والحل مع قرقعه اللاندكروزر من 98 الى 2007

[fahad-7]

السلام عليكم كيف حالكم يامكشاتيه

ياجماعه الخير لدي لاندكروزر 2001 لما ادعس على عيون القطط وانتم بكرامه احس الموتر متفكك من تحت وقرقعه وتم تغير مساعدات والكفرات ميشلان جديده

[ناصح]

وعليكم السلام ورحمة الله

المشكلة من الكفرات المشلان ناشفة مرة وقاسية

وهي تؤثر على السيارة في المدى البعيد

عموما

القرقعة لا بد منها

لكن إذا زادت تكون الربلات أسفل السيارة ناشفة وخاصة لمن يغسلها بستم كثير

والله يعينك

[fahad-7]

وعليكم السلام ورحمة الله

المشكلة من الكفرات المشلان ناشفة مرة وقاسية

وهي تؤثر على السيارة في المدى البعيد

عموما

القرقعة لا بد منها

لكن إذا زادت تكون الربلات أسفل السيارة ناشفة وخاصة لمن يغسلها بستم كثير

والله يعينك

القرقعه قويه وانا اخوك والموتر احسه مفكك مت تحت

[fahad-7]

وعليكم السلام ورحمة الله

المشكلة من الكفرات المشلان ناشفة مرة وقاسية

وهي تؤثر على السيارة في المدى البعيد

عموما

القرقعة لا بد منها

لكن إذا زادت تكون الربلات أسفل السيارة ناشفة وخاصة لمن يغسلها بستم كثير

والله يعينك

اخي الكريم القرقعه قويه وماهي طبيعيه وش الحل

[راعي الرود]

وعليكم السلام

شيك على تحتي الموتر و خاصه الركب حساسه باللاندكروزر

[fahad-7]

وعليكم السلام

شيك على تحتي الموتر و خاصه الركب حساسه باللاندكروزر

شكرا لمرورك

[sameer_1798]

الله يعينك خسرني فوق 4الاف وراح بعضها وباقي بعضها
غير جميع الجلد اللي تحت

[fahad-7]

الله يعينك خسرني فوق 4الاف وراح بعضها وباقي بعضها
غير جميع الجلد اللي تحت

الله المستعان هذي الي مخوفني اني اوديه واصلح وادفع وزي ماهو الاصوات موجوده شكرا لمرورك والله يعوضك ياخوي

[راعي الرود]

الله المستعان هذي الي مخوفني اني اوديه واصلح وادفع وزي ماهو الاصوات موجوده شكرا لمرورك والله يعوضك ياخوي

شف وانا اخوك اذا بتلاحق تحتي الموتر بتجلس على بساط الفقر قطع بطن اللاندكروزر غاليه بالحيل
عندك الركب فوق وتحت ماتجي لحالها لازم تاخذها مع المقص و الذراع كامل
و سعرها الاربع حول 3000 ريال و هذي أهم شيء ضروري تغيرها اذا جلدها متقطعه ولا تفكر ترهم ولا تاخذ تجاري ,, الركبه ان انفرطت لاقدر الله مصيبه و باقي الامور من جلد و غيرها اشياء بسيطه لا تدقق به كلنا مواترنا تقرقع :D

[hassan-55]

لازم توديه لميزان يفحص اسفل السياره وعشان تطمئن مر كذا ميزان وخذ برأي الاغلبيه

والتشحيم اعتقد مهم انا لا غيرت الزيت دائماً اخلي العامل يشحم اذا يحتاج
ويشيك على كل الزيوت

والله ييسر امرنا وامرك وامر كل مسلم..

[abdulaziz.net]

وين اللي يقولون النيسان يهربد بسرعه ؟

[MSAN]

الحل يا طويل العمر فيه ورشة في الرياض في الصناعية القديمة اسمها (مركز السفريات - بن مرضاح) متخصصة في تربيط السيارات فقط.. يعني ماعندهم شغلة ثانية غير التربيط..


ود لهم السيارة يربطونها كاملة و يغيرون القطع الي تحتاج تغيير من ربلات وجلد ومسامير.. حتى الأبواب والديكورات الداخلية يحشونها اسفنج.. تطلع السيارة من عندهم قطعة وحدة ماتسع فيها الطقة أو صوت تنسيم الهواء أو أي صوت مزعج..

