تم استلام أفضل خيمه

[الديبل1]

السﻻم عليكم ورحمة الله وبركاته
واخيرا تم استلام خيمة الوسم من الاخ بوعبدالعزيز بعد الاتصال عليه وتم الاتفاق على مقاس 4×4 وسعرها 3400 ريال مع المظله وخلال اسبوع تم استلام الخيمة وعليها ضمان لمدة سنه واشكر اﻻخ بوعبدالعزيز

[خشكاري]

الله يبارك لك فيها وعقبال الكشتات الزينه وسعة الصدر بوسطها ...

[فهد33]

وعليكم السلام .. مبروك عليك الخيمة والله شكلها طيبة سعرها غااالي اطرح لك كم صورة لها وعطنا مواصفاتها ايزا بتريد:D

[سليمان الصقر]

اسدح لنا كم صوره لو تكرمت

[wafi4sa]

مبروكة إن شاء الله وفالك الربيع

[الرحال2222]

ياليت صور وتقرير
هل هي نفس جودة القديمة

[kshtat999]

مثل ماقالوالأخوان اسدحلناصور قبل التركيب وبعده واذكرالوزن ونكون شاكرين لك

[راعي طفات]

ياليت تبين وين موقع المحل الجديد

لأنه تم إزالة المحل السابق

وشكراً

[تزبطي]

3400 ....!

مفروشه مكيفه كهرب مدفوع او ﻻ..؟

[aziz295]

الله يبارك لك فيها
عطنا الصور لاهنت

في انتظار خيمتي هالاسبوع من بوعبدالعزيز

رجل محترم وصادق بتعامله

[الاكسجين]

مبروك عليك الخيمة

[الفارس787]

شريتها وبعتها والله ياهي ثقيلة ولايشيلها إلا اثنين ويا الله لا وبعد لازم تسدح مرتبة الاند اللي فالوسط هذا وهي ٣*٣
حبيبي البيرق أربعة في أربعة هي الخيمة اللي تسوى

[المتلولس]

ياليت صور لها ومبروكه ان شاء الله

[دستور الغربية]

ماشاء الله ومنزل السعد إن شاء الله

[سعود الرويضان]

ماشاء الله تبارك الله

الله يعطيك خيرها ويكفيك شرها

[Mohammed5d]

لو ابو عبدالعزيز يصغر حجم الاعمده وهي مسفطه صارت ماعليها كلام

[ناصح]

مبروك عليك الخيمة :)

لكن على أي اساس حكمت أنها أفضل خيمة ..؟َ؟َ!!

لا بد من كلام مقنع

فهي قد تكون أفضل خيمة بالنسبة لك كونها تناسب احتياجاتك

وقد تكون أفضل خيمة بالنسبة للأخرين من إنتاج القاضي أو السنيدي مثلا ..

[الديبل1]

سعرها غالي ﻷن مواد التصنيع جودتها عاليه جدا
انا ما ادري عن القديمه لكن اللي عندي ممتازه جدا
ما وزنتها لكن اثنين يشيلونها تقريبا وزنها 80ك ﻷنها 4×4 مع المظله
المحل ما ادري عن مكانه لكن فى الرس وانا كلمت بوعبدالعزيز وهو شحنها لي الي اﻷحساء
أفضل خيمه من وجهة نظري والناس ﻷن تم عمل مقارنه من قبل من بعض اﻷعضاء
وشكرا للجميع ومرة ثانية أشكر الأخ بوعبدالعزيز

الصور

http://im88.gulfup.com/r6udfA.jpg

أول ما استلمت الخيمه بهذا الشكل

http://im88.gulfup.com/29rka6.jpg

هاذي شنطة الخيمة

http://im88.gulfup.com/0eTVm7.jpg

هاذي الخيمة والمظلة

http://im88.gulfup.com/1BLpNd.jpg

وهاذي الخيمة بعد التركيب في صالة البيت لان الجو برع حر ورطووووبة

الاغراض الموجوده مع الخيمة:
1- كيس الخيمة
2- عدد أربع أوتاد
3- عدد أربع حبال
4- كيس المظلة مع عدد اثنين عامود وحبلين وعدد اثنين أوتاد

[مرابع الربيع]

ماشاء الله مبروك اخي والله يعطيك خيرها .....انا ارا ان السعر مبالغ فيه وحسب كلام الاجوان مادام الوزن ثقيل والحيز كبير تعتبر البيرق هي الافضل علما اتمنى اعرف هل تركيبها ياخذ وقت وجهد ....افضل مافي البيرق سرعة التركيب ..ولاكن يعبها عمود الوسط ..فهل لها مقطع طريقة الفك وتركيب وهل يستطيع شخص واحد تركيبها ..وتحياتي للجميع

[majeeed]

