك فيه صوت بيرنق لاوالله اللي عندي اهون بكثير ولا في مقارنة والمشكلة بالشرقية موجودين مهندسين لكن قله من يتقن العمل وفي ميكانيكي اسمه عبدالقادر انصح الشباب فيه مع انه بعيد عن المدينة اللي انا فيها لكن اذا غلب علي شي ارجع له وجزاكم الله خير على المنتدى الطيب اللي استفدنا من اشياء كثيرة..