تغيير زيت قير الفتك

[الصخري]

السلام عليكم ورحمه الله وبركاته
اسعدالله اوقاتكم بكل خير وبركه.
اخواني عندي سوال محيرني وهو تغيير زيت قير الفتك تماتيك فيه ناس تقول ما يتغير وفيه ناس تقول انه يتغير .
السوال الذي اتمنى ان اجد جوابه من اهل الخبره هل يغير زيت قير الفتك او لا
واذا كان يتغير وين احسن ورشه تغير الزيت بالقصيم او بالرياض كذلك وش رايكم بمراكز ون ستوب يقولون انه متخصصه بالنيسان هل ادخله عندهم او الافضل ان ادخله على الوكاله بالرغم اني ما رحت لهم خفت انهم يقولون نغيره وهو ما يتغير وبعدين يسحبون مني مبلغ على الفاضي ومثلكم عارفين الوكالات ومحلات تغيير الزيرت هذي الايام انواع النصب .
ارجو التكرم من اهل الخبره بالافاده ولكم جزيل الشكر والعرفان
واسف على الاطاله

[نديم الخيال]

انا معي فتك 2009 وكل 80 الف اغيره عند ورشة الثنيان بصناعية مخرج 18 بالرياض
والزيت لازم يتغير

[ابو فهد...]

لازم يغير بس الفتك مايغير زيته الا عند الوكاله او محل متخصص وزيته تراه غويلي
القير العادي الي الناس مختلفين فيه يغير او لا
اما التماتيك لابد يغير

على حسب استخدامك بس بين ٦٠ الى ٨٠ الف

[فتك08]

لو الزيت مايتغير كان ماحطوا له صرة تفريغ
و حسب كتالوجات جميع السيارات يتغير
لكن متى مايتغير..او يتغير و ينتج مشكلة؟
اذا الموتر مثلا متجاوز250الف او اقل او اكثر حسب ظروف الاستخدام خصوصا
اذا كان شاق و باجواء حارة ولا عمره تغير و تغيره فجأة مصيبة
ون ستوب تابع للحمراني و يغيرونه لكن خلهم الحمراني مولي و مودع
افضل انك تروح لاحد الورش المختصة بالنياسين و بتحصل الزيت موجود

[الصخري]

ربي يعطيكم الف عافيه يا اخوان وبيض الله وجيهكم

[aeyashi]

انا غيرته قبل سنه تقريبا بس انتبه الزيت خاص حق القير الاوتماتيك لأنه كان اول ماينباع الا في الشركه والان الحمراني مودع تحصله عند اصحاب قطع الغيار وبحاول ارفقلك صوره

[aeyashi]

https://encrypted-tbn0.gstatic.com/images?q=tbn:ANd9GcSEcRsMvgG2pNYgstk8FBDTQFhx0S3dO F6cqpo8LIvwiwwThbZg

[aeyashi]

هذه صورة الزيت خذ من البرميل حوالي 6لتر ينباع بالتر

[فتك08]

النوعية matic J

[الصخري]

بيض الله وجيهكم وجزاكم الله الف خير على التوضيح عزالله انكم ماقصرتو

[سموو الروح]

الوكيل العيسى
اذا انت بالرياض شف مخرج
18 مركز الصيانه حقهم مر عليه
الحمراني خلاص المفروض مايجي
له طاري بوجود العيسى انتهى زمن الحمراني

[غدر الزمن]

اخر سيارتين امتلكتها من فئه سيدان

1- كابرس اول ماشتريتها غيرت زيت وفلتر القير وكرفتها 5 سنوات ماغير ازيده بس

وبعتها وهي بكامل عافيتها

2 مرسيدس بنز وارد اليابان كرفتها 10 سنوات ماغيرت زيت قير ابد وزيت المكينه اغيره

كل سنه على الاقل وبدون تغيير سيفون والله وبعتها وهي بكامل جمالها ورونقها

وبشكل عام جميع السيارات اللي استخدمتها ماذكر فكرت ولو مره اني اغير زيت الدفرنش

اخيرا::: شر البليه مايضحك