ماطور نفخ الكفرات

[رجبشعبان]

اخوتي الكشاته السلام عليكم . انا تعبت من مواطير نفخ الكفرات ارجو افادتي عن افضل المواطير
بس مايكون كبير الحجم ولكم شكري مسبقا

[krk]

السلام عليكم

اذا المال مايهمك عليك ب ماطور شركة ARB الاستراليه ابو شنطه انقله من سياره للاخرى انا استخدمه من ثلاث سنين ولله الحمد ما اشتكى من شي سعره تقريبا 1500 ريال

wZB6UTS_buE

وهذا رابط الماطور في موقع ebay

http://www.ebay.com/itm/ARB-Portable-High-Performance-12-Volt-Air-Compressor-/180735686539?pt=Motors_Car_Truck_Parts_Accessories&hash=item2a14afb78b&vxp=mtr

[رجبشعبان]

أخي المكشاتي ( KRK ) اشكرك كثيرا على المعلومة لكن من هو وكيل الماطور والا اشتريه من
امريكا .

[خالد الخطير]

هذا ماطور ARB الاسترالي

وكيله الرماية

ويجي نوعين

واحد ب ١١٥٠ ريال تقريباً

https://www.driveout.co.za/sites/default/files/user11/DO28_WR10_Gear_Portable%20Air%20Compressors%20(7). jpg

والثاني ب ٣٥٠٠ ريال تقريباً

http://www.mekshat.com/pix/upload06/images/2013/03/mk128120_img_015811.jpg

[خالد الخطير]

اما بالنسبة للي سعره مناسب وفي متناول الجميع

فهو ماطور ابو جمل ، وافضل نوع هو (تيربو)

صناعته صينية

جربته وماعليه حلو

بس اذا منسم ١٥ عبه لين ٣٠

لان فوق ٣٠ يحتر (يحتمي) الراس حقه

لكن عملي ويوفي بالغرض

لي الكهرب طويل و لي الهوا اقصر وهذا يعطيه دفع هواء اكثر

وسعره / ٤٥٠ ريال تقريباً

واذا بتشتريه لا تشتريه الا من محل الشراع بالغرابي لانه هو وكيله حسب ما اعلم

وهذي صورته

http://img.tapatalk.com/d/14/05/28/equjyjar.jpg

وهذي صورة المحل

http://www.mekshat.com/pix/upload04/images185/mk168010_pb020573.jpg

[رجبشعبان]

الاخوة الكرام ( خالد الخطير ) ( KRK ) اشكركم جزيل الشكر على تجاوبكما وفي الحقيقه انا عندي
دينمو صدام رود ماستر قوي وممتاز من ناحية التعبئه يعبي الى 80 ما عنده مشكله المشكله في الوقت
يوم الجمعه بعد ما سرينا من طعوس الثمامه اخذ مني قرابة الساعه مع العلم اني اعبي الى 30 بس
انا ارغب بماطور يكون سريع التعبئه 20 دقيقه لجميع الكفرات . انتظر ممن لديه اي معلومه ان يزودني بما لديه مني علم طيب وله مني جزيل الشكر والامتنان ...

[المتلولس]

ابوجمل ممتاز ويمشي الحال

[خالد الخطير]

يعني ٢٠ دقيقه للجميع

معدل كل كفر ٥ دقايق !!

هالمعادله مادري عنها

بالنسبه لابو جمل التيربو سبق ان ناس جربوه وكتبو تقرير عنه

تفضل الرابط

http://www.mekshat.com/vb/showthread.php?t=484116

اما بالنسبه لل ARB الاسترالي فقليل جداً الي جربه لسبب وهو ان سعره غالي جداً

لكن لعل وعسى يكون احد جربه ويعطيك تجربته !!

ولا تستعجل بالاختيار الا بعد ماتشوف تجارب غيرك

والله يوفقك لاختيار المناسب

[ريان2002]

عندي ماطور حاولت أرفق لك صورته وماقدرت لضعف النت عندي
لونه فضي بالكامل وإثنين بساتم وله مقبض من الاعلى لونه أسود
شريته من السنيدي قبل حوالي أربع سنوات ب ٣٢٠ ريال ينفخ الكفرات الأربع في سيارتي الجمس جنط ١٦ من ٢٠ إلى ٤٠ في حدود أربع دقايق وينفخ الكفره الوحده لو كانت منسمه على الأخير من صفر إلى ٤٠ في دقيقتين تقريبا
أنصحك فيه لو هو باقي متوفر عملي وسعره طيب

[alsahli]

وعليكم السلام لي خله ريان والله ياخوك عندي وماينفع بطئي ويحتر ماادري ويش السوات معه بس شكلي باخذ ابو الف وخمس وفيه نوع اذا تبي له موضوع في المنتداء شكله اطلق بس ناسي حجمه يمكن اكبر شوي علي العموم لا تاخذا الا شي مقتنع فيه عندي الحين ثلاث اشكال منها ابو جمل ولا اقتنعت فيها بتوفيق

