المساعد الشخصي الرقمي

مشاهدة النسخة كاملة : افضل طريق الي حايل


ALHAWY1
05/12/2006, 10:03 AM
السلام عليكم
باذن الله ناوي اتوجه الي حايل الاسبوع القادم من اجل تركيب الشد الحايلي علي الجمس وانا ما عمري جيت حايل
لذلك ودي تفيدوني عن الطرق الي حايل وافضل هذه الطرق والانطلاق سوف يكون من الكويت مرورا بحفر الباطن
واللي يعرف هواتف الورش اللي تسوي هالشد في حايل لايبخل علينا
مع شكري للجميع
جديداليوم
05/12/2006, 04:13 PM
أخي / ALHAWY1

أهلا بك في حايل .............. ام الجمايل

اللي اعرفه انك من الحفر تسلك طريق المجمعة ـ القصيم حتى تصل الارطاوية ومن الارطاوية سلك طريق الزلفي القصيم غرب تحى تصل بريدة وقبل أن تدخل بريدة يأتيك الطريق الدائري الشرقي تسلكه حتى يأتيك كبري حايل الطريق السريع الجديد تنعطف معه يميناً متجه شمال طريق حايل السريع جديد حوالي ( 150 كم ) تقريباً وترى ام الطرق مادرى عن الطريق ان بغيت تسرع ولكن انصحك بعدم السرعة
هذا على حسب علمي والله اعلم
تحاتي
جديداليوم
فارس بريده
05/12/2006, 04:48 PM
هلا بالغالي راعي الكويت Alhawy1

ما على كلام اخوي جديد اليوم زود لكن بغيت افصل

بعد وصولك الى حفر الباطن تتجه الى طريق المجمعه جنوب تمشي 170 كيلو فتأتيك ام الجماجم ثم 40 كيلو الى الارطاويه ثم واصل الطريق الى المجمعه ثم واصل الى الطريق السريع القصيم الرياض
((( يعني من الحفر الى السريع ما فيه ولا ملف )))

اركب السريع ورح يمين الى بريده من المجمعه الى بريده تقريبا 130 كيلو

قبل بريده تجيك لوحه بريده 20 بعده بقليل يجيك الدائري التابع لمدينة بريده تميزه بالانوار او الاشجار اتجه معه يمين يعني اطلع من السريع واركب الدائري خلك على الدائري الى ان يجيك مفرق طريق حائل وهو موضح باللوحات تقريبا تمشي بالدائري 30 كيلو

بعد ما تركب طريق حائل يكون الطريق سريع الى حائل وقدره من بريده الى حائل 230 كيلو بالضبط


بالتوفيق ان شاء الله
ALHAWY1
06/12/2006, 09:40 AM
الله يجزاكم خير ما قصرتم هذا الطريق انا علي معرفه به وذلك خلال توجهي للمدينه المنوره لكن قالولي بعض الاخوان ان فيه طريق من رفحا الي لينه ثم قبه ثم تربه ثم حايل لذلك مرة اخري من يعرف هالطريق يشرح لنا عنه الله لايهينكم ومرة اخري شكرا لكم يا فارس بريده ويا جديد اليوم
مع شكري للجميع
كزاز
06/12/2006, 06:55 PM
عليكم السلام

من حفر الباطن الى محطة البطيحانية 95كم ثم تفرق يمين طريق رفحاء ام عشر 60كم
ثم سيده الى ساموده 25كم ثم الى لينه 165كم طريق رفحاء يواصل سيده ولكن تفرق يمين الى لينه وحائل 0 من لينه الى تربه 113كم ثم سيده الى بقعاء 70كم ومن بقعاء حتى دوار السنبله فى حائل 120كم 0
من مجطة البطيحانية الى حائل ( دوار السنبله ) 554كم 0


طريق اخر

من حفر الباطن الى محطه البطيحانيه ثم تفرق يمين الى ام عشر وبعد ها 13.600كم تأتيك الى اليسار دباية قبة - ساموده واحداثيها (27.46.936ش 044.56.349ق)
ثم تواصل مع الدبايه وفيها اماكن رمليه 19كم تصل الى زفلت قبة تستمر معه الى ان يقف ثم تلف يمين الى قبة وتدخل قبة وتاخذ طريق بريدةثم تستمر معه 49كم وتصل الى ابا لورود ياتيك حرف T تلف يمين الى ضيدة 15كم وطلحة 33كم 0

وعندما تصل الى ضيدة هناك محطة تموينات البدر قبلها تقاطع تلف معه يسار الى طلحة وقبل ان تصل طلحة تشاهد خزان الماء تترك الزفلت وتفرق يمين مع دباية صغيرة حتى تصل الى الزفلت وتجعل خزان الماء على يدك اليمين ثم تواصل سيده الى مدرج ثم سيده الى طريق حائل - القصيم 6كم ثم تفرق يمين الى حائل 190كم 0

