رميت لغزي في مهاليك وادراك ...الحل:شبك الورطه أوسلك الورطه..حله:ناصرالعلي،النبهاني

[راعي العجراء]

السلام عليكم ورحمة الله وبركاته
لغز وزن ثقيل

رميت لغزي في مهاليك وادراك = بوسط البحور الهالكه والمطمه
صعب نجاته لو تمسك بالاسلاك = باسلاك شايك يسحبونه بفمه
اللغز غامض ولاتدور بالافلاك = ورطه وحلت بين رجل وعمه
كل اخذ من قسمة الحق ملاك = ورضيت نفوس عقب ماهي مغمه
باسباب ورطه انصفت حق ذولك = وصاروا حبايب وهرجهم في متمه
اللغز واضح مايبي قول ممداك = تلقى جوابه داخل اللغز سمه


ماهو شرط يكون عمه

مع تحيات راعي العجرا

[أم نورة]

صح لسانك أخوي راعي العجراء

والله يعطيك العافية على هذا اللغز الطيب ماقصرت

وياترى وش هالورطة اللي صارت بين الرجل وعمه وبأسبابها انصفت حق ذولاك

صحيح صدق المثل اللي قال مامحبة الا بعد عداوة

على كل حال

لي عودة ان شاءالله بعد التفكير

[راعي العجراء]

صح لسانك أخوي راعي العجراء

والله يعطيك العافية على هذا اللغز الطيب ماقصرت

وياترى وش هالورطة اللي صارت بين الرجل وعمه وبأسبابها انصفت حق ذولاك

صحيح صدق المثل اللي قال مامحبة الا بعد عداوة

على كل حال

لي عودة ان شاءالله بعد التفكير


ياهلا ام نوره
وصح بدنك ترليون
وانصفت حق ذولاك قصدي الاثنين اللي انا اتكلم عنهم
اشكرك على حضورك لاعدمتك
تحياتي لشخصك

[ذيب الفقارة]

وعليكم السلام ورحمة الله وبركاته

صح لسانك حبيب الكل

راعي العجراء

أكيد إنها مشكلة حديثة

تحيلتي

[راعي العجراء]

وعليكم السلام ورحمة الله وبركاته

صح لسانك حبيب الكل

راعي العجراء

أكيد إنها مشكلة حديثة

تحيلتي

صح بدنك ياجدي ابو عدنان
ةالله يعطيك الصحه والسلامه
فرحتني في حضورك
الحل داخل اللغز وهذا شي قديم بس ماهو قديم كثير ومازال موجود
دمت عالي وغالي ياجدي

[ذيب الفقارة]

المسألة طبية وتحتاج دكتور يعالجها

أكيد

تحياتي

[أبوعبدالرحمن99]

صح لسانك يا ابو جلبنو و بارك الله فيك على هالمزيون . و كل الغازك تطرب
جاري التفاكير

[راعي العجراء]

المسألة طبية وتحتاج دكتور يعالجها

أكيد

تحياتي


هلا بك ياجدي
مايحتاج دختور ولا هي بالطب
الحل موجود
دمت بخير

[راعي العجراء]

صح لسانك يا ابو جلبنو و بارك الله فيك على هالمزيون . و كل الغازك تطرب
جاري التفاكير


صح بدنك يابو عبدالرحمن
والله يابو عبد الرحمن حضورك هو اللي يطرب
من يوم اشوف معرفك احس اني بخير ومستاسع صدري الى كيلو خمسين
انتظرمرماعك
تقبل تحياتي

[ابو اسامه 2]

عليكم السلام ورحمة الله وبركاته

صح لسانك يا راعي العجرا ملايين

وبيض الله وجهك

ابيات تطرب كعادتك

وش رايك في

صعب نجاته لو تمسك بالاسلاك
باسلاك شايك يسحبونه بفمه


السمكه والصياد


تحياتي لك

[راعي العجراء]

