افضل البراقع والدسوس

[اابن فهيد]

مساكم الله بالخير يالربع
وش حالكم عساكم ابخير

اما بعد ......
يالنشاما انا ناوي اروح لمعرض الصيد والفروسيه في ابوظبي
وابا اشتري افظل البراقع وافظل الدسوس
وش افظل نوع براقع على الاطلاق ونفس الشي وش افظل نوع دسوس على الاطلاق نوع الدس والشركه المصنعه والديره المستورد منها تنصحوني فيه

وسلامتكم

[(هزاع)]

السلام عليكم ورحمة الله وبركاته
اتمنا من الجميع الالتزام بسلام المسلمين (سنه)

[القصير111]

عليكم السلام ورحمة الله وبركاته
وجزاك الله خير أخوي ابومشعل وبيض الله وجهك ع التنبيه

أخي ابن فهيد
أنا من رأيي ان كل واحد يشوف من الدسوس اللي يناسبه
أما البراقع أهم شي البرقع يكون لين ومايلحق عين الطير ويروبج منه الطير ولايكون يجرحه قريب المنخر
يعني تشتري البرقع اللي يناسب طيرك

وفالك التوفيق

[(هزاع)]

عليكم السلام ورحمة الله وبركاته
وجزاك الله خير أخوي ابومشعل وبيض الله وجهك ع التنبيه

أخي ابن فهيد
أنا من رأيي ان كل واحد يشوف من الدسوس اللي يناسبه
أما البراقع أهم شي البرقع يكون لين ومايلحق عين الطير ويروبج منه الطير ولايكون يجرحه قريب المنخر
يعني تشتري البرقع اللي يناسب طيرك

وفالك التوفيق

جزاك الله خير يالنشمي
مازيد على كلامك
وافضل بعد الدس اللي ينغسل بالماء(مايتأثر بالغسيل)
لان الدس معرض للاتساخ ويجلب الحساسيه للصقار

[fdfd_2002]

افضل الدسوس اسمكها
افضل البراقع ...... يكون حجمه مناسب للطير وفيه نوع يجي قماش من داخل هذا افضل البراقع واغلاها
غير موجود عندنا بالسعوديه

[Naif1]

السلام عليكم ورحمة الله وبركاته
الله يوفقك ويستر عليك
المعرض الدولي للصيد كبير وكل شي موجود طب وتنقا.
ترا المعرض مكان جميل جداً.
انا شاء الله تعالى نشوفك
شكراً

[االدغيلبي]

السلام عليكم

الدسوس جربت منها الصناعه السوريه وتفي بالغرض هذا والله أعلم.

[سطام ابو سعود]

اما الدسوس جربتها قبل العام والعام لايعلى عليها قمه وهي طال عمرك لونها اسود جلد ومن براء تغسله بماء ولا يخرب ولا يابس مثل بعض الدسوس من يجيه ماء او طفل يابس هذاء ممتاز جدااا اما البراقع برياض الباكستانيات افضل وبتوفيق ان شاء لله