[alsahli]

والتجربه خير برهان

[راعي الرود]

خذ العلم ياذيبان

ماطور أبو جمل التيربو عند وكيله الشراع بالغرابي اللي حط صورته الأخ خالد الخطير
محله تخلي السليماني على يدك اليسار تقريباً 50 - 100 متر يجيك على يمناك يفتح شمال
اذا اخذته خله يطول سلك الكهرب و يقصر لي "هوز" الهواء
و بتدعي لي إن شاء الله
** معلومه على الطاير .... لا تتفخ كفراتك والموتر طافي .. الماطور يصير بطيء

[خالد الخطير]

وعليكم السلام لي خله ريان والله ياخوك عندي وماينفع بطئي ويحتر ماادري ويش السوات معه بس شكلي باخذ ابو الف وخمس وفيه نوع اذا تبي له موضوع في المنتداء شكله اطلق بس ناسي حجمه يمكن اكبر شوي علي العموم لا تاخذا الا شي مقتنع فيه عندي الحين ثلاث اشكال منها ابو جمل ولا اقتنعت فيها بتوفيق

الغالي عندنا مافيه الا نوعين

1/ arb 1150 ريال ، والثاني 3500 ريال

2/ ايطالي سمعت عنه ولا شفته يقولون ب 1200 ريال بس ان حجمه كبير ، ويباع بالغرابي

هذي بالنسبه للغالي

[خالد الخطير]

ابو جمل التيربو ، حليل ويمشي الحال مع الاستخدام الزين

١/ اذا نفخت الكفر لابد تحط تحته شي علشان مايشفط رمل ويتسدد

٢/ لا تعبي الكفر اكثر من ٣٠ !! لاني سبق و عبيت اكثر من ٣٠ والراس يحتر كانه جمره ، لذلك هالماطور فقط لرفع ال ٤ كفرات لمستوى ٣٠ فقط ، واذا فيه سياره ثانيه مستحيل تعبيها على طول ، لازم تخليه دقايق بسيطه علشان يبرد الراس

[خالد الخطير]

يالربع فعلاً نبي شخص جرب ماطور ARB

اذا هو فعلاً عملي وممتاز ياليت احد يقول لنا تجربته

لانه لو اتضح انه عملي وممتاز جداً ، فاشوف سعره فيه مع انه غالي جداً على ماطور ، بس على الاقل نلقى مبرر لسعره العالي بانه يدوم فتره طويله باداء عالي !! وهنا اقول يستاهل !!
اذا ينفخ كذا سياره مع بعض بدون حراره !!
اذا ينفخ الكفر الي طالع من جنطه !! لان هالحاله تحتاج ضغط هوا عالي !!

لكن لو اتضح العكس !! وطلع يمشي الحال زيه زي الصيني فهنا حرام يدفع فيه ريال واحد !!

لذلك الي جربه لا يبخل على الجميع ، والله ولي التوفيق

[برق الشماليه]

الاخوة الكرام ( خالد الخطير ) ( KRK ) اشكركم جزيل الشكر على تجاوبكما وفي الحقيقه انا عندي
دينمو صدام رود ماستر قوي وممتاز من ناحية التعبئه يعبي الى 80 ما عنده مشكله المشكله في الوقت
يوم الجمعه بعد ما سرينا من طعوس الثمامه
اخذ مني قرابة الساعه مع العلم اني اعبي الى 30 بس
انا ارغب بماطور يكون سريع التعبئه 20 دقيقه لجميع الكفرات . انتظر ممن لديه اي معلومه ان يزودني بما لديه مني علم طيب وله مني جزيل الشكر والامتنان ...

اخوي اذا الماطور اللي يعبي الكفرات الاربع بـ 20 دقيقه وفر فلوسك ولا تاخذ غالي

انا معي ماطور تويوتا مشتريه بـ 90 ريال يعبي الكفرات من 15 الى 35 في اقل من 20 دقيقه والان معي حوالي 3 سنوات

الماطور الغالي اذا تبي وقت قصير جدا

[s3ed]

arb

الكبير

سريع بصوره خياليه

اقل من 30 ثانيه ينفخ الكفر

[الرماية]

يالربع فعلاً نبي شخص جرب ماطور ARB

اذا هو فعلاً عملي وممتاز ياليت احد يقول لنا تجربته

لانه لو اتضح انه عملي وممتاز جداً ، فاشوف سعره فيه مع انه غالي جداً على ماطور ، بس على الاقل نلقى مبرر لسعره العالي بانه يدوم فتره طويله باداء عالي !! وهنا اقول يستاهل !!
اذا ينفخ كذا سياره مع بعض بدون حراره !!
اذا ينفخ الكفر الي طالع من جنطه !! لان هالحاله تحتاج ضغط هوا عالي !!

