حرااااارة الجمس اصحاب الخبره الله لا يهينكن

[GMC_2001]

×



السلام عليكم و رحمة الله

اصحاب الخبره لاهنتو افيدوني،
معي جمس م2001
اذا تمشورت عليه بالخط او بالمشاوير الخفيفه وقت الظهر يطلع معي صوت (خرفشه)مع بداية دعسة البنزين من جهة المكينه،
رحت لاكثر من ورشه واجمعو انه من الحراره، غيرت كلتش المروحه و بلف الحراره وسيخت الرديتر و سويت غسيل لمجاري
الماء و ركبت مويه خضره مع ماء مقطر و ركبت مروحه اضافيه امام الرديتر و لسى الصوت بعده و مجننيييييي

ارجو الافاده الله لااااااا يهينكم

[GMC_2001]

عفوا، الله لا يهينكم**

[ابو صالح 871]

اخي الكريم السلام عليكم ورحمة الله ودي اني لي معرفه كان افيدك لكن فيه مركز صيانه متقدمه ممكن انهم يطلعون العله وبالتوفيق

[GMC_2001]

يعطيك الف عافيه اخوي ابوصالح ،

[IBRAHIM55]

كانت معي مشكله مشابهه لمشكلتك صوت صرقعه او لقلقه تبين
بالظهر مع الحر شكيت انها بسبب الحراره بالمكينه لكن الحراره
عندي طبيعيه سألت واحد عنده خبره بالسيارات قال استخدم
منظف بخاخات وتروح المشكله شريت علبتين منظف اس تي بي
واستخدمتهم وانتهت المشكله جرب تحط المنظف ولاتملى
التانكي بالبنزين يكفي النصف وعب بنزين 95

[GMC_2001]

شاااااكر لك مساعدتك اخوي ابراهيم و بعون الله راح اجرب ذا المنظف، بس بغيت اسئلك، اذا صبيت المنظف بالتانكي لزوم امسك على السياره طريق طويل ولا اخليها ع الاستخدام اليومي?

[IBRAHIM55]

ماهو ضروري تستخدمها خط مشاويرك اليوميه تكفي

[عميد آسيا]

بالعكس الأفضل و تمسك و تكون مسرع شوي عشان يقوى دفع البنزين و هو مخلوط بالمنظف و يكون دفع المنظف على الوسخ أقوى

[MSAN]

عن بنزين 95