صديق لي يطلب استشارتكم

[ابو سيف 123]

مساكم الله بالخير
هذا اطال الله في اعماركم صديق لي طلب مني مشورة في موضوع وهو شراء طير حر اوجير وكلهن صراحه عند واحد يمدحهن ويثني عليهن اما الطير الحر فهو العام خلوي ومورينه حبارى وذابحها والجير يقول انه صايد كروان وحبارى وجناحه طيب.
وكلهن سعرهن 12 الف. انا قدمتله النصيحه وقلتله خذ الحر ابيع واطيب.
وهو الان ينتظر باقي ردود الصقارة

[عابر الموج]

حياك الله ابو سيف كل صقار له رغبة في مايقتنيه من انواع الطيور انا ارغب الحرار الاصايل وفيه من يرغب الجير والتفاريخ وكل نوع يجي منه الطيب والردي لكن الاصيل المجتمع واقصد مجتمع الصقارين يرغبونه لانهم ماخذين عليه ترجع الشغله لرغبت خويك لك تحياتي

[خالد العطااوي]

حياك الله ابو سيف كل صقار له رغبة في مايقتنيه من انواع الطيور انا ارغب الحرار الاصايل وفيه من يرغب الجير والتفاريخ وكل نوع يجي منه الطيب والردي لكن الاصيل المجتمع واقصد مجتمع الصقارين يرغبونه لانهم ماخذين عليه ترجع الشغله لرغبت خويك لك تحياتي


:good::good::good::good:
بالنسبه لي الحرر .. صبور وطيب لكن يتأكد من سبقه
والحر امراضه مو كثيره مثل الجير
الجير مناعته قليله .. والله العالم ..
وبالتوفيق ..

[راعي القراميش]

وش من الجيرات؟
شو نوعه

جير حر و لا جير شاهين و لا جير تبع او ... الخ

[محمد المساعد]

الســـلًام وعَلْيّـــكَم وٍرٍحَمُـــةٌ اللَّــہ ,⚜
(الجير) له صقاره (الحر) له صقاره
(إذا عنده خلفيه لثنتين ) هو يحدد طيره حسب مقناصه الي يبي فيه الي يرغب مقناص الحبارى وفيه الي يرغب مقناص الكراوين بنسبه ( للجير ) طيور طيبه واثبت وجوده ورغبة الصقارين له تزيد ماتنقص لاكن ( فيه شركات وأصناف يعرفها الصقار بالجير) او انه يعرف الطير مع رفيقه ومدهل جاهز وطرده طيب ،،،

أما بنسبه للحر ،،
يعني قيمة ١٢٠٠٠ إذا ماشاف جناحه على الصيده وراعيه ثقه ورجال معروف ؟

خله ينتضر شوي ويزيد شي بصيط وياخذله فرخ وحش لو ريشته عادي
لن مشكلة الحر ماودك تاخذ الي لاعبه به الطبوع ودك ياطير (( معروف )) لونه وصط يا (( خذ فرخ وحش)) ودهله على مزاجك ،،،قيمة ١٢٠٠٠ الف ماهي بصيطه،،،،

[أبومحمد عنيزة]

عليك باللي ماكره ماكر العش
طلعه بعيد وفعل مثله دواهي

[(هزاع)]

كلن ومزاجه
الجيره يا اما انه غاية الطلب ولا ردي مابه وسط بالجيره
والحرار التفاريخ لها مشاكل احدها المكافخ وضعف الريش
والاصايل اصايل لالقت صقار فاهم
والناس فيما يعشقون مذاهب

[Naif1]

السلام عليكم ورحمة الله وبركاته
اتوقع الحر افضل لك

[ابو سيف 123]

بيض الله وجيهكم على الردود والنصح ويبقى الاصيل اصيل
وانتم اصيلين.

[توكار]

ان كان خويك راعي كرواين لايقرب الحر
خله على الجير أحسن واليوم وين الحباري

[مدى البحر]

اعتقد لايوجد اجابة مطلقة على سؤالك فنحن لانعلم عن مدى صقارة راعيها وسبق الطيور وعموما الحر افضل من الجير من نواحي كثيرة ذكرها بعض اخواننا في الردود السابقة وكلام اخونا محمد المساعد صحيح فالفرخ الوحش افضل بكثير بشرط ان تكون عندك خبرة في تدريب الطير وصقارته وتقبل تحياتي

[مدى البحر]

كلن ومزاجه
الجيره يا اما انه غاية الطلب ولا ردي مابه وسط بالجيره
والحرار التفاريخ لها مشاكل احدها المكافخ وضعف الريش
والاصايل اصايل لالقت صقار فاهم
والناس فيما يعشقون مذاهب

كلام من ذهب لايصدر الا من خبير متمكن