هل في حل للبلف غصب يطلع عن الكمبروسر ولا ارميه

[ALMLKEH]

السلام عليكم تحيه طيبه اخواني
مشكلتي يا اخوان كمبروسر باصي تعطل مره يبرد ومرة يكون حار
رحت لمهندس امين وقال يمكن بلف الكمبروسر وقال روح جيب بلف ورحت سريع اجيب بلف وجيت لقيت الطامه الكبرى

لقيت البلف ملحم بالكمبروسر بسبب يمكن البروده لان الى فهمني المهندس ان مكان البلف بروده وهالسبب الى ما خلا البلف يطلع

وقال كمبروسرك نظيف وشغال بس مشكلتك بلف الان لو انت مستعجل روح جيب كمبروسر جديد

ونقزت جبت كمبروسر جديد نوع ( دنسون ) وركبه وزي الحلاوه وقال خذ حقك يمكن تلاقيله حل

وجلست اتامل بالكمبروسر لعل وعسى الاقي حل وكيف نفك البلف يا مخرطه او ما اعرف كيف

ارجو الحل يا شباب حرام ارمي الكمبروسر وهوا شغال بسبب بلف لازق فيه

صورة من الكمبروسر
http://www.m5zn.com/newuploads/2014/08/28/jpg//19344b0fe1de70d.jpg

[MSAN]

هلا بك

حاول انك تسخن المكان حول البلف وباذن الله راح يطلع معك

أو الأفضل ياطويل العمر انك توديه مخرطة يفكونه..

بالتوفيق

[بوخضب]

مخرطة يطلع 100%

[ابوراكان تبوك]

صحيح الافضل توديه المخرطه

[اسدهم]

وده للمخرطة وقبل لا ترميه علمني اي برهة وش الموتر الي كان راكب علية عشان اخذة

[مسير عليكم]

رح لمخرطه كويسه وريح بالك هذا ينفك بس يبي لك واحد فنان

[ALMLKEH]

تم اصلاح الكمبروسر وتغير البلف وتمام التمام
الى يبغاه للكامري او التريسل او اليارس يكلمني