وزنية القير مكينة يماها 85

[صياد الرأس]

السﻻم عليكم..مساكم الله بكل خير. من لدية خبرة ...القير لما اعشق الى الخلف يعلق تك تك تك تك وﻻيعشق قيل لي يبغالة وزنية ..كيف اوزنه خصوصا بعض المكنيكين او المهندسن يومهم سنه ويتشرط عشان يجي ..قلت الجاء بعد الله الى اخواني الفضﻻء يفيدوني من علمهم او خبرتهم ..فماذا افعل جزيتم خيرا .....والسﻻم عليكم

[JANNAHRM]

متابع لانه عندي نفس المشكلة

[محبوب جده]

عليكم السلام

طبعا توجد عدة خطوات لمعرفه السبب وتتلخص فيما يلي :-


1- كيبل التعشيق( وطريقة الفحص بفصل الكيبل من المكينه والتعشيق للخلف اذا وصل لنقطه التعشيق وضعك في السليم )


2-الرمان بلي والسسته تحت رأس المكينه او البلوكه او البورهد واصله مع عامود التعشيق او النيل وهذا اكثر المشاكل منه ويفضل انك تفصل الجربكس
عن المكينه قـبل لا تبداء في هذي الخطوة ( طريقة الفحص بعد ما تفصل الكيبل تحاول تعشق المكينه وذلك بدف وصلة التعشيق للخلف اذا وصلت لاخر نقطه
معناتها الوصله شغاله تمام اذا ما وصلت تكون المشكله في الرمان او النيل )


أذا رفض التعشيق لا تضربه بقوه شوف من الجهه اليمنى للمكينه من جهة الكربريترات تحت طرمبة البنزين وخذ حبه 14 تلقى صاموله تحت البور هد واصله في التعشيق اريخها شوي
وجرب اذا عشق نعرف المشكله منها ويبغالك تاخذ لك سسته ورمان قيمتها كلها 13 ريال واذا ما تبي وودك تلغيها فك الصاموله وحطها مع الرصاص تنفع تجلب فيها عواري :D
بس اوزن الكيبل تمام على Nعشان لا يقرقر معاك الجربكس



3- النيل او عامود التعشيق الموجود في الجربكس قد يكون مائل وما يخلي الجربكس من اسفل يعشق (طريقه فحصه بأنك تفك الجربكس
وتعشق المكينه من فوق وتشوف حركته اثناء تعشيق لخلف والامام وانا استعبد ان المشكله منه دام المكينه تعشق قدام )


4- ممكن يكون مشكله في ترس الريوس اذا كل ما تقدم كله سليم وطريقة فرط الجربكس موجوده المهندس عبدالله ما قصر
تحياتي لكم

[صياد الرأس]

اخي محبوب جده.
جزيت خيرا...على ما ادليت به...الله يوفقك ويسعدك