يااخوان احترت بين الخرازه والشوزن

[ابوحزااااااام]

السلام عليكم
ناوي ان شاء الله اشتري سلاح صيد واحترت بين الخرازه والشوزن
فكرت في الشوزن بس ماعاد فيه صيد بالاجوال بس اشوف اخويانا في مكشات
كل اسلحتهم شوازن وميحت صوب الخرازه لقيت اسعارها غاليه وانا في رايي الخاص
اني بشتري خرازه بنسبة70% والشوزن بنسبة 30%
لكن المثل يقول ماخاب من استشار

[الطبيب]

الخرازه أوفق من الشوزن..

للصيد وللوناسه .. ولتعلم الرمايه .. وتوفر الفشق ورخصه ..

هذا رايي الخاص

هذا والله أعلم
والسلام ختام

[Jedolana]

وعليكم السلام

على حسب صيدك وانا اخوك
الخرازه مناسبه لصيد القمري و الحجل والشنير والوبر الخ بختصار للطيور و الثديات ويعجبك ترمي من مسافات
بس خطيره في اماكن التجمع لانها تسوق

الخرازه من وجهت نظري مناسبه للصيد في الجبال او القرب منها


والشوزن للجوال والطيار مثل القمري والبط والرهو وفي ناس ترمي فيها الوبر والشنير والحجل بس الازم يجلسون له ويكون قريب منهم

ومن وجهت نظري مناسبه لصيد الساحل

فشق الشوزن العلبه من 180 الى 230 تقريبا 25
حبه وعلى حسب النوع

فشق الخرازه من 150 الى 300 تقريبا على حسب النوع فيها 50 حبه
يعني متوسط سعر صندوق الشوزن 3500 ومتوسط سعر الثوب 1800
والله يوفقك

[aljubail]

على حسب صيدك

واذا تبيها لصيد الطيور الشوزن افضل والقمري والفري الهوائيه افضل واوفر وللجول الشوزن

[مطر وسم]

من ناحيتي ان افضل الشوزن لعدة اسباب

1- ان صيدتك ماتفوت بالشوزن لان الفشقه تنثر بكل اتجاه
2- ترميها بالخرازه ممكن ماتصوبها لان رصاصتها نفس رصاصة المسدس ماتنثر
3- الخرازه خطيره ممكن رصاصتها تضرب بغصن او صخره وتغير اتجاهها وتسوق لناس جالسين وتذبح واحد منهم لاننا سمعنا قصص كثيره عن خطورة الخرازه

الخرازه تنفع فقط للوبر و الغزلان والضبان

تحياتي لكم

[ابوعوض اليامي]

والله وانا اخوك احترت مثلك وشريت لي خرازة برنو جديدة وكاني ودي بالشوزن لكني احب الرماية من بعيد الشوزن تخلف الشخص في الرمي وتعوده على الرماية السهلة ،، هذا من وجهة نظري

وعيب الخرازة انها تسوق وتخاف تصيب لك احد

[ابوتركي1010]

انا راي تاخذ الخرازة وشوزن تركية مستخدمه توفي بلغرض واذا ما تقدر على الثنتين خذ خرازة والشوزن امرها سهل تاخذها بعدين

[متولع البر]

خذ لك شوزن ام خمس للارانب والوبران والقهد والكرك والاجوال الخ
وخذ معها ساكتون هوائيه ديانا ٣٥٠ تغنيك عن الخرازه بحول الله لصيد الطيور وغيره
وفقك الله

[المداوي2]

يا ابو حزاام تبي العلم خذ شوزن وقطع بصلك

[ابوحزااااااام]

كفيتو ووفيتو الله لايهينكم بس طلعتو لي خيار ثالث وهو الهوائيه
بس ماعلمي بالهوائيه الا قبل 25سنه مدري تطورت ولاعادها
اللي انا خابر باختصار هل تنفع للقمري او للضبان وكم مسافتها
القاتله ان كانه بتقدر في الضب عزالله بشتريها ووش احسن نوع من ناحية السوق

[ابوحزااااااام]

تابعت مواضيع الهوائيه وبعد ماشفت خراباتها ورداها صرفت الراي عنها
بالنسبه للخرازات سمعت العام انهم بيسمحون لمحلات الرمايه يبيعونها
مدري صحيح ولالا مدري بحصل عندهم عزمت على الخرازه وابي فزعتكم

[ناصر 1405]

لهم 5 سنين وهم يقولون يبون يبيعونها بالمحلات وكذب في كذب خذ لك خرازه من واقع تجربه اصرف لك واوفر بالفشق والله يوفقك !

[محمد ابن عيد]

حياك الله ي الغالي
ع حسب صيدك علمنا وش صيدك عشان نفيدك
لكن ان كان صيدك طيور فلا نتعداء الشون هي دواء
و الله ييسـر امرك

[الهدد الاشهب]

خذ هوائيه للطيور فايروخ 85
ممتازة جداً و ترا اداء الهوائيه يفرق معك اذا اخترت نوع الفشق الزين
و خذ معها خرازة للضبان و الارانب

[ابوحزااااااام]

حياك الله ي الغالي
ع حسب صيدك علمنا وش صيدك عشان نفيدك
لكن ان كان صيدك طيور فلا نتعداء الشون هي دواء
و الله ييسـر امرك


ماعندنا الا القميري والضبان
وعلف الطيور ذبحونا اهل المحلات الجوز25و30 بنتصيد حمام المزارع اوفر

[ابوحزااااااام]

استخرت وعزمت على الخرازه دعوتكم احصل وحده طيبه بسعر معقول

[ابوراكان تبوك]

الخرازه سلاح لاتمل منه


موووووووووووفق

[المتلولس]

خذلك شوزن وهوائيه افضل من الخرازة

[موردالهيب]

من رأيي تاخذ شوزن لأن الخرازه مثل ما قالوا الاخوان انها خطره وحتى استخدامها قليل وانا اعرف رجال شرواكم يستخدمون الشوزل اكثر من الخرازه وحتى انا استخدامي للخرازه قليل واكثر استخدامي للشوزن

[الهوى جنوبي]

حدد صيدك
تعرف سلاحك

[ابوحزااااااام]

صيدي قميري وضبان

[عقل]

صيدي قميري وضبان




شوزن متععدت الاغراض

[الهوى جنوبي]

صيدي قميري وضبان

شوزن للقميري والضبان تغنيك الهوائيه

[امير بلااماره]

السلام عليكم
اخوي كل النوعين ممتازه لكن السوجن ام اللحم ماترجع الى صايد وفايد شوري عليك خذ سوجن وسكتون هوائيه عليها دربيل
ولك الخيار