استفسار عن هالموقد

[خليل909]

السلام عليكم ورحمة الله وبركاته
ياخوان احد منكم مر عليه الموقد هذا هل هو عملي ومن ناحية الجوده وش وقعه وكم يسوى علماً انه جديد لم يستخدم
http://up.m0dy.net/2014/m0dy.net-14089736081.jpg

http://up.m0dy.net/2014/m0dy.net-14089736082.jpg

[اخوك يالذيب]

يحكم انه يكون عملي استخدامك له

انت وش تبيه له بالضبط وياليت صور اوضح لشكله كامل

[خالد الخطير]

الحقيقه ماستخدمت هذا الموقد حتى اعطي لك النصيحه

لكني استخدمت واحد زيه من انتاج كوفيا وصناعته كوريه

وممتاز جداً كشعله ، لكن اذا الجو هواء لازم تستخدم ذرايه لصد الهواء

شريته من العليان بالرياض تقريباً ٣٠٠ ريال وعليها بس ناسي كم بالظبط

وهذي صورته

http://www.overlander.com.hk/uploads/product/845.jpg

اما بالنسبه للي انت عارض صوره فهو من انتاج بريموس ، لكن صناعته لا اعرف ماهي !!

بالطبع هو ليس سويدي ، لكن اكيد صناعته مكتوبه عليه

لان بريموس توقفت من زمن بعيد عن الانتاج بالسويد

فيه انتاج استوني ، هندي ، صيني

وهذا لا اعرف ماهي صناعته !!

هذا مقطع من اليوتيوب قد تعطيك انطباع عنه وقد يحتوي على موسيقى فارجو خفض الصوت رجاءاً

http://youtu.be/z5XTJVmeH1U


الملخص /

١/ هذي الانواع من المواقد تجي بعين او بعينين حسب رغبتك

٢/ هذي المواقد تستخدم الغاز ذو الاستخدام الواحد ، واذا اردت استخدامها على الدبات الزرقاء لازم ترهيم ، تشتري لي السنيدي ولي سرهيد و بكذا تشغل العينين ، او اذا اخذت ابو عين وحده فيكفي معاه لي سرهيد فقط

http://i.imgur.com/qUgIbEJ.jpg

٣/ موقد كوفيا الكوري الي عرضت صورته فوق يجي عين و عينين ، ومعاه (قداحه) لكل عين ، يعني مايحتاج تشيل معاك ولاعه !! ، بينما الي انت عرضت صورته (بريموس) فيجي بدون قداحات ، يعني لازم معاك قداحه او ولاعه

٤/ كوفيا او بريموس من هالنوعية ، لازم تشتري ذرايه له علشان الهواء اذا هب ، لان اللهب مايثبت زين !!

٥/ هالمواقد تجي مرتفعه شوي بسبب الارجل ، عكس المواقد الشنطه الي تكون نازله بالارض وتشوف طبخك زين

النصيحة /

انصحك بالمواقد الشنطه زي تكسبورت او بريموس الاحمر ، معاه ذراياته ومعاه لي يشتغل على الدبات الزرقاء !!

اما اذا مصمم على هالنوعيات من المواقد ، فانصحك بكوفيا لسببين :

١/ صناعته كوريه كوريه مافيها كلام وشركة عريقه
٢/ يجي مع كل عين قداحته ، كل عين لها قداحه مستقله

اخيراً /

هناك انواع من كوفيا على نفس نمط هالموقد ويجي بذرايات وشبيه للشنطه

واسميه هجين بين الشنطه وابو كراعين :D

وهم يسمونه Kovea Deluxe Twin Stove

http://i.ebayimg.com/00/s/NTAxWDUwMQ==/z/17QAAOxyeR9TLtq1/$_35.JPG

هذا والخيار الاول والاخير لك

ولا تقدم على الشراء الا بعد التأني واخذ النصيحه من اخوانك بمكشات

واي اسئله اسأل بدون تردد ، وان شاء الله نجيب على اسألتك الي تدور بخاطرك

لكن وش سبب اختيارك لهالموقد بالذات ؟
هل تفضل الغاز ذو الاستخدام الواحد او الدبات الزرقاء ؟

[wafi4sa]

ابو كراعين كوفيا Kovea Deluxe Twin Stove عن تجربة رهيب جدا وعملي
وجهه نظري الشخصية

[خليل909]

بيض الله وجيهكم جميعاً . وشاكر لكم الافاده وبالنسبه الصناعة قلبته تقليب ماحصلت عليه دولة الصناعه

[خليل909]

يحكم انه يكون عملي استخدامك له

انت وش تبيه له بالضبط وياليت صور اوضح لشكله كامل

ابيه لعزبة البر بحكم انه ماياخذ مكان ويتسفط وتخبر انت طبخات البر كبسه وشاي وقهوه هذا اكثر شي باستخدمه فيه والصور حالياً ماتتوفر لدي الاهذي

[قناص الوعول]

انا مجرب نفس الي في الصورة الاخيرة شنطة كوفيا عينين لونه اصفر ممتاز جدا ضوه قويه