طير مقبوض اليوم حول الخرج

[سلطان أبوفهد]

اللي له طير يااخوان ضايع بالخرج او ضواحيها يرسل اوصافه نوعه وطوله وعرضه ولون السبق للتواصل عن طريق الواتساب يااخوان لانشغالي موقعي بالرياض الطير مقبوض حول الخرج 0540440333 اخوكم سلطان وللتأكد رقم الطير بالمستشفى يكون بنفس اسم صاحبة عن طريق الشريحة.

[Naif1]

السلام عليكم ورحمة الله وبركاته
بيض الله وجهك

[علوم الطيب]

شيهانه جبليه سبوقها ابيض وبني

[سلطان أبوفهد]

لا الله يعقله

[محمد بن سلامه]

وكريه سودانيه ،، العرض ١٤ ونص والطول ١٥
سبوقها واحد ابيض كامل والثاني ابيض باخضر
وباقي التفاصيل اذا كانت هي

[وريث الشعر]

حر مثلوث فرخ احمر سبوقه بني بأبيض ولخويي وكريه فرخ وحش سبوقها ابيض

[الشقررردي]

وكريه سودانيه سبوقها سود وذنيباها فيها ثنتين متكسره طول 15 والعرض 14

[ابن نزهان]

الله يجزاك خير ويكثر من أمثالك ولايهونون البقية
بس مو شرط يكون الطير غايدي من الخرج اوضواحيها والطير وانا خوك يسوق انا من الناس غدا لي طير من الشمال وانطرح بعد اسبوع بالكويت والوجيه الفليحه شرواكم صار بيني وبينهم اتصال ورجع الطير
انا حاليا عارض صورة قرناس غادي .. والله يعقله
وآسف على الإطاله

[مسعود الدوسري]

جير ابيض مقاسه 18

[؛ابوطلال؛]

حر فرخ مقاساته 16
وثاني 16.30

كلهن فيهن شرايح باسم واحد من اخويانا

مشعل العتيبي

[راعي العلياا]

فقدان شيهانه فرخه جبليه سوداء 14 مقاس راس النوايف منكسره لون السبوق رصاصي غامق فيها صفره بنفس السبق