لاهل الترهيم والمراقى مشكلة تقطيع

[عبقري91]

جيب باترول مكينة جمس مشالله الموتر نشيط
بس اذا رقيت طعس. ووصلت شبه اخره يقطع ويطفي
واذا طفي وشفلت يكتم ويطفي وتعتع وادعس بنزين. مايرتفع الضغط ترررررر ويطفي
وافضيه وارجع. واذا وصلت الارض المستويه يشتغل ويرجع نشاطه

واذا كنت امشي بعد مرات يتعتع. كنه بيطفي ثم يصفي
لاكن المشكله. وهو خشمه مرتفع. وعلى طعس
انا فكرت ان البانزين الربع واتوقع هو سبب المشكله
الي مرت عليه الله يجزاه خيره

[الحربي 591]

شكلها طرمبه البنزين فيها بلا
اذا خشم الموتر فوق الطرمبه يمكن دفعها ضعيف او ما يجيها بنزين

[الفيصلْ]

تأكد ان الطرمبه او ماصورتها االموجوده بالتانكي تكون طويله يمكن قصيره وعند ارتفاع الموتر مايمدي الماصوره الي في الطرمبه تسحب بنزين وهذا المشكله يمكن لان الطرمبه مرهمه

[يالبى الهلا]

هذا عيب طرمبة البنزين الفكسار تكون البيب قصيرة خاصتن اذا الموتررررر بة ربع التانكي بنزين مع اللفات العسرة يقطع فمابالك بترقي طعسسسسس وهذا شئ مجرب على اليوكن

[سعود الرويضان]

مثل ما قالوا الاخوان طرمبة بانزين

[كلاش2500]

كان المفروض توضح المكينة كربريتر ولا بخاخ.........عموما اذا كربريتر العلة منه.....اذا بخاخ مثل ماقالولك الشباب......طيب عب فل وشوف يصير تقطيع ولا لا....

[عبقري91]

بعد الحبرشه والتفتيش. حصلة الي الي داخل بصفاية البنزين يهرب تهريب خفيف جدا
والتانكي طلع فيه الربع من التهريب
والاسبوع الجاي بطلع عليه. واجربه.

[هويدي]

كان المفروض توضح المكينة كربريتر ولا بخاخ.........عموما اذا كربريتر العلة منه.....اذا بخاخ مثل ماقالولك الشباب......طيب عب فل وشوف يصير تقطيع ولا لا....


اذا هو كلبليتر احتمال العوامه اللي بتسبده

كان معي جمس صحن 97 اذا صار به ربع التانكي ودست يلعب الانبير واحياناً يقطع

ونا مسوي فاهم كنت احسبه من كبر تانكيه :)

[عبقري91]

فعلن هو كبليتر هولي 850
والامبير يلعب معي
بس الي اتوقعه. ان البنزين هو سبب المشكله
بغير الصفايه. وليها. وبعي فل واشوف

[كلاش2500]

هولى 850 كبير جدا...وش التعديلات اللى على المكينة.....هل الثلاجة شد بلد ولا رياضية.....اتوقع ياعبقرى
انت عندك تشريق جامد.....المكينة غرقانة بنزين......عموما علمنا وش التعديلات اللى على المكينة...والمكينة
350 ولا 454 ....

[5200]

والله انا اتوقع عندك التماس وتاكد من الاسلاك اللي جنب القزوز دايم مع المراقى تلامس القزوز ويسبب المشكله اللي عندك بالتوفيق

[MSAN]

الكربريتر استريت والا اوف-رود..؟؟؟؟؟


فيه كربريترات خاصة للنفود (أوف رود).. لو تقلب الموتر مايطفى ولا يشرق..

وشف تراني حذرتك منه في هالموضوع:
http://www.mekshat.com/vb/showthread.php?t=647905

:)
بالتوفيق

[عبقري91]

الحمدلله طلعت المشكله
كتالي. البنزين اقل من الربع. والي حق الصفايه. الي متجه لطرمبه حقت البنزين فيه تهريب ومع الدعس يبخ زياده للخارج
والحمدلله غيرت الي وشديت عليه
وعبينا فوق النص وكانت التجربه مرضيه جدا
ولكم جزيل الشكر لكل من شارك