مشكلة بالجيب في المكيف بعد رحلة صيد

[فهد33]

السلام عليكم ورحمة الله وبركاته وحيالله كلٍ باسمه ..

أنا مشكلتي حصلت بالمكيف فصل حتى المروحة ماتشتغل وإذا ضربت حول الساعة ( ضربت الطبلون ) طقه خفيفة يشتغل وشوي يفصل يطفي مرة !!
وماأدري وش السالفه وديته لكهربائي قال مافيه معلوم !!
الحين أخاف أوديه لواحد يفك الطبلون ويحوس لي الموتر ويمكن المشكلة بسيطة ماتحتاج لفك طبلون .
فلذا سؤالي هل أحد مرت عليه هالمشكلة أو عنده فراسة وحدس يمكن يتوقع شي ؟
الفيوز شيكت عليه مافيه شيء ..

هل فيه كهربائي ( لأني متأكد من أن المسألة كهرباء الماص يمكن مرة يوصل ويشتغل ومرة يفصل) ممكن ...
فإذا فيه أحد يعرف كهربائي مضبوط بالرياض يدلني عليه وجزاكم الله خير ,,

[ابوراكان تبوك]

وش نوع موترك وموديله

[فهد33]

وش نوع موترك وموديله


هلا ابوراكان نوع الموتر جيب جي اكس آر موديل 2003 ابيض عليه شبك هههه0
نكته.. واحد رايح يدور بليتين لسيارته الداتسون ويقول للبايع عندك بليتين ددسن نص هنقلين أسود 0 ذكرت النكته
اخوي أنا فكيت الدرج وخبطت كل الأفياش ومعطت الأسلاك ورصصتهن والمكيف شغال ولا صار شي وإذا ضربت تحت فتحت المكيف اللي عند الراكب طفى .

[ابوراكان تبوك]

انا سالتك عن الموديل نظرا لاختلاف الديكورات والاختلاف في فك الخاص بالافياش وليس للسخريه منك المقصد اساعدك


موووووفق

[بدوي ممطور]

ابو راكان من الناس الي اقراء مشاركاته
انت يراع المكيف توحي والا لا مدام تقول المكيف اي حركه عليه تشغله والله اعلم ان العطال بسيط والمهندس الي رحت له يعرف الخراب الله اعلم وعشان الشغله بسيطه ماله اجره تراه ماعلمك والله العالم
ولا تروح البر تطابح ثم تجي تقول الموتر فيه والموتر فيه وسلامتك

[فهد33]

انا سالتك عن الموديل نظرا لاختلاف الديكورات والاختلاف في فك الخاص بالافياش وليس للسخريه منك المقصد اساعدك


موووووفق


ابوراكان بارك الله فيك مافيه شك وأنا اخوك دمت بود ..

[فهد33]

ابو راكان من الناس الي اقراء مشاركاته
انت يراع المكيف توحي والا لا مدام تقول المكيف اي حركه عليه تشغله والله اعلم ان العطال بسيط والمهندس الي رحت له يعرف الخراب الله اعلم وعشان الشغله بسيطه ماله اجره تراه ماعلمك والله العالم
ولا تروح البر تطابح ثم تجي تقول الموتر فيه والموتر فيه وسلامتك

هلا بالأخ / بدوي مطور حياك يالغالي ..

وديته لأثنين كهرباوية كلهم أجمعوا أن اللوحة حقت المفاتيح عطبانه وتحتاج تغيير ويقولون سعرها بالتشليح ممكن 200 ريال والله يعين على الفك أنا مايقطع قلبي إلا الفك نصف المسامير ماتركب ودي زباله ..:D

[كريم السجايا]

السلام عليكم ورحمه الله
انا صارت معي نفس مشكلتك ورحت لكهربائي وطق الثلاجة يلي عند الراكب واشتغل وبعدين طفيت السيارة وشغلته عنده و طفى مره ثانية وقالي الكهربائي اذا طفى عليك شغل المكيف على رقم اربعه او ثلاثه وبعدين رجعه للرقم يلي تبيه ( 1 او 2 ) وبعدها ضبط الحمدلله

شكرا