لكن لو اتضح العكس !! وطلع يمشي الحال زيه زي الصيني فهنا حرام يدفع فيه ريال واحد !!

لذلك الي جربه لا يبخل على الجميع ، والله ولي التوفيق


أقوى منفاخ هواء بالسوق (( يعبي البالون من 15 الى 40 في 29 ثانية فقط

http://www.mekshat.com/vb/showthread.php?t=601644

[باسل نجد]

السلام عليكم ورحمة الله وبركاته.
بصراحة حبيت أشارك بالموضوع
ياشباب فيه طريقة حلوة شاهدتها مع بعض هواة البر ، وهي دبة الغوص ، يعبونها هواء وتنفخ الكفرات بشكل عجيب وسريع ، لدرجة أن بعضهم يستخدم معها مسدس الهواء لفك الكفرات وربطها ورفع عفريتة الهواء
تكفون اللي عنده خبره أو صور يفيدنا في طريقتها وكيف يتم تعبئتها .
أنا بصراحة أشوف أنها جميلة وسريعة عن الماطور
صاحب الخبرة لايبخل علينا

[خالد الخطير]

أقوى منفاخ هواء بالسوق (( يعبي البالون من 15 الى 40 في 29 ثانية فقط

http://www.mekshat.com/vb/showthread.php?t=601644

احيي فيكم نقطة المشاركة بهالموضوع

وجميل ان اي محل يشارك بالمواضيع ويرد على التساؤلات

بصراحه مواطير ARB مواطير مشهوره عالمياً

لكن هنا عندنا تخوف من الاسعار وهل يسوى القيمه المدفوعه فيه !!

باسالك عن الماطور ابو 1150 ريال

جودته ؟

هل يحتر اذا عبيت اكثر من سياره ؟

مدة ضمانه ؟

هل الكفر اذا خرج عن الجنط يعيده لوضعه ؟؟ من ناحية ضغط هواه قوي ؟؟

ياليت تحطون تقرير عنه !!

[رجبشعبان]

اشكر الجميع على المرور وابداء الاراء وتبون الصدق والله تبرجلت من كثرة المواطير ما أدري
وش اشتري الزين غالي جدا والعادي مثل اللي عندي والله العالم اني باصبر على مجنوني لايجيني
أجن منه وعلى العموم حصلت الفائده والمعلومات عن مواطير الهواء .

[رجبشعبان]

اشكر الجميع على المرور وابداء الاراء وتبون الصدق والله تبرجلت من كثرة المواطير ما أدري
وش اشتري الزين غالي جدا والعادي مثل اللي عندي والله العالم اني باصبر على مجنوني لايجيني
أجن منه وعلى العموم حصلت الفائده والمعلومات عن مواطير الهواء .

[abukade]

الله يعينك

انا معي ماطور السنيدي الصيني

تم معي الثلاث سنوات وزود وتراني مهمل بالحيل البلاستيك الي فوقه متكسر من الطيحات

وابشرك مامثله واذكر عليه ضمان ست شهور ..

والله ييسر امرنا وامرك ..

[اصيل نجد]

الله يصبكم بالخير بصراحه كنت امس بالغرابي رحت محل الشراع باشتري ماطور وسئلت عن النوع المطور وقلتله وين افضل ماطور ونصحني بواحد فعلا سبق وجربته ومازال بسياره ولدي شغال ممتاز جدا وقال بشرط اذا تبي الماطور يعيش لاتزود الضغط اكثر من 30 للكفر الواحد ورايح يعيش معك عمر وسئلته عن النوع اللي تكلموا عنه الاخوان اللي هو المطور وقال اتركه هالنوع فاشل مع ان سعره اغلاء بس نصحني بالنوعيه الثانيه وكل واحد له وجهه نظر وانت قبل تشري اسئل ابو خالد الوكيل وشف ايش يقولك

[ريان2002]

بصراحه مسألة ما أنفخ بالماطور أكثر من ٣٠ ماقدرت أقتنع بها
أنا أنفخ كفرات الجمس إلى ٣٨ وأحيانا ٤٠ وماقال الماطور شيء وإذا كنت بأنفخ إلى ٣٠ وأروح أدور بنشري فبلاش يكون عندي ماطور بالسياره

[رجبشعبان]

انا ىأظن ان 30 للكفر مناسبه ومعظم الناس ما تزيد عن ذلك حتى ترتاح السياره ولا تبدأ تقامزعند
أصغر مطب

[ريان2002]

انا ىأظن ان 30 للكفر مناسبه ومعظم الناس ما تزيد عن ذلك حتى ترتاح السياره ولا تبدأ تقامزعند
أصغر مطب

ضغط 30 ينفع للسيارات الصغيره والهايلوكسات كفرات صغيره ووزن قليل

[اصيل نجد]

ياخوان تعبئه الكفرات الى ٣٠ ممتاز ويمشيك بالراحه واعتبرها حالات اسعافيه اذا ماتقتنع الا ب ٤٠ او ٥٠