السعر غير غير مبرر غالي جدا

[العطاوي a511]

ثقيله وماتنفع بالحر تولع بوسطها وبالشتاء تجمد خذ خيمه التيربو الاصليه اخف وافضل وارخص بالبرد تمنع دخول الهواء البارد وعن تجربه بالنهار اقسم بالله بعز الشتاء دافيه لدرجه اني افتح الدرايش والبيبان

[ابوراكان تبوك]

الشهاده لله خيامه ماعليها كلام مامر علي بجودتها ودقه تفصيلها الله يوفقه

لها عندي سنتين ما استخدمها الا بالبرد تدورها دوره

[فلة حجاج]

غير عملية كونها ثقيلة جدا وانا اقول لماذا لاتستبدل المواصير بالالمنيوم بدل الحديد وذلك لثقلها الي يكسر الظهر والسيارات مع العزبة والتانكي بتخسر موترك وقطع غيارات مساعدات وغيرها واهل الكشتات يبحثون الى الان خف الخيمة ولاتاخذ حيز بالسيارة وبنفس الوقت عملية بالشتا والصيف والذي معه سيارة حوض يشيلها براحة ولاكن لازال الوزن الةقيل مضرب مثل لها

[ابوحماد06]

سلام عليكم الف الف مبروك اهم شي متجلس في المستودع

[سوبر شل]

ون احصل زيها ؟ وياليت اتواصل مع راعي المحل

[الديبل1]

اكتب فى قوقل جوال بوعبدالعزيز
خيام الوسم

[ابو خالد 1400]

شريتها وبعتها والله ياهي ثقيلة ولايشيلها إلا اثنين ويا الله لا وبعد لازم تسدح مرتبة الاند اللي فالوسط هذا وهي 3*3
حبيبي البيرق أربعة في أربعة هي الخيمة اللي تسوى

سبحان الله نفس رأيي انا اتفق معك

[ناصح]

سعرها غالي ﻷن مواد التصنيع جودتها عاليه جدا
انا ما ادري عن القديمه لكن اللي عندي ممتازه جدا
ما وزنتها لكن اثنين يشيلونها تقريبا وزنها 80ك ﻷنها 4×4 مع المظله


80 كلجم ثقيلة جدا جدا :eek:

أخي الفاضل كما تشاهد الردود

ناس اشتروها وباعوها واشتروا غيرها من ماركات اخرى

وهذا يؤكد كلامي في البداية أن العنوان لم يكن دقيق ;)

[ابوراكان تبوك]

80 كلجم ثقيلة جدا جدا :eek:

أخي الفاضل كما تشاهد الردود

ناس اشتروها وباعوها واشتروا غيرها من ماركات اخرى

وهذا يؤكد كلامي في البداية أن العنوان لم يكن دقيق ;)

فعلا 80 ثقيله جدااااااااااا انا عندي وحده 40 كيلو وابلش فيها في الشيل والحط لكن من ناحيه الجوده تستاهل التعب
ولو اللي عندي وزنها 80 ما اخذتها للرحلات

[االملتاع]

ينطبق عليها المثل الي يقول (( يامن شراء له من حلاله علة))

[أبوسعد111]

الشهاده لله خيامه ماعليها كلام مامر علي بجودتها ودقه تفصيلها الله يوفقه

لها عندي سنتين ما استخدمها الا بالبرد تدورها دواره

صدقت
:good2:

[قناص الصحرآء]

الزين يستاهل

[أبو الوليد 14]

الله يطعمك من خيرها ويكفيك شرها
وياجماعة الرجال شاف الخيمة وجازت له وشراها ، وتعتبر افضل خيمة بالنسبة له شخصيا .
لكن هو بيجربها ويقلبها ، و مع كذا مرة من الاستخدام بيعرف هو شخصيا سلبياتها وايجابياتها ويبينها لنا ان شاء الله
فلا تحسفون اخوكم وادعوله بالبركه .

بالتوفيق

[علي العساف]

ثقيلة جدا ولكن كفكرة وتنفيذ وسرعة بناء وشد رائعه ولكن يعيبها الحجم والثقل

[البحر الأبيض]

الوزن ليس بالأمر المهم لأنه شبه مستحيل أن من يكشت يكون شخص واحد لذا وجود شخصين فأكثر منطقي للرحلات وهنا تمتنع مشكلة الوزن.

لكن أرى أن السعر يقارب خيام الصباح !

[Mohammed5d]

الوزن مثل ماقللوا الاخوان ماراح اطلع لحالي بس المشكله واللي اتمنى ان ابوعبدالعزيز يتابع الموضوع وياخذ بها الحجم نبيها تركب في شنطه الجيوب اللي اصغر من الاند البرداو الفورتشنر

[alsahli]

وعليكم السلام ياليت الصور والمواصفات