حيره مع الباترول

[ابو حماط]

السلام عليكم ورحمة الله وبركاته
اخواني اعضاء منتدا مكشات
لكل من لديه معلومه في هذا الموضوع
عندي جيب باترول ربع مديل 2000
فيه مشكله غريبه ادق سلف يشتغل يجلس حول الربع ساعه ويطفي بعدين ادق سلف مايشتغل لازم يجلس حول نص ساعه بعدين يشتغل مع العلم ان السلف شغال كويس وفيه وبنزين بالموتر والبطاريه كويسه
وديته مكنيكي كشف على الطرمبة طلعت سليمه
غيرنا الكويل مافيه فايده
غيرنا سلك الكويل مافيه فايده
جبت كهربائي كشف عليه مايدري وش فيه
جبت كهربائي ثاني وثالث محد يدري وش علته
احد الكهربائيين قالي ممكن حساس المكينه او الكمبيوتر
مدري وين المشكله بالضبط هذا علمي وسلامتكم
الي عنده معلومه لا يبخل علينا
الله يجزاكم الجنه ووالديكم

[الحميضاني]

السلام عليكم ورحمه الله وبركاته
اخوي هذي ما يسويها الا الكويل شغله وخله شغال اذا طفى امسك الكويل اذا حار حيل منه المشكله يفصل الكهرباء اذا احتمى

[craino]

بقولك طريقة طبقها بنفسك وقولنا النتيجه
لما السياره ما تشتغل فقط تسوي هالطريقه
اشتري لمبة كشف مثل هذه
https://www.kayjayco.com/images/tools/toolTestLight8463.jpg

اشبك الطرف الي مثل المشبك في البطارية السالب وبعدين المس المبة على الموجب عشان تتأكد انك اخذ خط سالب مضبوط
الان فك احد اسلاك البواجي الواصل الى المكينه وقرب راس لمبة الكشف من داخل السلك لا تلمس اللمبه بداخل السلك انبه فقط خلك مسافة مثل 2 سم بين راس اللمبة وسلك البوجي من الداخل وخلي احد يدق سلف وشوف هل تشوف شرار وقت دق السلف او لا لأنه لو مافيه شرار فالمشكله عندي في نظام الشراره سواء الكويل او حساس الكرنك او غيره
وان كنت اشوف انك تبدأ بتغير الكتاوت الخاص بالكويل ونظام الشراره

[ولد حربmaged]

تأكد من اسلاك الكويل زي ماقالوا الاخوان وتأكد بعد من طرمبة البنزين لانه يشتغل وهي بارده واذا احترت طفى

[SGL]

نفس الحالة في كريسيدا قراندي وباترول وطلع البليتين خربان شيك عليه أو جرب ديلكو أخر

[5200]

اخوي اعمل تسليك خارجي لطرنبة البنزين للتجربه انشاء الله يكون منها

[MSAN]

شيك حساس الكرنك يا الطيب

[مباركك]

حبيبي مشكلتك في الدينمو ١٠٠٪ شيك عليها او غيرها راح تدعيلي