يا اراعين الاستروكر

[نسر العرب]

سلام عليكم ورحمه الله اخواني الاعزاء

ابي اسال عن الاستروكر 416 على ماكينة 6لتر
كم يزيد أحصنة
وهل ينفع للخطوط الطويل اي السفر
ودمتم شاكرين

[ابو فهد...]

ايه ينفع اهم شي الكام لايصير كبير

[يآسر]

بالنسبه لى ما اظمن امسك خطوط طويله بسياره امريكيه وهي بلد فمابالك تكون مكينه معدله ،

ستروكر يعني ظغط مكينه قوي يعني حراره ،

ايه بتمشيك رحله رحلتين بالكثير بعده احفظ ارقام السطحات والله يعينك ،،،

من وجهة نظري ٦ لتر ممكن تفيدك اذا مخصصه لتتطعيس وتكون فيه سياره ثانيه تسحبك اعطاله كثيرة وباي وقت ،

[1824]

سيارات الاستروكر لا تصلح للسفريات وغيره لانها ذات صرفية عالية وازعاج وهي لاستعمال السباق والتطعيس وغيره فقط اي الاستعمال الموقت وليس اليومي بالتوفيق لك

[MSAN]

هلا بك..

قد ركبنا الـ 402 (6.6لتر) على جمس صالون قير تماتيك أربع تعاشيق و روس وثلاجة وكام.. طبعا السلندر 6 لتر حديد مكينة جمس

طلع ع الكفر 480 حصان ماشاء الله تبارك الله (لاحظ انه جمس صالون ثقيل وطويل وقيره داااااج أربع تعاشيق).. يعني لو مكينته ع موتر خفيف بيطلع حول 530 حصان أو أكثر..

ملاحظة: الموتر استخدام يومي مكيف ودبل وكل شي.

الـ 6.8 (الي هو 416) أظن انه بيدخل السلندر مرحلة خطيرة لأنه يبي له خرط أكثر من الـ6.6

بالتوفيق

[نسر العرب]

ما قصرتوا ياشباب على مرئياتكم

ابوفهد لازم كام كبير ولا تظلم الاستروكر كنك يابوغازي ماغزيت
وحسب معلومات الاستروكر اقوى من شد البلد كونه تحمله في العركك

[MSAN]

ما قصرتوا ياشباب على مرئياتكم

ابوفهد لازم كام كبير ولا تظلم الاستروكر كنك يابوغازي ماغزيت
وحسب معلومات الاستروكر اقوى من شد البلد كونه تحمله في العركك

هلا بك..

فعلا كلامك صح لازم كام كبير.. بس أنت واستخدامك.. يعني رقم لازم الكام يكون متوافق مع الثلاجة.. فيه كامات كبيرة جدا تفتح من ار بي إم 4000 وفيه كاماات أصغر تنفع للاستخدام اليومي.. في الأخير انت تلعب على رقم الار بي إم الي تبي المكينة تطلع كل قوتها فيه.. يعني استخدامات السباق (الدراق ريس) يكون الار بي إم عالي جدا فـ يستخدم كام كبير لأن الهدف من الاستخدام هو السباق.. أما الاستخدام اليومي لو يكون الكام يفتح من 2000 ار بي إم فهو ممتاز.

نقظة أخرى.. لازم اذا بترفع ار بي إم انك تنتبه لقطع الحماية عشان تتحمل المكينة.. السبايك الثابتة والمتحركة مامنها خوف لأن الي تجي مع الاستروكر تكون مكربنة (معالجة بالكربون) وتتحمل إلى ألف حصان..

يبقا لك القطع هذي:
أسياخ (تعديل)
سبرنقات(تعديل) سواء سنقل والا دبل.. والدبل أفضل
بكرة وجنزير (تعديل) دبل
طرمبة زيت صاحية

والأهم من هذا كله الي بيخرط المكينة وبيشدها يكون يعرف وش هو قاعد يسوي.. موب يتعلم في مكينتك


التعديل عالم كبير.. والاستروكر بحر كبير.. أنت بس حدد وش استخدامك بالضبط وكم تبي توصل حصان.. والأهم من هذا كله لاتتوقع انه رخيص.. حدد ميزانيتك


بالتوفيق

[نسر العرب]

كلامك في الصميم يأمسن استخرنا الله والله يدبر الصالح والف شكر على المعلومة الطيبة
ودمت