عليكم السلام ورحمة الله وبركاته

صح لسانك يا راعي العجرا ملايين

وبيض الله وجهك

ابيات تطرب كعادتك

وش رايك في

صعب نجاته لو تمسك بالاسلاك
باسلاك شايك يسحبونه بفمه


السمكه والصياد


تحياتي لك





الروعه في حضورك يامشرفنا الغالي ابواسامه
ويهلا ومليون غلا
وصح بدنك
والرنعه مالك لوا يالغالي
انتظر رنعتك الثانيه
مع السلامه

[المرماع]

وش رايك بعد صح السانك بي ممداك

[ابوذيبان]

الله الله الله الله

صح قلبك ملايييييييييييييييييييييييييييييييييييييييييييين

غالينا . راعي العجراء

ابداع وتسلطن وحبك وسبك.

لله درك

جاري التمعن .

0

[أم نورة]

أخوي راعي العجراء

وشرايك بورطة هل التلعا

[راعي العجراء]

وش رايك بعد صح السانك بي ممداك


حياك الله يالمرماع
وصح بدنك
والرنعه
مالك لوا لاعدمتك

[راعي العجراء]

الله الله الله الله

صح قلبك ملايييييييييييييييييييييييييييييييييييييييييييين

غالينا . راعي العجراء

ابداع وتسلطن وحبك وسبك.

لله درك

جاري التمعن .

0


صح بدنك ياغالينا يابو ذيبان
والابداع منكم واليكم انا طالب مازلت اتعلم من حرفك
وانتظر مرناعك القادم
لاعدمتك

[راعي العجراء]

أخوي راعي العجراء

وشرايك بورطة هل التلعا


هلابك يااخت العرب هلا أم نوره
والرنعه مالك لوا
انتظر مرناعك القادم لاعدمتك

[ناصر العلي]

وعليكم السلام ورحمة الله وبركاته

سلمت يالغالي

وصح لسانك

محاولة

ماتصير مشكلة صارت بين شخصين على تحديد الحد الفاصل بين ارضيهما

وصارت الورطة

الوَرْطَةُ : الهُوَّةُ الغامضةُ العميقةُ في الأَرض

وهالهوة صارت هي الفاصل بينهما وحلت مشكلتهما

قل تم

[راعي العجراء]

وعليكم السلام ورحمة الله وبركاته

سلمت يالغالي

وصح لسانك

محاولة

ماتصير مشكلة صارت بين شخصين على تحديد الحد الفاصل بين ارضيهما

وصارت الورطة

الوَرْطَةُ : الهُوَّةُ الغامضةُ العميقةُ في الأَرض

وهالهوة صارت هي الفاصل بينهما وحلت مشكلتهما

قل تم

هلا يابو علي صباحك عسل ياعسل
رمعتك طيبه وتفكير واتجاه طيب
وورطة الحفره مالك لوا يالغالي
مع السلامه

[ذيب الفقارة]

أنا من زمان أقول الحل مايعرفه غير انت والدكتور

لكن ما احد مصدقني

تحياتي

[راعي العجراء]

أنا من زمان أقول الحل مايعرفه غير انت والدكتور

لكن ما احد مصدقني

تحياتي


هلا ياجدي
متاكد انت تعرفه معرفه زينه
مع السلامه

[هيل]

السلام عليكم ورحمة الله وبركاته
ماشاءالله عليك يابوجلنبو جزل
تحياتي

[ذيب الفقارة]

أعجبتني كلمة (( الغامضة )) في رمعة الدكتور

فقد أدت الغرض المطلوب لأنها تزيد من المتاهات

عند التقسيم في الأرض

تحياتي

[عليق بري]

صح لسانك يا راعي العجراء ..
تقصر عباراتي عن اعطاء هذا المزيون حقه !


لعلك تقصد ب (رجل وعمه) عمه المقصود : عمى !
وهي تحكي قصة رجلين احدهم أعمى والآخر محرول !


