وأختي قوافي والغلا شي ضافي.الحل.د/عبدالرحمن السميط رحمه الله.حله.أبو ماجد.كفو

[أم نورة]

صباح الخير للجميع





ناصر وأبوماجد ونجم القوافي = وأخوي عبدالمؤمن وأبوذيبان
مع راعي العجراء صدوقٍ ووافي = وذيب الفقاره وافيٍ مالحد خان
وأبو أسامه نعرفه قلب صافي = وصقر السديرات الذي منزله بان
والحازم وعطري وفهد الفيافي = الكل منهم له مكانه وله شان
وأختي قوافي والغلا شي ضافي = وأختي وصال الحسن لوكان ماكان
لغزي يعرفه كل شخصٍ سنافي = انسان مخلص ماعرف غير الإحسان
للخير يتعب ماعرف قول كافي = وأسْلَم على ايده كم شعوبٍ وبلدان
بنى مساجد والخوافي خوافي = طبع ووزّع بالملايين قرآن
وبنى سدود المي بأرض الجفافي = وزرع مساحاتٍ بها كل الألوان
وتعرّض لعدة كسورٍ ضعافي = وهو يمد الخير لإنسان تعبان
يارب نسألك العفو والعوافي = ياواحدٍ مايلحقك أي نقصان







أختكم أم نوره

خيمة الألغاز منتديات مكشات

[النبهاني]

نجهم للخيمه نبي زين القوافي
لقيناه وفيه خادم الحرمين به زان
يسعد صباحك شاعرتنا
وصح لسانك اختي أم نوره
ولله درك وزادك من فضله

[ابو ماجد 2]

صح لسانك
شاعرة متمكنه
ماشاء الله لميتي الشله كلهم
محاوله
عبدالرحمن السميط رحمه الله


http://upload.wikimedia.org/wikipedia/ar/2/26/%D8%A7%D9%84%D8%B3%D9%85%D9%8A%D8%B7_%D9%81%D9%8A_ %D8%A5%D9%81%D8%B1%D9%8A%D9%82%D9%8A%D8%A7.jpg

[قوافي ( أم نهار )]

السلام عليكم ورحمة الله وبركاته
صبحك الله بالنور والسرور وصح لسانك يالشيخه عالمزيون
اشكرك يالغلا الله يرفع قدرك بالدارين ويدوم عزك ويطول عمرك برضی رب العالمين..
ما شاء الله لا قوة الا بالله ابوماجد ما قصر ومؤيده لرمعته
الشيخ : عبدالرحمن السميط رحمه الله واسكنه فسيح جناته
تحياتي وتقديري واحترامي لشخصكم الكريم

[الحازم2006]

نقول سلطان الخير رحمه الله
الامير سلطان بن عبد العزيز ال سعود

[عطري]

صبحك الله بالنور و السرور

صح لسانك أختنا الفضلة أم نورة

يستاهل الاخوان الاسناد و كل خير.

تسلمين على الاسناد.



لعل الزعيم أبا ماجد صاده.



رحم الله الشيخ عبدالرحمن السميط و غفر له.

[ذيب الفقارة]

إبداع متواصل أختنا

أم نورة

أعتقد إن الزعيم صاده

تحياتي

[راعي البرهـ]

رحم الله الشيخ عبدالرحمن السميط و غفر له.
اللهم اجمعنا به في جنات النعيم

[ابو اسامه 2]

ما شاء الله صح لسانك ملايين يا ام نوره
اجتمع الشمل في هذا اللغز
لله درك وانا مع الزعيم

تحياتي وتقديري

[ناصر العلي]

سلمت ياأم نورة

وصح لسانك

وبيض الله وجهك

والله يغفر ويرحم الشيخ الدكتور عبدالله السميط

مؤيد للزعيم

تحياتي

[صقر السديرات]

صح لسانك
شاعره ومبدعه ومتالقه
جمعتي هؤلاء النخبة غب هذه الرائعة
اجل انه الشيخ الدكتور عبدالرحمن السميط رحمه الله
دمت بخير

[راعي العجراء]

اشكرك ٍام نوره على لم الشمل
في هذه القصيده والملحقه بلغز
وهذا شي غير مستغرب منك
انا قائل من اول في احد الردود بأنك تملكين موهبه في بدع الكلمه
واليوم اشاهد جمال حرفك يتلالا بماء الذهب
وكأني اشاهد راعي العجرا هو ودنانته وهو متراكي على حرف من حروف قصيدتك
صح السانك أم نوره وبارك الله فيك
واعتقد ابوماجد رمعته اصابت الهدف
دمتي بخير ومع السلامه

[أم نورة]

نجهم للخيمه نبي زين القوافي
لقيناه وفيه خادم الحرمين به زان
يسعد صباحك شاعرتنا
وصح لسانك اختي أم نوره
ولله درك وزادك من فضله


صح بدنك أخوي النبهاني

ومشكور على هذا الكلام الطيب

وألف نعم بخادم الحرمين الله يحفظه

لكن اللغز قضى عليه المبدع أبوماجد

[ابوذيبان]

الله الله الله

صح قلبك يالشاعرة ملايييييييييين

بيض الله وجهك يالنشمية جملتي اسمائنا في هذه الفآخرة

ابداع وتألق ورقي ..

الشيخ السميط رحمة الله عليه . وجزاه الله عن الاسلام والمسلمين خير الجزاء

مؤيد للزعيم بلا تردد

بيض الله وجيهكم

0

[أم نورة]

صح لسانك
شاعرة متمكنه
ماشاء الله لميتي الشله كلهم
محاوله
عبدالرحمن السميط رحمه الله


http://upload.wikimedia.org/wikipedia/ar/2/26/%D8%A7%D9%84%D8%B3%D9%85%D9%8A%D8%B7_%D9%81%D9%8A_ %D8%A5%D9%81%D8%B1%D9%8A%D9%82%D9%8A%D8%A7.jpg


صح بدنك أخوي أبوماجد

ويستاهلون الشله كلهم

وكفوووو كفوووو

ماشاءالله عليك جبتها صح

الدكتور عبدالرحمن السميط الله يرحمه

ويرحم موتانا وموتى المسلمين

[أم نورة]

السلام عليكم ورحمة الله وبركاته
صبحك الله بالنور والسرور وصح لسانك يالشيخه عالمزيون
اشكرك يالغلا الله يرفع قدرك بالدارين ويدوم عزك ويطول عمرك برضي رب العالمين..
ما شاء الله لا قوة الا بالله ابوماجد ما قصر ومؤيده لرمعته
الشيخ : عبدالرحمن السميط رحمه الله واسكنه فسيح جناته
تحياتي وتقديري واحترامي لشخصكم الكريم


حياك الله أختي قوافي وصح بدنك

والعفو ياخيتي أنا ماسويت الا الواجب

وتأييدك صحيح ماشاءالله عليك