بتختلف عليك السيارة تماما.. أنا مجربهم في اكثر من سيارة.. عز الله شغلهم نظيف ويستاهلون..


بالتوفيق

[ابوراكان تبوك]

99% جلد بودي تأكد منها عند سمكري ولو شفت شكلها جديده تكون مقطوعه من الداخل

لاحظ نهاية البودي هل هو نازل على الشاص ( شوفه من بعد الكفر الخلفي المسافه اللي بين الشاص والبودي لازم يكون البودي مرتفع ولاهو متكي ع الشاص )

جلد البودي للاند الاصليات الحبه حدود 100 ريال وتقريباً 10 جلد او اكثر + شغل اليد حدود 500 ريال ( ممكن تكلفتها كلها 1500ريال )
لكن فيه ناس يركب جلد الفورد ع اللاند افضل نوع موتر كرافت وأصليه والحبه بـ 25ريال اغلب السيارات تتشابه في القطع المهم اللذي يؤدي الغرض ويكون نفس المقاس

[fahad-7]

الحل يا طويل العمر فيه ورشة في الرياض في الصناعية القديمة اسمها (مركز السفريات - بن مرضاح) متخصصة في تربيط السيارات فقط.. يعني ماعندهم شغلة ثانية غير التربيط..


ود لهم السيارة يربطونها كاملة و يغيرون القطع الي تحتاج تغيير من ربلات وجلد ومسامير.. حتى الأبواب والديكورات الداخلية يحشونها اسفنج.. تطلع السيارة من عندهم قطعة وحدة ماتسع فيها الطقة أو صوت تنسيم الهواء أو أي صوت مزعج..

بتختلف عليك السيارة تماما.. أنا مجربهم في اكثر من سيارة.. عز الله شغلهم نظيف ويستاهلون..


بالتوفيق
السلام عليكم ياخوي انا من اهل المدينه واذا الورس تسوى بنقز الرياض انا مربط داخلي كم يكلف اسفل السياره فقط ووش افضل الورش وشكرا جزيلا لك

[fahad-7]

99% جلد بودي تأكد منها عند سمكري ولو شفت شكلها جديده تكون مقطوعه من الداخل

لاحظ نهاية البودي هل هو نازل على الشاص ( شوفه من بعد الكفر الخلفي المسافه اللي بين الشاص والبودي لازم يكون البودي مرتفع ولاهو متكي ع الشاص )

جلد البودي للاند الاصليات الحبه حدود 100 ريال وتقريباً 10 جلد او اكثر + شغل اليد حدود 500 ريال ( ممكن تكلفتها كلها 1500ريال )
لكن فيه ناس يركب جلد الفورد ع اللاند افضل نوع موتر كرافت وأصليه والحبه بـ 25ريال اغلب السيارات تتشابه في القطع المهم اللذي يؤدي الغرض ويكون نفس المقاس

الله يبيض وجهك يالشيخ وان شالله بشوفها في اقرب وقت واغيرها واشكرك واشكر كل الاخوان الي ردو علي

[خالد الشمري20]

السلام عليكم ورحمة الله وبركاتة


مالك الى التربيط

[سقم المعادي 1]

وين اللي يقولون النيسان يهربد بسرعه ؟

الله يرضى عليك و يطامنك بإسمه قل آمين ,, ترفق .....من جاب طاري النيسان ؟
اقرأ الموضوع الرجال كاتب لاندكروزر 2001 ماقال 2014 ..!

