ياخيمةٍ برجالها مع حريمه ...الحل..نكبة البرامكة..حله.النبهاني.كفو

[ابو ماجد 2]

بسم الله الرحمن الرحبم

السلام عليكم ورحمة الله وبركاته


ياخيمةٍ برجالها مع حريمه= فيهم تبوَّت قمة الهملايا
مابينهم تلقى العلاقه حميمه =مزحٍ وجدٍ ماتدشه رزايا
اليارمعوا اعتى الغطاوي عديمه= وليابدعوا تاتي شموخ البنايا
ونا غطاتي والهقاوي هليمه=حتى ولو دبلت فيها العبايا
لغزي عن اللي يالدواهي قديمه=في وقتنا الها تكرر حلايا
بس منشدي ياتي نسبها وسيمه=سوت مابين اخوان سو السوايا
تنسب لمن صارت عليهم وخيمه=تنسب لجمعٍ صاروا الها ضحايا
احْدٍ يراها حق وَحْدٍ ظليمه=والله عليمٍ يافتى بالنوايا
تنسب على اللي ماخفى للفهيمه=اليالعبت الحرف تكشف غطايا
في بادي اربع عكسها لو تقيمه=برض اليمن لمت كثير الحيايا
واتلى ثلاثه من نطقها سليمه= في ارضنا لمت كثير البرايا



في ارضنا اعني السعوديه

مع تحيات ابو ماجد

منتديات مكشات . خيمة الالغاز

[ابو ماجد 2]

يالربع تسعين مشاهده مافيه ولا واحد سجل على الاقل حضور
وشويبكم متكلف وحاطكم فوق جبال الهملايا وانتم تستاهلون
بس لاتخلونه لحاله يستاحش سجلوا لو مرور

[النبهاني]

وعليكم السلام
صح لسانك يازعيم
محاوله
برامكه
مارب
مكه

[ابو ماجد 2]

وعليكم السلام

صح لسانك يازعيم
محاوله
برامكه
مارب
مكه


ههههههههههههههههههههههه
ياليتنا من حجنا سالمينا

ياليتنا من هرجنا سالمينا= كان المرامع صوب لغزي وريدات
قلنا ياعل عضوٍ يسير علينا=وجانا الذي عادته دك الصعيبات
دكتور لو يفضي غدينا غدينا =تلقى الغطاوي كل ابوهن صريعات
اللغز لو هو بالعبايا دفينا=كِنِّي بعينه تخترق للعبايات
اثرك يابو سالم ماتنتحارش
يادكتور غير متفرغ
كفو ولله درك وبيض الله وجهك
وما فيك حيله اذا حطيت اللغز ببالك
كفوووووووووووووووووو كفوووووووووووووووووووووووووووووووووو كفووووووووو
كفوووووووووووووووووووووو كفووووووو
كفووووووووووووووووو
نعم
نكبة البرامكه

لغزي عن اللي يالدواهي قديمه=في وقتنا الها تكرر حلايا
نكبة البرامكه قديمه والنكبات مازالت تتكرر
بس منشدي ياتي نسبها وسيمه=سوت مابين اخوان سو السوايا
يميزها نسبها والبرامكه منهم اب لهارون الرشيد من الرضاعه واخوان
تنسب لمن صارت عليهم وخيمه=تنسب لجمعٍ صاروا الها ضحايا
تنسب للبرامكه وهم ضحيتها
احْدٍ يراها حق وَحْدٍ ظليمه=والله عليمٍ يافتى بالنوايا
تعددت المسببات احد يتهمهم بنشر المجوسيه واحد يرى انها مجرد وشايات حساد لمكانتهم
تنسب على اللي ماخفى للفهيمه=اليالعبت الحرف تكشف غطايا
نعم مع لعبة الحرف تبان للفهيمه والدكاتره غير المتفرغين
في بادي اربع عكسها لو تقيمه=برض اليمن لمت كثير الحيايا
برامكه عكس اربع حروف الاولى مارب
واتلى ثلاثه من نطقها سليمه= في ارضنا لمت كثير البرايا
برامكه اتلى ثلاثه مكه
صح لسانك مرة اخرى وتستاهل كل كلمة مديح على هالرمعه

