عجزت اوزن الخرازة بالدربيل

[ابوعوض اليامي]

السلام عليكم


عندي خرازة برنو 99 وركبت عليها قواعد انجليزية ودربيل سوفت ممتاز

وللاسف عجزت اوزنها على 50 متر

والمشكلة فالبيت صعب تازنها الحوش 20 متر

من جرب منكم الليزر الي يركب في خشم البندق

[ابوراكان تبوك]

اوزن على 50 متر افضل وثبتها على ملزمه

الوزن على 20 متر جاب لي المرض ما ادري ليه لازم يختلف

سعر الليزر 300 ريال وكثيره عليه لكن يريح لاملزمه ولا غيره انا ماجربت لكن وزنت على 50 متر بالتثبيت على ملزه والنتيجه اعطيها 90% ممكن الخطأ مني

انتظر الشباب يفيدوك اكثر مني وحتى استفيد معك:)

موووووووفق

[ابوعوض اليامي]

اوزن على 50 متر افضل وثبتها على ملزمه

الوزن على 20 متر جاب لي المرض ما ادري ليه لازم يختلف

سعر الليزر 300 ريال وكثيره عليه لكن يريح لاملزمه ولا غيره انا ماجربت لكن وزنت على 50 متر بالتثبيت على ملزه والنتيجه اعطيها 90% ممكن الخطأ مني

انتظر الشباب يفيدوك اكثر مني وحتى استفيد معك:)

موووووووفق

بيض الله وجهك المشكلة ملزمة عندي بس يبي لها قاعدة وحقين ذالمناجر يدبلون الكبد كل ماجيت عند نجار قال 150 ثم تناشبت معه:D

[ابوعوض اليامي]

وين اهل العرف

[راشد7]

أول خطوه .... تتأكد من سلامة الصبطانه .... ونوع الرصاص هل هو من الممتاز أوالرديء...
س / كيف تتأكد
ج/ تقوم بتثبيت البندق في أتجاه الهدف (قطعة مستطيله من الكرتون او اوا و) على بعد 15 مت المهم في هالخطوه إن البندق لاتتحرك ولا 1 ملي
وبعدها ترمي 5 مرات ............ وتشوف هل كل رمي تجي براس الثانيه .... حتى تتأكد إن البندق سليمه والرصاص جيد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
؟؟؟؟؟
ومن ثم نكمل بعد التجربه.

[ابوعوض اليامي]

مايحتاج سبطانتها طيبه يالغالي وقد جربتها ورميها على النيشان صواب لكن الدربيل دبل كبدي

[اي-مكشات]

انا بعطيك تجربتي مع دربيل بوشنل مركبه على خرازه سوبر برنو (جاكوار):
اتبع الخطوات التاليه:
1- تأكد أن الدربيل مركب على الخرازه بشكل صحيح وثابت
2- انا أستخدم فشق من زمان ماغيرت عنه اللي هو الماني أو مكسيكي وكلها في الوزن حول بعض
3- حطيت كرتون كبر شاشة التلفزيون 17 بوصه وفي الوسط دائره بحجم علبة البيبسي تقريبا (المسافه 100 متر)
4- قريت الكاتلوج حق الدربيل وحصلت معلومه تقول أن كل تكه يقابلها نصف سنتمتر مثلا لو بتحرك 3 سم تحتاج 6 تكات وهذا
5- اركز على شئ ثابت وإبدأ الرمي على الدائره الي في داخل الكرتون اول شئ اوزن اليسار واليمين ثم اوزن الإرتفاع والإنخفاض (مثلا رميت اول طلقه وكانت في طرف الكرتون اليسار وتبعد عن مركز الدائره 5 سم تحركها يمين 10 تكات لين تصير الطلقه في وسط الدائره بعد كذا تشوف الإرتفاع والإنخفاض بنفس الطريقه.
6- وترى اذا وزنت على هدف كبير وجات في نصف الهدف ترى لو رميت هدف صغير بتجي في النصف تماما .مثلا لو وزنتها على الدائره اللي في وسط الكرتون ثم رميت بعدها غطااء علبة الصحه تراها بتصير في الوسط تماما.
7- اذا جيت ترمي انت تقدر المسافه اذا اعلى من 100 متر ترفع لها شوي واذا أقل من 100 تطمن شوي حسب الفرق.
8- الأهداف القريبه جدا حول 3 أو 4 أمتار ترى الرمي يطمن دائما في كل أنواع البنادق.

[ابوعوض اليامي]

بيض الله وجيهكم جميع

الظاهر ماعنا وعن الملزمة

[تزبطي]

طيب الحل بسيط ارم بدون دربيل

[هيوماكس]

بالنسبة لي أنا اذا جيت أوزن الخرازة احطها على باب السيارة واحشرها على المرايه يعني تثبت بالقوة :)
مايحتاج ملزمه او غيرها
كل واحد وله طريقته بس أنا أنصحك بالطريقة السهلة بدون مصاريف دراهم

[ابوتركي1010]

اخوي تبي توزن الدربيل خذلك كرتون ورسم عليه خط طولي بقلم رفيع حق الخطاطين وخل خط الطول الي في الدربيل عليه ورم حتى تصيب الخط اهم شي تكون الطلقه على الخط الي رسمته اما فوق تحت امرها سهل جدا ولا تخسر نفسك في الملزمه اركب سيارتك ورم من عاير السيارة افضلك من الملزمة مية مرة من زمان وهاذي طريقتي في وزن الدربيل

[ابوعوض اليامي]

كلامكم صحيح وانا طريقتي هي رسم الخط الطولي ثم اوزن عليه ثم الخط العرضي واوزن عليه لكن لا صار المسافة 50 متر يصير فيها صعوبة شوي

[ابوتركي1010]

كلامكم صحيح وانا طريقتي هي رسم الخط الطولي ثم اوزن عليه ثم الخط العرضي واوزن عليه لكن لا صار المسافة 50 متر يصير فيها صعوبة شوي

صدقني راح تتعود علي المسافات البعيده وراح تتقنها اهم شي الممارسه على القنص البعيد

[ابوعوض اليامي]

صدقني راح تتعود علي المسافات البعيده وراح تتقنها اهم شي الممارسه على القنص البعيد


بيض الله وجهك يابوتركي وان شاء الله بنزل اليوم او بكرة طريقة وزن ممتازة سبقني بها الاخوان ولكن ان شاء الله تفيد الجميع ورح اذكر لكم نتيجتها

[قناص الوعول]

استخدم قواعد دربيل طامنه قصيرة العشان ما يفرق كثير بالمسافات ويزبط الدربيل معك

[ابوعوض اليامي]

استخدم قواعد دربيل طامنه قصيرة العشان ما يفرق كثير بالمسافات ويزبط الدربيل معك


مركب انجليزية يالغالي واتوقع انها طامنه