واليكم قصتهما بعد ان اقتبستها :

هذه قصة عن رجلين أحدهما آعمى والآخر مشلول ((محرول)) من عرب واحده أيام النهب والسلب أتى قومهم خبربأن قوم معادين لهم بيغزونهم((يصبحونهم))

وقررو ا لإنهزام في الليل بأموالهم وابقوا الأعمى والمحرول في المراح حتى يرجعوا عليهم فيما بعد لأنهم لا خوف عليهم ماأحد طامع فيهم ، وفي الصباح تشاورا الأعمى والمشلول بأن ينقل الأعمى المشلول. والمشلول لأنه مبصر

يدله على الجره ويوجهه لأثر العرب وفي طريقهم رأى المحرول أرنب وقال للأعمى نزلني قربها وسد على الجحر وأمسكها وبالقرب منهم حطب يابس أولعوا منه النار ورموها فيه وعندما نضجت وجد المحرول معها داب كبير بالحطب قد نضجت لحمه فقطع اللحم المحرول وجعل الداب من نصيب الأعمىوالأرنب من نصيبه(( نذاله))فلما أكل الأعمى وأنتهى دهن وجهه ويديه
من الدهن بالطبع جاء الدهن على عينيه ( الداب معروف بكثرة الدهن ) وجعل الله فيه الشفاء وأبصر الأعمى فقال لصاحبه المشلول((المحرول)) أبشرك أنني أبصرت بسبب الدهن فقال المحرول : السبب من الله ثم مني جعلت الداب من نصيبك وأنت لاتعلم
فجعل الله فيه شفاءك فقال الأعمى الذي أبصر هذه أكبر دليل بأنك عدو تريد قتلي بالداب المسموم وأنا الآن أقدرعلى الإنتقام منك فاشعل الأعمى النار ورمى فيها المحرول من شدة الغضب فأكلت النار منه ما أكلت فأنطلقت أعصابه وصار يركض ولحقوابالعرب يمشون سواء فاعتبروا من قدرة الله سبحانه وتعالى وقال شاعر منهم الأبيات التالية :

جاك المحرول والعمى سالميـن،،، أحد فتح وأحد مشى عقب حروال
رحمهم اللي يرحـم المسلميـن،،، يغني الفقير ويرفع الفقربالمـال
دنيـا تـدور وتفجـع الغافليـن،،، يا ما خذت من فارس يلبس الشال
يفـك ربعـه لادركـوا مدبريـن،،، في ساعة يبحل بها كـل حـلال

[النبهاني]

وعليكم السلام والرحمه
صح السانك يابو جلمبو ويسعد صباحك
بعد مشاهدة رمعة الدكتور ماشاء الله عليه نقول ممكن
شبك الورطه ( اسلاك شائكه )

[ابو ماجد 2]

كالعاده لغز كايف
صبحك الله بالخير وصح لسانك
من عرضت اللغز وانا بالبال رمعه مطابقه الا ان قولك في اللغز موجود هو من جعلني اتردد لكن خذها ولعلها تقرب للحل
فيه اثنين جارين في مزرعه دب بينهما على خلاف بحدود الارضين ذهبوا للقاضي فقال انتظروا لكم خصيم ثالث فالكل منهما احتار من هو خصيمنا
المهم اتى الشعيب فقال القاضي هذا خصمكما فاصبح الشعيب نهاية حدودهما بحيث فصل بين الاثنين

[ذيب الفقارة]

ههههههههههههههه

ياراعي العجراء

عجراك تخوف

لكن ماكل مرة تسلم الجرة
لا تنسى إن الأراضي الآن أسعارها تغري بالمقاتلة من أجلها
تحياتي

[راعي العجراء]

