فزعتكم ... يا هل ام سيلان

[ذيب المراجل]

السلام عليكم .. ورحمة الله وبركاته

أخواني الغالين ،،

شريت شوزن ام حبة ( ام سيلان - امريكية )

رميت فيها امس ( القمع تأخر ماطلع إلا بعد عشر دقايق يمكن ) ورميت الرميه الثانية .. ونشب فيها ماطلع إلا الآن .

وش السواة ... ولاتبخلون علينا بتجاربكم ياأهل التجارب .

[مطر وسم]

طلعه بمفك عادي صغير والا ودها لمهندس اسلحه يطلعه ويصلح لك الناتوش وانت واقف امره بسيط

تحياتي لك

[دكتور زمانه]

مثل ماأفادك اخونا عاشق ام سيلان
وأعرف واحد حاط معه سكروب أو قطعة صيخ صغيره
واذا نشبت الفشقة قام بالاتي
وجه الماصورة وهي مكسورة إلى السماء
. قام بوضع السكروب او السيخ في راس (فوهة) الماصورة
قام بتسقيط وترك السكروب او السيخ
سيزحلق السكروب او السيخ داخل الماصورة
سيقوم برفس الرصاصة الى بر الأمان .خخخخ :D بس انا مااحبذها
أحس انها تحوس الماصورة من الداخل الا اذا وزنتها مضبوط
تحياتي لك

[دكتور زمانه]

الملاحظ في مكشات كثرة المشاهدات وندرة الردود . الله المستعان

[اتحشى الهم]

اخوي نظف مدخل الطلقه بصنفره ناعمه وزيت مكاين الخايطه لانه اكيد خشن ومع حرارة الطلقه تنشب الطلقه نظفه زين لين يصير ملمسه ناعم اكيد هلحين خشن من الرمي نظفه لين يصير ناعم وانشاء الله انه تضبط معك ولا توديها محل اسلحه

وكانك عرضها رسلني

[ابوصالح666]

شف وانا أخوك ام سيلان القديمه ترى بعض الفشق الجديد مايصلحلها لأن مدخل الطلقه يجي ضيق والفشق الجديد والمغشوش يجيك فيه كبر بالقفش النحاسي وتغص الطلقه فيه والناتوش مايقدر يطلعها لئنها منحشره بالصبطانه فلذالك أختر فشق يناسب بندقك

[ناصر 1405]

ودها يصلح لك الناتوش وانت واقف اذا انت بتبوك ولا المدينه تعال لي خاص وازهل امرك !

[ذيب المراجل]

ودها يصلح لك الناتوش وانت واقف اذا انت بتبوك ولا المدينه تعال لي خاص وازهل امرك !

لا والله يالغالي .. جعلك تسلم
انا ساكن حول الرياض... اقدر اجي للرياض او القصيم

[ذيب المراجل]

شف وانا أخوك ام سيلان القديمه ترى بعض الفشق الجديد مايصلحلها لأن مدخل الطلقه يجي ضيق والفشق الجديد والمغشوش يجيك فيه كبر بالقفش النحاسي وتغص الطلقه فيه والناتوش مايقدر يطلعها لئنها منحشره بالصبطانه فلذالك أختر فشق يناسب بندقك

ابوصالح كيف اعرف الفشق الي يناسب البندق ؟

الي اعرفه ان ام سيلان ترمي كل الضغوط ...

[خالد الشمري20]

السلام عليكم ورحمة الله وبركاتة

كن حذر اخوي في المرات القادمة ,,,












.

[ابوصالح666]

ابوصالح كيف اعرف الفشق الي يناسب البندق ؟

الي اعرفه ان ام سيلان ترمي كل الضغوط ...


صحيح ان ام سيلان صبطانته قويه ومالها دخل بالظغوط حنا نتكلم عن حجم القفش الي يناسب شوزلك لاكن ترى صناعتها قديمه على ايام ابو غزال ابو كرتون كان لحقت عليه
تشوف القفش حقه صغير ومناسب للشوزل وهالحين الفشق تغير وصار انواع كثيره ورموز لكل شوزل يكون لها فشق مخصص وبعض الشوازل تلك في الفشق وتلقاها بفشق ثاني ترمي عادي لأن الفشق احجام ولا تلاحضها لأنها تقريبا نفس الشكل بس يمكن تلقا فيها كبر شي بسيط جدا او صغر ماتلاحضه بالعين بس لها رموز وارقام
وهالحين فيه انواع كثيره جدا وبتحصل لها المناسب
شف الي يجيك مكتوب عليه بالقفش النحاسي من ورى رقم12بس من دون شرطتين مايصلح
والي يجي مكتوب عليه _12_ وفيه العلامتين شرطتين يمين ويسار الرقم 12هذا مناسب طبعا رقم 12 هذا حجم عيار الشوزل وسلامتك

[مقعي]

خلك على نصيحة
اتحشى الهم
وأبو صالح
تراهم عطوك الزبدة
والأنسب ارمي بضغط 32 لأن صفرة صغيرة

[شرق المغيب]

السبرنق حق الناتوش ضعيف حاول تبدله ..اذا تعرف او ودها المصلحين بالجرده وانت واقف يضبطه
نضف مدخل الفشقه وصنفره زين
تاكد ان الناتوش يمسك الفشقه لايصير به طقه او عوج مايمسك واذا فيه شي يصلحونه او يبدلونه

[تزبطي]

صارت معي مره

اطلع الفشقه بخيزرانه الناتوش يلصق
او بيت النار مكربن وفيه زي حبات الرمل تنشب الطلقه


الحل شريت منظف اسمه w40 ب حول العشره ريال

وفككيت الماصوره ورشيت الناتوش رشا مبرحا
ورشيت داخل بيت النار ولفيت منديل على اصبعي
وصقطه بالماسوره وخذ فرك لين نظف

لان الناتوش احيان يجيه صدا خفيف لا يذكر ولا تشوفه بعينك
والناتوش زي الخابور ينزلق داخل مجرا ضيق وهالصدا
يحجر له بقوه انت رش وحرك الناتوش

انا هالطريقه نفعت معي مع اني ماتوقعت والشباب
يقولون لازم توديها للصيانه عندك وعندك وفيه ومن هالكلام

انت جرب ومنت خسران الا 10 ريال

واذا قضيت حط اي زيت داخل بيت النار ﻻتكثر
حول 5 نقاط وادعكه كله

و بالتوفيق

[pro]

ماقصروا الشباب يعطيهم العافيه استفدنا من تجاربهم

[ارثمس]

شي عادي خل معك عصا سخيف