مشكله عداد السرعه لاندكروزر

[جي اكس ار2000]

السلام عليكم
بخصوص عداد السرعه
كم عدد اسنان ترس مقياس السرعه للجي اكس ار 98-2007
وكم عددها للفي اكس ار
لان فيه 33 سنه
و31 سنه
ايهما للجي اكس ار لان كلاهما تركب
وسلامة الجميع

[ابوراكان تبوك]

فيه نوعين الكتروني ابو سلك وفيش كهرب هذا بـ 350 كامل
النوع الثاني العايدي بـ 50 ريال كامل

اذا تقصد الترس الحاله ما ادري يباع او لا لكن اذا بتعرف عدد الاسنان مالك الا تفكه وتشوف عدد السنن لانه فيه فرق بين الموديلات وبين الخليجي والسعودي
او من الوكاله برقم الشاص يطلع لك القطعه بدون اي خطأ

[جي اكس ار2000]

مشكور ياخوي
ايه قصدي الترس المسنن البلاستيك ابو ٥٠ ريال
فيه ٣١ و٣٣ ايش الفرق

[ابوراكان تبوك]

الترس المسنن البلاستيك حسب علمي ما يباع الحاله الا بالحساس كامل انت أسأل ممكن تلقاه الحاله لكني لا اتوقع

الفرق ياطويل العمر فيه فرق بحجم الجنط وله علاقه بعدد سنن ترس السرعه
الخليجي اغلب جنوطه 16 لكن ما ادري كم عدد تروس السرعه الخاصه بالحساس انا فكيته بدون لكن مادققت
السعودي من 2003 جنط 17 ولا اعلم كم عدد سنون الترس
بالتحديد
باتكلم عن الحساسات الاكترونيه تجي في القيور التماتيك
من 2003 وفوق 5 تروس القير التماتيك
2002 وتحت خليجي او سعودي تماتيك 4 تروس
هنا اكيد فيه فرق فرق بعدد اسنان الترس

بالنسبه للقيور العايدي الفرق بالجنط بعضها 16 وبعضها 17 وحساسها عايدي لكن فيه اختلافات في الترس

لو اختلف الترس عن حق الوكاله يعد العداد خطأ وهذا شيء انا مجربه لازادت السنون يزود 20 والعكس
فالافضل تقارن الجديد بالقديم عند الشراء او تأخذه على رقم الشاص

[جي اكس ار2000]

مشكور مشكور
لكن ركبت ٣١ زاد العداد
وفيه ٣٣-/١١
و٣٣/١٢

[ابوراكان تبوك]

مشكور مشكور
لكن ركبت 31 زاد العداد
وفيه 33-/11
و33/12

العفو اخي

الشغلات هاذي دقيقه ولاينفع فيها التخمين وتخرب عليك دقة العداد وهاذي فيها ساهر ماهي لعب :)


عموما اخوي انصحك تأخذ رقم القطعه من الوكاله برقم الشاص وتبحث عنها بالمحلات اذا ماتبغى تشتري من الوكاله
اما كل يوم تشتري ترس وتجرب تراك بتدفع دبل التكلفه