أعجبتني كلمة (( الغامضة )) في رمعة الدكتور

فقد أدت الغرض المطلوب لأنها تزيد من المتاهات

عند التقسيم في الأرض

تحياتي


ياهلا بك ياجدي ابو عدنان
والغامضه كرمعه مالك لوا يالغالي
والدختور ابو علي قصدي البرسفور ابوعلي
اعجبتني رمعته بالشرح والتفصيل للغز لقد فكك اللغز تفكيك مبرحا
بس ماجاب الرمعه الصحيحه وله نسبه عاليه مع مرتبة الشرف وفوقها حبة خشم
حيث قطع نسبة 75$ من الحل بالصراحه شطب وجه اللغز مابقى غير ذبحه
حفظكم الله جميعا ومع السلامه

[راعي العجراء]

صح لسانك يا راعي العجراء ..
تقصر عباراتي عن اعطاء هذا المزيون حقه !


لعلك تقصد ب (رجل وعمه) عمه المقصود : عمى !
وهي تحكي قصة رجلين احدهم أعمى والآخر محرول !


واليكم قصتهما بعد ان اقتبستها :

هذه قصة عن رجلين أحدهما آعمى والآخر مشلول ((محرول)) من عرب واحده أيام النهب والسلب أتى قومهم خبربأن قوم معادين لهم بيغزونهم((يصبحونهم))

وقررو ا لإنهزام في الليل بأموالهم وابقوا الأعمى والمحرول في المراح حتى يرجعوا عليهم فيما بعد لأنهم لا خوف عليهم ماأحد طامع فيهم ، وفي الصباح تشاورا الأعمى والمشلول بأن ينقل الأعمى المشلول. والمشلول لأنه مبصر

يدله على الجره ويوجهه لأثر العرب وفي طريقهم رأى المحرول أرنب وقال للأعمى نزلني قربها وسد على الجحر وأمسكها وبالقرب منهم حطب يابس أولعوا منه النار ورموها فيه وعندما نضجت وجد المحرول معها داب كبير بالحطب قد نضجت لحمه فقطع اللحم المحرول وجعل الداب من نصيب الأعمىوالأرنب من نصيبه(( نذاله))فلما أكل الأعمى وأنتهى دهن وجهه ويديه
من الدهن بالطبع جاء الدهن على عينيه ( الداب معروف بكثرة الدهن ) وجعل الله فيه الشفاء وأبصر الأعمى فقال لصاحبه المشلول((المحرول)) أبشرك أنني أبصرت بسبب الدهن فقال المحرول : السبب من الله ثم مني جعلت الداب من نصيبك وأنت لاتعلم
فجعل الله فيه شفاءك فقال الأعمى الذي أبصر هذه أكبر دليل بأنك عدو تريد قتلي بالداب المسموم وأنا الآن أقدرعلى الإنتقام منك فاشعل الأعمى النار ورمى فيها المحرول من شدة الغضب فأكلت النار منه ما أكلت فأنطلقت أعصابه وصار يركض ولحقوابالعرب يمشون سواء فاعتبروا من قدرة الله سبحانه وتعالى وقال شاعر منهم الأبيات التالية :

جاك المحرول والعمى سالميـن،،، أحد فتح وأحد مشى عقب حروال
رحمهم اللي يرحـم المسلميـن،،، يغني الفقير ويرفع الفقربالمـال
دنيـا تـدور وتفجـع الغافليـن،،، يا ما خذت من فارس يلبس الشال
يفـك ربعـه لادركـوا مدبريـن،،، في ساعة يبحل بها كـل حـلال


هلابك ياعليق بري
والحمدلله على السلامه
لك مدة مابينت
والرنعه مالك لوا يالغالي
مع السلامه

[ذيب الفقارة]

صباح الخير حبيب الكل راعي العجراء

أعتقد أن الدكتور أخذ طريق الخدمات متعمد

تحياتي

[راعي العجراء]

