قهوه بريه للبيع

[Fahad__]

بسم الله الرحمن الرحيم

السلام عليكم ورحمه الله وبركاته

اخواني عندي قهوه بريه درجه اولى
حمس بيت الوالده تحمسها وتضيف معها شيبه ومستكه فقط:good:
كلكم عارفين مميزات القهوه البريه خفيفه على المعده وماتسبب حموضه ويكفي ريحتها لاطبختها

http://store2.up-00.com/2014-08/1409104128511.jpg

http://store2.up-00.com/2014-08/1409104128662.jpg

http://store2.up-00.com/2014-08/1409104128813.jpg
سعر الكيلو 90 ريال محموسه وجاهزه

التوصيل في الرياض عن طريق مندوب
وخارج الرياض عن طريق شركه شحن

للتواصل واتساب 0594408511

والصور اكثر على الانستقرام wildcoffee_

[ابولولو]

ماشاء الله تبارك الله

القهوة البريه طيبه وزينه

بس السعر شوى زايد

نزل السعر وابشر باالخير

الله يرزقك الخير الكثير والوفير

[(هزاع)]

الله يهديك مبالغ بالسعر جدا
البريه اليمنيه (اليمنيه) سعرها محموس ون بغيت بعد تطحنه خمسين ريال للعميل وخمس وخمسين للمشتري العابر
...............
ولايعتبر ذلك من قطع الارزاق كما يظن العامه
وهو من ظمن فتاوى الشيخ ابن عثيمين الله يرحمه
(شرح بلوغ المرام / ج9 / ص 315)
والله يرزقنا ويرزقكم من فضله
وهذا نص الفتوى
قال الشيخ ابن عثيمين في (شرح بلوغ المرام / ج9 / ص315): (لا يجوز للإنسان إذا رأى شخصا غريرا وقف على دكان يسأله عن سلعة فقال له صاحب الدكان قيمتها مئة وهو يدري أن قيمتها خمسون ويسكت، بل الواجب عليه أن يقول لهذا المشتري إن قيمتها في السوق خمسون، ولا يعد ذلك من قطع الرزق كما يظنه بعض العامة).

وزيادة في الفائدة: بل هو تمام النصح للمشتري والبائع، النصح للمشتري حتى لا يغبن، والنصح للبائع بأن يمنعه من الظلم وينكر عليه حتى لا يغش غيره ولا أحدا بعد ذلك، ويكون الناصح هنا ممتثلا لأمر النبي صلى الله عليه وسلم: (انصر أخاك ظالما أو مظلوما).

[محب الجهاد]

الله يرزقك لكن السعر مرتفع بالحيل في السوق من ٤٥الى ٥٥

[المهاجر انا]

نعم الكلام صحيح

[Fahad__]

اخوي هزاع انت تقول من خمسين الئ خمسه و خمسين هذا سعر الكيلو نيه موب محموسه هذا النوع الطيب
اما اللي تقول عنها هذي موبريه وانا اشتريها وتحمسها الوالده وتضيف لها اضافات من مستكه وشيبه ..
والله يستر عليك وانا اخوك..

[ابو خالد 1400]

جزاك الله خير أخ هزاع
وانا اتفق معك على النصح
وعلى السعر يا 50 او حولها
انا شاري منها

[(هزاع)]

اخوي هزاع انت تقول من خمسين الئ خمسه و خمسين هذا سعر الكيلو نيه موب محموسه هذا النوع الطيب
اما اللي تقول عنها هذي موبريه وانا اشتريها وتحمسها الوالده وتضيف لها اضافات من مستكه وشيبه ..
والله يستر عليك وانا اخوك..


يافهد الله يصلح حالك
لولا ان ادارة المنتدى حفظهم الله مانعين ان نكتب عن المحلات دون رسوم اعلان
لكتبت اسم ووصف المحل اللي يبيع البريه الخولانيه يعني اليمنيه %
ومحموسه وعليها مستكه وشيبه ولوتبي يطحنوها ماعندهم مانع
وبالسعر اللي سبق وان قلته
............
انا اشجع الشباب على الترزق
ولكن بحدود المعقول خذ حق التوصيل كا خدمات
اما تدبل السعر وتريد ان نسكت . انت لو تفكرت بهاذا لما جاز لك
اقترح ان تكتب سعر التكلفه وتكتب سعر الخدمات ليكون اوضح للمشتري
الله يرزقك من فضله
تقبل تحياتي وحترامي

[بدران الدوسري]

أخوي هزاع جزاك الله خير على المبادرة الطيبه

لكن الكثير في هذا القسم يترزق بأكثر من دبل السعر ماوقفت على اخونا صاحب الموضوع

فا أتمنى النصح يوصل للجميع لايخص احد


والله يرزقك ياصاحب الموضوع

[الجوال0]

أخوي فهد لوقلت خمسه وخمسين ستين معقوله لكن 90 صعبه

[ناصر]

والله انا اشوف بعض الاغراض صدئه باليه لو تحطها بحراج بن قاسم ماحد التفت لها
تباع هنا بمبالغ ضخمه ... الله يرزق الجميع
لكم كما ذكر الاخ بدران النصح للكل
وفقكم الله

[(هزاع)]

أخوي هزاع جزاك الله خير على المبادرة الطيبه

لكن الكثير في هذا القسم يترزق بأكثر من دبل السعر ماوقفت على اخونا صاحب الموضوع

فا أتمنى النصح يوصل للجميع لايخص احد


والله يرزقك ياصاحب الموضوع

صدقت اخوي بدران
اشوف اسعار مبالغ بها الله يهدي المسلمين
النصيحه والتناصح واجب بين المسلمين
وقد وردة احاديث صحيحه يجب الاخذ بها
وقد ورد افتائات كثيره يجب الاخذ بها لايجب ان نمر امام تعاليم الاسلام دون ان ناخذ بها
والاخوان مشرفي خيام البيع بمنتديات مكشات قايمين بواجبهم والكمال لله

[QUOTE=ناصر;10218747]والله انا اشوف بعض الاغراض صدئه باليه لو تحطها بحراج بن قاسم ماحد التفت لها
تباع هنا بمبالغ ضخمه ... الله يرزق الجميع
لكم كما ذكر الاخ بدران النصح للكل

وفقكم الله[/QUOTE

حياك الله ياناصر
جزاك الله خير ورحم الله والدي ووالديك
للمسلم على المسلم النصيحه

[Fahad__]

جزاك الله خير اخوي هزاع
ابيك ترسلي على الواتس اسم المحل اللي تاخذ منه لان مشاركاتي ماتسمح ارسل رساله خاصه

[خالد 33]

والله ما عرفنا لكم
مره تقولون كل يبيع بخراجه واتركو اللقافه
ومرن ترفعون بيرقها انتم!!!
.
.
اخوي بدران وازيدك:
دبات غاز مصديه تشكل خطر على المستخدم

[خالد 33]

اخوي بدران وازيدك:
دبات غاز مصديه تشكل خطر على المستخدم

[خالد 33]

اخوي بدران وازيدك:
دبات غاز مصديه تشكل خطر على المستخدم