ياراعي الموضوع المعذرة

لكن انصحك تروح ميزان العضيب يفحصون لك الموتر كامل عندهم فلبينيين عفاريت لكنهم ياخذون على الفحص مبلغ معين اظن 30 او 50 ريال
ان كان ماعندك مشكله تراهم مزبوطين في الفحص بس لا تشتغل عندهم شغل يدهم غالي

بيكتبون لك وش يحتاج الموتر على ورقه
و رح لقطع الغيار خذ اللي يلزمك و على أقرب ميزان ينفض لك الموتر
و انصحك بميزان اليرموك عندهم ضمان على الشغل و سعرهم معقول مقارنه مع العضيب
او عندك ميزان البلاد بالصناعيه القديمه ممتازين كذلك عمالتهم هنود

[عرب الشمال]

اخوي غير جلد عمود التوازن وجلد مسامير التوازن

[سهيل الوسم]

أخوي فهد

زي ما ذكروا الإخوان من بعض أسباب القرقعه بالسيارة الجلد ومسامير التوازن والأذرعة

لكن الأفضل لك إنك تبدأ بالأسهل

ومن وجهة نظري لازم تفحص جلد المساعدات لأنها أول ما تبدأ تخرب هي بأسباب البر والمطبات

وتغييرها بسيط مره ما يكلفك من 30 إلى 100

[حمودي666]

شيك على مشكوبيات الفحمات او كلبساتها الفحمات الخلفيه مع القمشات
هذي عندي

[درايفر ربع]

السلام عليكم ورحمه الله
جميع ماذكره الاخوان اشياء مهمه وابدأ بالاسهل وكل الامور بسيطه ان شاء الله ..يبيلك سلمك الله تشمر سواعدك الذهبيه وخذ ثلاجه القهوه والشاهي ومعك واحد من ذوي الخبره ولو بسيطه وشوف المكان الهادي بعيد عن الازعاج
(نسيت😅 اقول لك لاتنسى تلبس اقدم قميص عندك عشان تاخذ راحتك تحت الموتر وتسوي زحف تكتيكي من الصدام للصدام 👍) وقفازات تجي بكيس حول 30 حبه وبعشره ريال
وشيك بنفسك على جميع شي اسمه جلده او ربله وتبان المهترأه والمتقطعه والناشفه وشيك ع رباطات السست وقواعد المساعدات والاهم من هذا كله شيال القير اذا ارتخى القير او كرسي القير متقطع صار الموتر مع الوقت كانه موديل 77
والسبب لانه بيخرب وراه عمود الدوران والدبل صلبانها ومسنناتها..وتمرجح مع المطبات الين تحلل صواميل الفلنجات
ومثل ماقال ابو راكان التبوكي جلد البوددي 100٪ مرتخيه المسامير او بعضها وجلد البودي ضروري تتغيير مثلها مثل اي جلد لها عمر افتراضي ولو انها تطول ماتخرب لكن 10سنوات اظن كثير عليها كثر خيرها

[عمري قطر]

اخوي اول شي تشيك عليه
كراسي المكينه والقير
لان هي اسباب القرقعه والربلات
والتويوتا وانا اخوك ما عليه خووف غير القطع وانسى

[fahad-7]

اشكر الرجال الي ردو وساعدوني وراح انفض السياره بأذن الله بس ندور ورشه زينه بالمدينه والي عنده اضافه لايبخل مانستغني عن خبراتكم

[abumohammad7]

بشر انحلت المشكله

[ateeq7]

السلام عليكم شوف ربلات الاستيرنج بوكس و تاكد من الشيالات الامام و الخلف توجد فيها ربلات مهمه لنعومة السيارة في الشوارع الحجريه او عيون القطا و و الشيال ينباع كامل مع ربله و توجد ربل بدون الشيال بس تجاري مش اصلي اذا طلعة ناشفه او مكسورة غيرها و الاصلي سعره فيه بتفرق معاك كانك مطلع السيارة من الوكاله

[الراتشي]

عموما إذا المشكلة جلد البودي فهي لا تؤثر أبدا

[ابوراكان تبوك]

عموما إذا المشكلة جلد البودي فهي لا تؤثر أبدا

تتكسر مواسير الفرامل وتخرب وزنات الابواب ووزنه البودي من واقع تجربه

[ابو حسان الجنوبي]

ماشاء الله تبار الله الشباب ماقصروا كل ادلى بدلوه

ولكن سأذكرك بحاجه بسيطه تكرهك في السيارة الي هي مسامير الكمر تحسك تسوق سيارة في الثمانينات

وعاد انت الله يعينك على اهل الورش كل يطلعلك بعله وان حليتها فعطنا العلم خال الغير يستفيد

تقبل تحياتي ودمت بود