ملك القصائد
05/09/2014, 01:56 PM
يالصبر ابي لي منك لو تسمح اسعاف = لين اتجاوز ظرف وانهيه بظروف
همي عثا بالقلب واسرف به اسراف = واقول برد الثلج والجمر بالجوف
مابه وفا والوقت ماعنده انصاف = لا يا تعب عمر الشقا ما انت مخلوف
سيف الزمان يذل ويهين الاشراف = ويحط له في طافي النار معروف
لو هاز خلق الله بعيدان صفصاف = تطايحت وافنا طوابير وصفوف
سر الحياة بحلم تحقيق الاهداف = عمر الندم من دون غايات وشفوف
دونك سراب وطير الافكار ميلاف = وارعاك يا حلماً بالاخطار محفوف
من غاص غبات البحر جاب الاصداف = من راعي الاجرب بالاشعار موصوف
كان الشعور بوجه الانسان ينشاف = هو يبتسم من حل في قلبه الخوف
هو يرجهن راسً هواجيسه اصناف = دقات قلبه دق طيران ودفوف
الذيب حظه سئ وسنينه اعجاف = ليله قصير وكل ما عض بالصوف
هذي ضعون الناس يتلون الاسلاف = على طريق الغيب طوفاً ورا طوف
حصّل دروع الفوز كاهن وعرّاف = اخضع بسيف المكر روسً بها نوف
طعن الغياب وضعف الانفس والارجاف = تمشي بها ناسً حقيرين وضعوف
قبل المقابر موت الاحياء بالالاف = كم ميّتاً ماهو بالاكفان ملفوف
اخيل برق بمظلم الليل كشاف = وانا ارجي الرحمن وارفع له كفوف
همي عثا بالقلب واسرف به اسراف = واقول برد الثلج والجمر بالجوف
مابه وفا والوقت ماعنده انصاف = لا يا تعب عمر الشقا ما انت مخلوف
سيف الزمان يذل ويهين الاشراف = ويحط له في طافي النار معروف
لو هاز خلق الله بعيدان صفصاف = تطايحت وافنا طوابير وصفوف
سر الحياة بحلم تحقيق الاهداف = عمر الندم من دون غايات وشفوف
دونك سراب وطير الافكار ميلاف = وارعاك يا حلماً بالاخطار محفوف
من غاص غبات البحر جاب الاصداف = من راعي الاجرب بالاشعار موصوف
كان الشعور بوجه الانسان ينشاف = هو يبتسم من حل في قلبه الخوف
هو يرجهن راسً هواجيسه اصناف = دقات قلبه دق طيران ودفوف
الذيب حظه سئ وسنينه اعجاف = ليله قصير وكل ما عض بالصوف
هذي ضعون الناس يتلون الاسلاف = على طريق الغيب طوفاً ورا طوف
حصّل دروع الفوز كاهن وعرّاف = اخضع بسيف المكر روسً بها نوف
طعن الغياب وضعف الانفس والارجاف = تمشي بها ناسً حقيرين وضعوف
قبل المقابر موت الاحياء بالالاف = كم ميّتاً ماهو بالاكفان ملفوف
اخيل برق بمظلم الليل كشاف = وانا ارجي الرحمن وارفع له كفوف