[abdulaziz.net]

صح لساانك يابو ماجد



وكفوو يالنبهاني ماشاء الله

[ابو اسامه 2]

صح لسانك يابو ماجد
وبيض الله وجهك
لغز قمه في الروعه
وكفو يالنبهاني قتلته في المهد ماشاء الله عليك
تحياتي

[ابو ماجد 2]

صح لساانك يابو ماجد



وكفوو يالنبهاني ماشاء الله









صح بدنك شاعرنا
ودكتورنا غير المتفرغ بستاهل الكفو

[ابو ماجد 2]

صح لسانك يابو ماجد
وبيض الله وجهك
لغز قمه في الروعه
وكفو يالنبهاني قتلته في المهد ماشاء الله عليك
تحياتي



هلا بالمذهل
هلا بجابر عثرات الشيبان
القمه والروعه تواصلك يالغالي
والنبهاني يستاهل الكفو
ولكني ابشكييه عليك
ياخيي انا سميت فلان وفلان باسماء ارى انها تليق بهم
ومن بينهم النبهاني لقبته بالدكتور غير المتفرغ ولكنه مايبيني اقولها له وهو يستاهلها وانت والربع عندكم الحكم فيها

[عبدالمؤمن]

صح لسانك يازعيم
وكفو ابوسالم
واعذرنا يابوماجد انا معك بانه الأولى تسجيل الحظور
على الأقل اذا تعذر الرمع

[صقر السديرات]

صح لسانك مليارات على ها الفصيدة الشامخة
وكفو يا ابو سالم
دمت بخير

[أم نورة]

صح لسانك أخوي أبوماجد

وعسى الله يعطيك الصحة والعافية

وأنا والله كنت متواجده أول مانزلت هذا اللغز الطيب وهالأبيات الجزلة

وكتبت رد لكن انفصل الشبك وأنا أكتب ومالله قسم سبحانه

المعذرة يابوماجد

وصح لسانك دكتورنا النبهاني وماشاءالله عليك

[ابو ماجد 2]

صح لسانك يازعيم
وكفو ابوسالم
واعذرنا يابوماجد انا معك بانه الأولى تسجيل الحظور
على الأقل اذا تعذر الرمع

صح بدنك يالمرعب
والله ان الخصله هذي فيني امر اللغز وقليل اسجل حضور وكل ماقلت ابتخلص منها اعود اليها
فصاحب اللغز لم يعرضه الا ليطلع عليه فلان وفلان وتسجيل الحضور بستشعر مرور اللغز عليهم

[ابو ماجد 2]

صح لسانك مليارات على ها الفصيدة الشامخة
وكفو يا ابو سالم
دمت بخير

هلا بمشرفنا ومحافظنا ومبدعنا
صح بدنك وابو سالم يستاهل الكفو

[ابو ماجد 2]

صح لسانك أخوي أبوماجد

وعسى الله يعطيك الصحة والعافية

وأنا والله كنت متواجده أول مانزلت هذا اللغز الطيب وهالأبيات الجزلة

وكتبت رد لكن انفصل الشبك وأنا أكتب ومالله قسم سبحانه

المعذرة يابوماجد

وصح لسانك دكتورنا النبهاني وماشاءالله عليك

هلا بشاعرتنا ومبدعتنا
صح بدنك
ومن ناحية تسجيل المرور انا اشهد انك ممن تسجل مرورعلى اللغز اللي تمرينه
حتى انكي تسجلين المرور ثم اجد الرمعه وما بينهما الا دقائق
انا اقول الكلام وانا اول المقصرين فيه

[ذيب الفقارة]

كفووووووووووو كفوووووووووو كفووووووووووو

أخي الغالي

أبو سالم

الحل هو كما ذكرت :

نكبة البرامكة

وصح لسانك ملايين فارسنا

أبو ماجد

تحياتي