وعليكم السلام والرحمه
صح السانك يابو جلمبو ويسعد صباحك
بعد مشاهدة رمعة الدكتور ماشاء الله عليه نقول ممكن
شبك الورطه ( اسلاك شائكه )


هلا بك يابو سالم
وصح السانك مليون
نعم سلك الورطه او شبك الورطه
دائم مايكون تحديد للارض خاصه الزراعيه
وقد ذكرته باللغز الشبك والورطه
والبرسفور ابوعلي ماقصر لقد توصل الى الحل ومهد الطريق للرانعين
وكفو يابو سالم وكفو يادختور
واعتقد ان الحل مناصفه بينك يابو سالم وبين الدختور
اذا سمحوا المشرفين
وكفو ثم كفو بالغالين
مه السلامه

[راعي العجراء]

كالعاده لغز كايف
صبحك الله بالخير وصح لسانك
من عرضت اللغز وانا بالبال رمعه مطابقه الا ان قولك في اللغز موجود هو من جعلني اتردد لكن خذها ولعلها تقرب للحل
فيه اثنين جارين في مزرعه دب بينهما على خلاف بحدود الارضين ذهبوا للقاضي فقال انتظروا لكم خصيم ثالث فالكل منهما احتار من هو خصيمنا
المهم اتى الشعيب فقال القاضي هذا خصمكما فاصبح الشعيب نهاية حدودهما بحيث فصل بين الاثنين


الكيف في حضورك يازعيم
والله يصبحك ويمسيك بالخير
وصح بدنك
ورمعتك طيبه من طيبك
ووانت اتجاهك طيب
ورمعتك تصلح مشروع لغز قادم بس لاترمعه على طول
من حينك بواردي نخب اول والرنعه ماخوذة منك
والحل عند الدختور وابو سالم
اشكرك على تفضلك يازعيمنا الفاضل قصدي ياجدي الفاضل
مع السلامه

[راعي العجراء]

صباح الخير حبيب الكل راعي العجراء

أعتقد أن الدكتور أخذ طريق الخدمات متعمد

تحياتي


هلابك ياجدي ابو عدنان
وعجراي ماتخوف ريشة نعام قاطعها من نسر وهو نائم في عش الزوجيه
والا كان ماقربت حوله
حفطك الله ياجدي

[راعي العجراء]

السلام عليكم ورحمة الله وبركاته
ماشاءالله عليك يابوجلنبو جزل
تحياتي




هلا وسهلا ارحب يابوعبدالله
يالله حيوه
بشر عنك عساك بخير
وصح بدنك يالغالي والجزل عند الله يستر عليك
مع السلامه

[ذيب الفقارة]

طيب ياحبيب الكل

وراك ما قلت (( أبو شرين ))

هذا اسمه عندنا

تحياتي

[راعي العجراء]

طيب ياحبيب الكل

وراك ما قلت (( أبو شرين ))

هذا اسمه عندنا

تحياتي


ياجدي اخاف منه وهو بالتلفزيون بس استرجعت قواي العقليه والبدنيه
واخذت الريشه منه وهو نائم عند معزبته وتبيني اقول عنه ابو شرين
اجل انت ماشفته وهو شايل الوعل مع قرونه وش انت يابوعجراء حتى القرون ماعندك تبيه يشيلني مع اذاني ويصبخ براسي بالسراميك

[أبوعبدالرحمن99]

ابو شرين هو السلك الشائك و ليس النسر
و صح لسانك يا راعي العجرا و كفوو للرانعين

[أبوعبدالرحمن99]

اما يصبخني بالسراميك ههههه

[راعي العجراء]

ابو شرين هو السلك الشائك و ليس النسر
و صح لسانك يا راعي العجرا و كفوو للرانعين


اشكرك يابو عبد الرحمن على التوضيح
كنت اتوقع النسر هو ابو شرين
على العموم كلهم من الجوارح احب ماعليهم شوفت الدم تجي معهم السدره
دمت بخير