المساعد الشخصي الرقمي

مشاهدة النسخة كاملة : حايل (( قصيده ))


باترول1
04/12/2006, 01:33 AM
هذه القصيده لوالدي الشاعر علي الخليوي
ارجو ان تحوز على رضاكم




حايل هذه القصيده مسندها للشاعر حسين بن محمد الشمري



حايل




doPoem(0)


وهني ياحسين منهـو بحـد لينـه

منتـو ٍ ديـار منبـوز الـردايـف

فوق جيبٍ من حفيـزه مظهرينـه

وارد النيسان مالمثلـه وصايـف

لونه ابيـض بالخطـوط مجملينـه

من حفيز الجبر مدفـوع الكلايـف

دافعينه كاش ماهو بسـوق دينـه

قاصدين ارض ٍ لنا فيهـا ولايـف

السفـاري للنـفـود مصمميـنـه

لضرب بطن النفود جاك ايتهايـف

تقل ظبـي والقنـوص مطاردينـه

راسي مشيـه الياطـب الحتايـف

حط لينه والعقـارب فـي يمينـه

لمشى يطوي السهل واعلى النوايف

فوقه اغلام عسـى ربـي يعينـه

ضاري ٍ للبرد مع حـر المصايـف

انحدر من النفـود وشـاف عينـه

شاف روس جبال عروس المصايف

حايـل اللـي للطنايـا محتمينـه

كـم عـدو ٍ دونهـا ردوه عايـف



...................
..................

زوبعي ٍ لنتخـى بفعـل الطوايـف

سـاق روحـه للمنايـا ولاتهينـه

الطعون بصـدره العـاري لقايـف

يالسويدي كلمتـك عنـدي ثمينـه

انا حاضر بالمواقف يابـو نايـف






الشاعر

علي الخليوي
هاوي قصيده
04/12/2006, 11:38 PM
صح لسان الشاعر علي الخليوي ...

ونعم والله بكم..

قصيده وافيه ..

وتستاهل حايل ..ديرانا..

عساك عالقوه
برزان الشمال
05/12/2006, 12:05 AM
صح لسانك ولسان قايلها

الله يعطيك العافية على القصيدة .

وحائل تستاهل أكثر.
الماجدي
05/12/2006, 02:39 PM
صح لسانك
قصيدة رائعه