استفسار وطلب استشاره

[ناصر 1405]

السلام عليكم ورحمه الله وبركاته .

استفسار وطلب استشاره
كيف حالكم عساكم بحسن حأل , يامكشاتيه ابي ادخل بصلب الموضوع ابي افضل شوزن ولاتندف عشان عندي ولدي عمره 17 سنه وباخذ له شوزن واخاف اجيب له شوزن تكسر كتفه تكرهه بالصيد كله , اعطوني اسامي افضل الشوازن وخفيفه الندف جدأ , وتسوق وتطرب الرامي وتحياتي لكم ! :good2:

تم تغيير العنوان
(هزاع)

[نديم الخيال]

قبل لاعلمك وش افضل شوزن
انا انصحك ماتعطي ولد مراهق شوزن يبلاك بمصيبه انت في غنى عنها
توه الله يخليه لك على حمل سلاح بخطورة الشوزن
مجرد نصيحه تاخذ بها او تتجاهلها
اما الشوزن الموديلات الاخيره كلها ماتندف لكن الاكستريما فيها كيك اوف يخفف الندف وهي الافضل لكن غاااااليه بالحيل

[ناصر 1405]

قبل لاعلمك وش افضل شوزن
انا انصحك ماتعطي ولد مراهق شوزن يبلاك بمصيبه انت في غنى عنها
توه الله يخليه لك على حمل سلاح بخطورة الشوزن
مجرد نصيحه تاخذ بها او تتجاهلها
اما الشوزن الموديلات الاخيره كلها ماتندف لكن الاكستريما فيها كيك اوف يخفف الندف وهي الافضل لكن غاااااليه بالحيل

الله يسعدك ونصيحتك على عيني وراسي يانديم لاكن الولد ماشاء الله عليه دربته على الضلع وقد طرح لي وبران الله يحفظك ورميه راكد ولاهو من الاولاد الطايشين تجي هفات بس الله يستر منها ههههههه . طيب مافي انواع من ام حبه خفيفه ولا اي نوع حدود 7 الاف ولا 8

[نديم الخيال]

الله يسعدك ونصيحتك على عيني وراسي يانديم لاكن الولد ماشاء الله عليه دربته على الضلع وقد طرح لي وبران الله يحفظك ورميه راكد ولاهو من الاولاد الطايشين تجي هفات بس الله يستر منها ههههههه . طيب مافي انواع من ام حبه خفيفه ولا اي نوع حدود 7 الاف ولا 8

ام حبه هي ام الندف بكل انواعها واشكالها
7 و8 الاف تجيب لك تركيه مستعمله الله المستعان الاسعار طايره بالسما معاد تنلحق هههه
عندك الارتمس التركيه والستوقر جديدات حول 11 الف وهن افضل التركيات

[ناصر 1405]

اجل انشاء الله بزودها وباخذ له جديده افضل له وبيض الله وجهك يانديم على التفاعل !

[دكتور زمانه]

الراي لك . خذ له شوزن نصف . حلوة بالحيل

[ناصر 1405]

الراي لك . خذ له شوزن نصف . حلوة بالحيل

الله يبيض وجهك وانشاء الله بشوف له وحده خفيفه عليه وتسوق وتطرب بس اعطوني اسامي الشوازن ام نص اللي ماتندف :good2:

[ابن كديميس]

يرجال
ابعد عن الشوزن النص فشقها شحيح
خذ لك شوزن عيار كامل ازين .