من محطة البطيحانية الى حائل ( دوار السنبلة ) من طريق قبة -سامودة 468كم 0
ALHAWY1
08/12/2006, 10:15 PM
ياخوي كزاز ما قصرت لكن اشوف ان طريق البطحانيه ام عشر ساموده لينه اسهل للوصف بس ما جيت علي طاري الطريق من رفحا الي لينه ثم الي حايل وأي الطريقين افضل عن طريق رفحا ولا البطحانيه ثم لينه ادري اني كثرت الاسئله لكن ودي بمعلومات اكثر
مع شكري للجميع
الضاري
08/12/2006, 11:02 PM
مساء الخير

الطريق اللي ذكر لك كزاز من البطيحانية ثم الى لينه مباشره أفضل من ان تتجه الى رفحاء لأنه اطول مسافة

لكن هل وجدت عنوان الورشه ؟؟

أذا ما عندك ورشه محدده عندي لك ورشه مضبوطة وتشوف شغلهم من خلال بعض الصور في المنتدى

وتستطيع الاتصال بهم وتتفاهم معهم وأنت بالكويت قبل ما تمشي
ALHAWY1
09/12/2006, 11:50 PM
أشكرك أخي الضاري علي هالمعلومات وتسوي خير ان عطيتني عنوان ورشه ويكون شغلهم زين بعد عز الله انك بتوفر علي الشئ الكثير
وتراني بانتظار هالمعلومات
مع شكري للجميع
شـهـاب
10/12/2006, 01:53 AM
ياهلا والله والله ومسهلا بهل الكوووويت كلهم

يالغالي اهل مكه ادرى بشعابها

ولا هو قصور في الأخوان الي ردوا لكن اذا تبي تطيع شوري

فأنصحك تجي من الحفر الى الارطاويه الى الزلفي الى القصيم الى حايل قرابة الـ 650 كم
او اقل طبعاً تقديراً لم احسبها
طبعاً هالطريق زينته انه طريق حي فيه محطات وسريع وتمر بمدن

---

لكن الطريق الي من الحفر الى رفحا الى تربه بقعاء حايل
ما انصحك ابد تجي من عنده لان فيه ردميه قرابة الـ 4 كم
والطريق عدمااااااان مره ولا فيه احد وسيد واحد والمحطات قديمه

فالاصلح لك انك تجي من الحفر على الزلفي علماً انه اقرب لك وانا سلكت كل الطريقين الى الحفر لكن القصيم الزلفي احسن

-----

اما الشد والطربال فهو احسن ورشه ورشة توارن في الصناعية
والشراع يركب عند الحديثه او الأختيار
طبعاً الحديد ياخذ تقريباً قرابة الاسبوع تفصيله وكذلك الشراع ياخذ حدود الاسبوع
اما سعر الحديد على الشاص اذكر انه حدود الـ1500
والشراع تقريباً حدود الـ 1500
شـهـاب
10/12/2006, 02:01 AM
هذا رد احد الاخوان وفيه رقم صاحب الورشه

الاخ رمو77 اجابة عن سوالك انا سويت عندهم شد اشهدبالله انه خوش شغل العنوان مركزتوارن الصناعيه صاحب الورشه ابوخالد0جوال(0505162394)
شـهـاب
10/12/2006, 02:04 AM
وهذا موضوع قد يفيدك عن الورشه وبعض شغل

http://www.mekshat.com/vb/showthread.php?t=25041&page=11&pp=15 (http://www.mekshat.com/vb/showthread.php?t=25041&page=11&pp=15)
هل انت من ملاك الشاص او عشاقة


موضوع جميل جداً


واي خدمه موجودين ان شاء الله
ALHAWY1
10/12/2006, 11:39 AM
كفيت ووفيت ياخوي شهاب علي هالمعلومات وعز الله انك ما قصرت انت وباقي الاخوان لكن انا كان قصدي ان يكون لدي معلومات عن الطرق اللي ما سلكتها من قبل وايضا انا احب ممشي الطرق البريه بعيدا عن المدن خصوصا في هذه الاوقات الجميله مع شكري للجميع
الضاري
10/12/2006, 11:43 AM
تسلم والله يا شهاب

كفيتن البحث عن رقم وعنوان الورشه
شـهـاب
11/12/2006, 01:48 AM
ماعملنا شي




واي سؤال خدمه موجودين


الجو اليوم في حايل علاااااااااااق


رذاذ - يطيح الطير من زينه
ALHAWY1
26/12/2006, 01:34 PM
ابشركم اني رحت الي حايل عن طريق بريده ثم الطريق السريع الجديد وقبل ذلك تم الاتصال مع صاحب الورشه ابو خالد وكذلك مع صاحب محل الشراع ابو طلال وتم الاتفاق علي تفصيل الشد والشراع وعزالله انهم ما قصروا حيث وصلت الي حايل يوم الاربعاء الماضي مساء وركبت الشد مساء الخميس ومشينا من حايل صباح الجمعه وجزاكم الله جميعا كل خير