حرارة الجكسار غريبة

[efi4500_2002]

بسم الله الرحمن الرحيم

صبحكم الله بالخير ..

المشكله في حرارة الجكسار 8سرندل إذا كن ماشي مافيه احلا منه
لا حراره ولا شي بس إذا وقفت تبدأ المشكله ترتفع الحراره و تتعدا
النص و تزود و إذا دعست له وهو واقف تنزل شوي و إذا خليته يفور
إذا مشيت تنزل طبيعي أو لازم اطفيه و اخليه خمس دقايق و افتح
الاديتر و ازوده شويه مويه قيس علبة الما لأنه يفور ألما في القربه
سويت له غسيل و حطيت موية الوكاله و شلت البلف و ما تغير شي
حتى أنه و انا ماشى فضيت الموتر و احتر .
شوفوا لي حل الله يجزاكم بالخير

[جيب ربع]

المشكلة والله أعلم من تماتيك المروحة أو الكلتش حقه

[يالبى الهلا]

تأكد من غطاء اللاديتر ضروري ركب جديد وتاكدددددد من المروحة الكهرباء شغاله

[efi4500_2002]

الله يعطيكم العافيه غيرت غطا الاديتر و مشيت 160 و فضيت السياره و ارتفعت الحراره ما اظن التماتيك خربان

[الجوكر حسن]

هلا بك
انا باعطيك مشكله صارت لي بس مدري هي مثلك ولا
معي هايلكس قديمه كانت هي قبل حلوه بس بعد عدت اشهور صارت لي مشكله الحرارة ترتفع توصل لنص لما امشي ولما اقف عادي تنزل طفيت السياره وناظرت الرديتر ناقص ماء اعبي قارورة ماء ابو ريال مرتين لما اعبيها ترجع الحرارة طبيعيه وبعد ساعتين ينقص الماء واعبي وهكذا تكرر المشكله المهم وديته لم المكانيكي قالي مشكله الراس يهرب منه واستغربت رد لي بسرعه قلت ميخالف فك المكينه يوم فكها وراني الراس شكله رايح مرررره مخلي ولقى مدري وش هن جنب المكينه مدورات اسمهن طبت خربات يهرب منهن الماء قلت كيف طيب قالي خرطه وجب اغراض اصليه وجه وطبات واشياء نسيت اسمهن ويرجع تمام
والحمد الله حلت المشكله
لاكن بعد فتره رحت لبر ومشيت مادريت الا الحراره مرتفعه مره فوق استغربت وقفت وطفيته خليته 30 دقيقه عشان يبرد يوم فتحت الكبوت وشفت الرديتر بدون ماء ومعي ماء الحمدالله صبيته واشوف ورا في جلبه مدوره يطلع منها الماء ماينشاف وغيرت الجلبه والحمدالله تمام
وهذا الي صار لي
واذا تبي صور لهن عندي ارسلهن قبل الخرط وبعد الخرط
اتمنى تحصل مشكلتك لا تستعجل
الله يوفقك
:f

[ابوراكان تبوك]

الاخوان ما قصرو
لكن افحص السياره عن التهريبات ال8سرندل يبخر الماء تبخير احيان بدون مايظهر لك تهريب
احتمالات اخرى
من تماتيك المروحه حتى لو فحصته انت بطريقتك اللي ذكرتها
او
ضعف طرمبة الماء

لاتعير اي قطعه الا بعد الفحص

[efi4500_2002]

الجوكر الله يعطيك العافيه المشكله عندي تحتر إذا وقفت

أبو راكان الله يعطيك العافيه انت تخبر الورش لو اجيهم قالوا توضيب مافيه أحد يحدد المشكله بالضبط

[العطاوي a511]

شغل السياره وخل احد يطفيها وعينك على المروحه اذا وقفت بسرعه تمام اذا جلست تدور اعرف ان التماتيك خربان فيه ورى التماتيك سسته حاول تطلعها برى صورتها موجوده بموضوع اصيل حجازي

واذا الماء ينقص اكيد يبي يحتر لاكن شف الليات محجره فيها ضغط هواء

اذا محجره جرب حط معالج ابو خمسه ريال تحصل صورته بموضوع كبسوله هاذا رابط الموضوع


http://www.mekshat.com/vb/showthread.php?t=317517

[الوسم]

يبي لك نفض نظام التبريد كامل
وهذي فرصة للتأكد منه كامل من تصييخ أديتر
وتنضيف دورة الماء
ولا تنسى تتأكد من التماتيك والا الأحسن تغيرة أصلي
وبلف الحرارة حط حق الدييييزل والموية تايوتا اأصلي
76 ونصف أصلي وبعدين تعال عطنا النتائج

[التويجري1]

اذا الحرارة تجي والسيارة واقفه والمكيف شغال واذا مشيت تنزل الحراره شف المروحه الكهربائيه في مقدمة السياره هل تشتغل مع المكيف ام لا واذا ما تشتغل شيك على الفيوز حقها

[قناص الأشهب]

أول شئ تسويه ترجع البلف ويكون أصلي
اما مشكلتك ما تطلع من حاجتين المراوح او طرنبة الماء

[efi4500_2002]

المشكله للحين ماسويت شي فيه بس ان شاء الله اشوف له حل

[الوسم]

أول شئ تسويه ترجع البلف ويكون أصلي
اما مشكلتك ما تطلع من حاجتين المراوح او طرنبة الماء

الأشهب جاب لك العلم
يالله ... بعد ما تطبق كلامه
تعاااااال ورنا وش يصير معك ؟؟

[shaalaas]

السلام عليكم 1شيك كلش المروحه 2شيك مروحة التبريد للمكيف والتي موجوده في مقدمة السياره تحت الشبك 3شيك غطا الاديتر 4تنظييف الاديتر وذلك بالتصيخ ++++:good2:بالتوفيق